-
يا باشا اللى تعرف ديتة اقتلة
انت عارف عربيتك كويس اوى وعيوبها وعيبها الوحيد الموتور بقى تغيرة وتشتري دماغك ع الاقل عربيتك ضامنها متعرفش بقى هتجيب عربية تانية هيطلع فيها اية والميجان حلوة وكل حاجة بس مليانة حساسات وطول ما انت ماشي كل شوية ع=هتلاقي انوار الطبلوة بتزمر حساسات اي حاجة ههههههههههههههههههههه
هتجننك
-
انا بصراحة بحب ركوبة العربية دى بس برضو انا هقولكم حاجة بعد لما اغير المكنة فى يا جمااااعة حاجات صغيرة كده و مسامير الحاجات دى برضو اكيد استهلكت و مش كل حاجة برضو بتتغير و اكيد كل حاجة ليها عمر افتراضى بس فى المقابل انا مش لاقى بعدها عربية تكفينى ... و ليه محدش علق على النيسان صنى سوبر صالون يا جماااعة انا بفكر فيها بس بعد الفيكترا مش عارف .. انا كنت ماشى بيها 100 على الدائرى النهاردة و يا جماعة قعدت اعمل الدريكسيون يمين و شمالى بسرعة اوى اوى و مستنيها تعوم و بنت التييييت ولا الهوا و ثابتة ثبات فظيع و خلتنى كده لحد 130 و خوفت علشان الطريق زحمة اوى و الناس تلاقيها بتقول ايه المجنون ده .. بس انا زهئت و كان نفسى ابرر لنفسى انى ابيعها بس نفسى اريح دماغى و ادور و امشى و خلاص بلا مشااكل
-
بجد يا جماعة حطو نفسكو مكانى و قولولى اعمل ايه
-
لو عايز تدور و تمشى و من غير مشاكل هات متسوبيشى لانسر مكوه موديل 2003 رنجها فى الستينات يعنى على اد ايدك كل اللى معاه العربيه دى متفق على انها عربيه ملهاش مشاكل بس طبعا ما تقارنش ثبتها بالفكترا الفكترا تكسب فى الثبات على السرعات العليا
-
-
بص ياباشا انت داخل على منعطف تاريخى و حتحتاج كل قرش من اللى معاك فشوف ارخص حل يا اما تصلح المكنة و تعيش حياتك بيها ( عربية تحفة) و شكرا على كدة و مدعبش على اى حاجة فى العربية عشان تصلحها عشان لو "حضرت العفريت مش حتعرف تصرفو" مقولة احد مالكى الاوبل و من هنا ابتدى النقطة التانية انك ممكن تبيع العربية و تشترى لانوس على قد الايد ( بس انسى بقى الالمانى و احساسك بية) و يبقى وفرت مصاريف قطع غيار مستقبلا لان مصاريف الانوس اقل بكثير من الفيكترا و كمان اعادة بيع مضمونة و وقت اما امورك تستقر بيع الانوس و شوف باقى الفلوس اللى معاك و جيب واحدة على قد اللى معاك
انا عارف ان ممكن التاس ترفض كلامى و تقولى تنزل من المانى و تركب كورى و الكلام ده يا جماعة انا بتكلم من ناحية اقتصادية بحتة لأن الزواج اهم كثيرا من السيارة و مصاريف الزواج كثيرة و ربنا يتمم بخير و اسف على الاطالة
Content Relevant URLs by
vBSEO 3.6.0 PL2