اخبارك إيه مع الدبرياج
فهل أنت أول مالك للسياره
وهل عمرت الدبرياج من قبل
عرض للطباعة
اخبارك إيه مع الدبرياج
فهل أنت أول مالك للسياره
وهل عمرت الدبرياج من قبل
العربية اوتوماتيك
انا اسف اني مقلوتش من الأول
انا اول مالك للسيارة من حيث انها وارد الخارج بس معرفش اخبار اللي كان سايقها فبلي اية
أعتقد أنه آن الآوان
لتغيير زيت الفتيس وفلتر الفتيس بعد تسقيطك كارتيرة الفتيس
ونظافة جميع الأجزاء الداخليه والكارتيره
وتشوف لون الزيت الحالى عامل أيه بالمره
هل لونه طبيعى ( أحمر ) ولا مسود ومحروق
ولو الفتيس عندك بتاع النوبيرا العادى ( أبو مقاس زيت )
يبقى يفضل برضه
التشييك على رجلاش كابل الكيك داون
الزيت مابقالوش كام شهر متغير
الزيت اللي موجود فيها اسو الأحمر ولونة حاليا أحمر بني المقاس زايد عن الماكس شوية
سلك الكيك داون مرخية شوية علشان العربية كانت بتكك معايا كتير جدا فالجماعة عندي بيخافو من صوت العربية العالي
يرجى الأيضاح أكثراقتباس:
سلك الكيك داون مرخية شوية علشان العربية كانت بتكك معايا كتير جدا فالجماعة عندي بيخافو من صوت العربية العالي
للأسباب التى أدت لأرخاء سلك الكيك داون
انا كنت كل لما اروح للميكانيكي اشتكيلة من خنقة العربية علي السرعة العالية بعد 100 كان بيشدة فكان بذلك بيخلي العربية تتأخر جامد في النقلات بمعني كل النقلات بتكون عند 4 ار بي ام او في احسن الأحوال 3,75 و دة انا شايف انة كتير سواء في استهلاك البنزين او انة بعيد عن العيار الطبيعي اللي المفروض حسب علمي من 2,75 الي 3
وعادتا كل ما جي اعدي عربية او ازود شوية الاقي العربية بتكك مما يلاحظ انة يؤذي مشاعر البعض ويفكر اني بشد معاه ولا عربيتة مش عجباني فيبدأ يضايقني علي الطريق ويقفل عليا
دة اهم اسباب اني رخيتة و لما ابقي محتاج الكيك داون هبقي ادوس البدال علي الأخر
بس سؤالي هل دة هو لية علاقة بضعف تجميع سرعة العربية بعد 100
نعماقتباس:
بس سؤالي هل دة هو لية علاقة بضعف تجميع سرعة العربية بعد 100
طيب ما هو الحل؟؟
يتظبط على طبيعته الأساسيه
وزى ما بتقول على أساس النقل يكون بدرى شويه
عند 3000 مثلا
ودى عاوزك تفهمهالى شويهاقتباس:
وعادتا كل ما جي اعدي عربية او ازود شوية الاقي العربية بتكك مما يلاحظ انة يؤذي مشاعر البعض ويفكر اني بشد معاه ولا عربيتة مش عجباني فيبدأ يضايقني علي الطريق ويقفل عليا
ونشوف آداء السحب والسرعه حيبقى عامل أزاى
انا حاليا ظابطة بالمقارنة مع عربية فبريكا نفس الموديل وهو الوضع اللي قطعة الرصاصة اللي في سلك الكيك داون ملامسة بداية مسمار الرجلاش
للأيضاح النقطة السابقة يجب مراعاة اولا ان صوت العربية عندي جرش و اعلي نسبيا من اللي زيها ودورت علي كل حاجة بتعمل صوت عالي و غيرتها ومع ذلك الصوت عالي
من ناحية سلك الكيك داون في الوضع السابق -ما قبل مرحلة الأرخاء- انا ممكن اكون بزود مثلا علشان اعدي حد و لكن مش لدرجة ان رجلي توصل لمرحلة الكيك داون و خصوصا مابين سرعتي 80 و 90 الاقي العربية نقلت من الرابع للتالت وهوب للتاني و لحظتها يبقي الأربي ام علي 5-6 وصوت العربية بيكون اعلي لحد ما توصل 110 وبعدين يرجع للثالث تاني - الحركة دي بتدي ايحاء اني بشد مع الشخص اللي بعدي عربيتة و خصوصا لو ميكروباص وحيث اننا في عصر الغباء المروري علي رأي احد الزملاء بتفهم هذة الحركة بشكل خاطئي-
وزائد الأستهلاك الأعلي نسبيا للبنزين
المشكلة الأكثر وضوحا عندي هو ضياع عزم العربية بعد سرعة 100 و عدم القدرة علي الوصول الي سرعات ما بعد 140 الا بظروفها و اخري 150 و اذا نزلت عصاية الفتيس الي رقم 3 تجمع العربية معايا الي 160 ثم عند اعادتها الي d تقل السرعة تدريجيا الي 150 ثم الي 140 بغض النظر عند الضغطة علي بدال البنزين