طلب مساعدة من خبراء وخبيرات الهدايا بالمنتدى

ايوة نفسى بجد تقفوا جمبى لانى محتار ومحتاس ومش عارف احل الموضوع دة والسنة ابتدت والوقت بيقرب وانا لسة مرستش على بر


دلوقتى عيد ميلاد الجماعة فى شهر 3
وانا مش عارف اجيب هدية اية قبل كدة سالت فى موضوع سابق عن الهدايا وملقتش جواب :((((((

نفسى اجيب هدية عينية ومحدش يقولى دهب لان لسة جايلها عقد وبرضوة اللبس لسة جايبة
انا عاوز اقتراحات لهدية عينية مش ورد او برفان او الحجات التقليدية
وياريت محدش يبخل ياى فكرة
انا عاوز حاجة تكون جديدة ونادرة والستات بتحبها جدااااااااااااااااااا وبتعشقها موووووووووت


ساعدونى يا خبراء وخبيرات الهدايا بالمنتدى

صورة ليها محفورة على برواز كريستال؟

سبحة كريستال؟

برفانات؟ في بتبقى عبوات هدايا كده فيها عينات من 4 انواع مختلفة

عربية نقل مليانة دباديب؟

سمكة والسمكة جواها خاتم؟

عشوة في الريفولفر؟ (دي فيها 1500 جنيه مرتاح)

ليلتين في الجراند حياة (برضه 2000 جنية)

موبايل فظيع؟

كاميرا ديجيتال؟

ب 1000 جنية ورد للراجل اللي قريب منك ويقعد طول السنة كل يوم ويوم يوديلك ورد طازة ع البيت

ممكن اقعد كده لبكرة على فكرة ههههههه

انا مصيري مستنيني ف شهر 3 برضه بس انا هجيب موبايل وش عشان اللي معاها اشتكى

بناء على توصية المدام اختار حاجة فن دول : موبايل تاتش بكاميرا جامدة ، ، كاميرا ديجيتال ، ، علبة ميكياج . . . . . . . و أنا بقولك اعمل عبيط و طنش أو سافر رحلة تبع الشغل قبلها بيوم . .

عيد ميلاد الجماعه ؟ هو صحيح احنا ليه بنقول عليهم الجماعه ؟ او يقولك الحته الطريه او الجو وفي ناس تقولك المسائل بتاعتي , حاجه غريبه بجد , بس شهر 3 ده لسه بعيد قوي يا راجل .

عموما موضوع الهدايا ده علي حسب هي بتحب ايه اكيد طبعا انت عارف , ممكن تفكر في برفيوم كويس او اكسسوارات او حاجه تفضل معاها معظم الوقت مثلا زي خاتم او انسيال علشان تبقي دايما فاكراك و انا عن نفسي اشتريت خاتم غالي شويه .

هاتلها عربية
اكيد مجيبتلهاش واحدة قبل كده :-)
لو غاوية تكنولوجى يبقا موبايل او لاب توب
مش غاوية يبقا
خاتم انيق من لازوردى او داماس حاجة تكون سبيشيال شوية مع ورد طبعا وعزومة على العشا فى مكان هادى وراق
وكل سنة وهى طيبة
بس حاسب من كتر التفكير تنسى يومها :F_eyeb1[1]:

نصحتى ليك خدها وخد اجازة وروحو شرم او الغردقة او لو الاحوال المالية حلوة خدها تركيا او تيلند

محتجاين نعرف ميزانيتك للهدية يا ريس

اقتباس:

---

المشاركة الأصلية كتبت بواسطة ahmed88hassan

محتجاين نعرف ميزانيتك للهدية يا ريس

---

بالظبط عشان احنا ممكن نوصل بيك لفيلا فى بورتو مارينا او بورتو غارب :F_eyeb1[1]:

بص
وخدها كلمة من واحد قديم
أجمل هدية للبنت.. إنك تحسسها إنك بتحبها أكتر من أي حاجة في الدنيا
ودي مش محتاجة ماديات..
دي محتاجة خيال شوية....

بما انها مراتك مش خطيبتك
انت تعرف منها هى محتاجة او عايزة ايه وتجيبه وتكون هدية عملية تنفعها
وانت راجع من الشغل يومها هات كمان تورتة ولا حتتين جاتوه وحتتين ساليزون وكده حلو اوى أو تتعشوا بره على حسب الأنسب لميزانيتك ومش شرط مكان فخم ممكن مطعم من الفاست فودز وخلاص

احسن افكار انطرحت
لاب توب
موبايل اخر موديل
برفان اوريجينال
حذاء و شنطة حريمي ماركة محترمة
بس هيا اللي تنقيهم طبعا
الست عمرها ما بتستغنى عن الشنط وهيا عنوان اناقتها

اقتباس:

---

المشاركة الأصلية كتبت بواسطة A7MED_PHARMA

بص
وخدها كلمة من واحد قديم
أجمل هدية للبنت.. إنك تحسسها إنك بتحبها أكتر من أي حاجة في الدنيا
ودي مش محتاجة ماديات..
دي محتاجة خيال شوية....

