الموضوع: صاحبتى عاوزة تشترى عربية

المشاركة الأصلية كتبت بواسطة alsharkawy

من وجهة نظرى الماروتى عربية ضعيفة والعربيات عموما ما هى الا حالة وليست موديل بمعنى ان يوجد عربية موديل 84 ولكن حالتها افضل من عربية موديل 90 لذلك يجب تحديد النوع اولا ودا على حسب المبلغ المتوفر ثم اهم شئ الاستعانة بخبراء عند شراء سيارة وانا ارجح العربية ريتمو او 127 وهما هاتشباك لان 20 الف مبلغ يضعك فى اوبشنز قليلة

أيهما أسهل انك تلاقي حاله كويسه .. عربيه عمرها 10:15 سنه ولا عربيه عمرها 25:30 سنه !

اعتقد ان دلوقتي رينج السعر ده ممكن يعدي موديل 2000 كمان في الماروتي

لكن ريتمو ! جربتها لما كنت بدور علي عربيه رخيصه وكانت بحاله رائعه ومع ذلك مش عايز اقول رأيي فيها .. وجربت ماروتي برضو بس اللي معجبنيش انها صغيره مش مناسبه ليا لكن أحسن من الريتمو بمراحل يكفي فرق العمر اللي هيعدي 15 سنه

ده كان رأي مهندس خالد "سبعاوي" في الموضوع ده لما كنت بسأل برضو علي العربيات الرخيصه ، مبنساش منه أخر سطر اللي متعلم بالأحمر ، بالمناسبه هو عنده ماروتي برضو

المشاركة الأصلية كتبت بواسطة sab3aawy

رأييى انك متحطش تحويشة عمرك فى بارومة طالع لها عربية، لو تقدر تستنى شوية وتزود وتجيب كيا برايد هاتش باك هيكون حل امثل، لو متقدرش يبقى الماروتى واسمها لسة عربية، لكن حكايه عربية عمرها 30 سنة دى صعبة اوى، 30 سنة بالنسبة للسيارات دى تقابل 60 سنة بالنسبة للبنى ادمين، يعنى تخيل انك هتتجوز واحدة عندها 60 سنة وفكر على هذا الأساس