---

+1111111111111111111

مش خيال قوى يعنى .... دى محتاجة حسن معاملة و احساس بالمسئولية تجاهها ممكن نجملها فى المودة و الرحمة

و ساعتها لو حبة ترمس و لب على شط أى ترعة هيبقى أسعد يوم و أجمل ذكرى فى حياتها

و ممكن لو بتحبو السفر و المغامرة روحوا مكان جديد و غريب عليكما ... يعنى لو الميزانية تسمح أعملوا عمرة مثلا

أو سافروا الواحات (ممكن سيوة ) أو توشكى مثلا :F_eyeb1[1]: ههههههههه

عموما الرحلات بتغير جو الملل و تجدد النشاط و تعمق أواصر المودة و المحبة :B4_007: ....... حلوة أواصر دى هههههه

و ممكن تجيب لها حاجة تريحها فى شغل البيت و تكون محتاجاها ... غسالة أطباق ... كتشن ماشين .....

أو تجدد حاجة من أثاث البيت تكون بتطلبها هى بالحاح

أو موبيل جديد أو لاب توب

أو تجدد العربية لو عندها واحدة أو تجيب عربيه لو معندهاش وميزانيتك تسمح

و أخيرا عيد ميلاد سعيد و كل سنة و أنتوا فى أحسن حال :E_braces[1]:

متشكر بجد يا جماعة لكل واحد رد
بجد الردود كلها مفيدة وجميلة انا قريتها كلها .....
فعلا احلى منتدى واحلى اخوة

معلش يا جماعة حتعبكوا تانى معايا بس انا عايز اجيب الحاجة من كايرو وانا مش من اهل كايرو :))))

دلوقتى انا رسيت على انى ياما حجيب ساعة يد حريمى او شنطة ماركة

عاوز اعرف احسن مكان اجيب منة و الاقى فية ساعات حريمى تحفة

واحسن مكان الاقى فية شنط حريمى

معلش قرفتكوا معايا :))))

اقتباس:

---

المشاركة الأصلية كتبت بواسطة mazagangee

و أنا بقولك اعمل عبيط و طنش أو سافر رحلة تبع الشغل قبلها بيوم . .

---

فعلا فكره جهنميه
انت خساره في البلد بصراحه ههههههههههه
انا كنت حقوله يديها 50 جنيه ويقولها كل سنه وانتي طيبه
يلا خليها 100 انشالله ماحد حوش

طيب ياباشا حضرتك مادام مش من كايرو ايه رايك تاخدها تفسحها في كايرو وعشوه حلوه في مركب عالنيل و هديه على ذوقك كده وكله حيبقى تمام
الحياه مانجا عيشها من القلب

اقتباس:

---

المشاركة الأصلية كتبت بواسطة zago

طيب ياباشا حضرتك مادام مش من كايرو ايه رايك تاخدها تفسحها في كايرو وعشوه حلوه في مركب عالنيل و هديه على ذوقك كده وكله حيبقى تمام
الحياه مانجا عيشها من القلب

---

مانا شغال فى الاقصر وكل اجازة بنزلها طنطا لازم ننزل فسحة فى كايرو ولف وعشا وكلة فدة مش حاجة جديدة للاسف...... يا ربت كان ينفع كان ارخص من اى هدية :))))))

انزل جنينه مول في مدينة نصر
الملحق التجاري لرمسيس هيلتون
السراج مول مدينة نصر
روكسي مصر الجديدة

يا ريت تقول انت بتقعد فين لما بتنزل
او اكتر مكان بتعرف تنزله
ونسهلهالك اكتر

لو ساعة ساعة حلوة ال سواتش ماركة محترمة و سويسرى طبعا و لو عاوز شنطة كويسة فية محل أسمة seven k او محل club aldo

اولا كل سنة وهى طيبة
انا هاقولك على الفكرة اللى عملتها فى عيد ميلاد جوزى ويارب تعجبك وهى عينية فعلا لان جوزى محير جدا فى موضوع الهدايا ده
انا رحت محل شموع واشتريت مجموعة شموع كتيـــــــــــــر شوية بالروائح والالوان وعملتها مفاجاة وولعت كل الشموع دى وبجد كانت مدية روح حلوة قوى وجديدة والحمد لله ربنا ستر والبيت ماولعش بينا

اقتباس:

---

المشاركة الأصلية كتبت بواسطة dolly13

اولا كل سنة وهى طيبة
انا هاقولك على الفكرة اللى عملتها فى عيد ميلاد جوزى ويارب تعجبك وهى عينية فعلا لان جوزى محير جدا فى موضوع الهدايا ده
انا رحت محل شموع واشتريت مجموعة شموع كتيـــــــــــــر شوية بالروائح والالوان وعملتها مفاجاة وولعت كل الشموع دى وبجد كانت مدية روح حلوة قوى وجديدة والحمد لله ربنا ستر والبيت ماولعش بينا

---

فعلا فكره حلوه
واهم حاجه لو حتعملها تطلع معاك طفايه الحرق من العربيه
وربنا يستر
:36_3_10[1]: