حوادث تقاطع عباس العقاد مع مصطفي النحاس.. الي متي؟؟

**Ahmed Nasser** · 03-01-2011 11:43 AM

عيب سواقيين بس المفروض يبقى فى مطب

**mailo** · 03-01-2011 12:09 PM

عيب سواقين ولا حتى عيب طريق المفروض يبقى فيل لوحة ارشادية واضحة بالتغيرات اللي بتحصل فالطرق

**Sharky** · 03-01-2011 12:37 PM

طبعا دا عيب سواق
التخطى فى التقاطعات بيبقى براحة مش بالجرى حتى لو الطريق فاضى
و لإن الحتة دى عاطول منورة بالليل لإنها منطقة حيوية جدا
دا غير ان التغيير دا حصل من فترة كبيرة و اظن انه بقاله اكتر من سنتين!!

**FunnyMickey** · 03-01-2011 12:45 PM

انا ساكن هناك علي فكره
والتقاطع مقفول بقاله اكتر من سنتين
ومن زمان اوي يعني

سوري يعني اللي ميشوفش تقاطع زي ده يبقي حاجه من الاتنين

يااما اعمي
يااما شارب وضارب وعامل كل حاجه ودول ما اكثرهم في هذه المنطقه

وبعدين الحته مش ضلمه خالص
دي منوره ضهر

**Sharky** · 03-01-2011 01:00 PM

المشاركة الأصلية كتبت بواسطة funnymickey

انا ساكن هناك علي فكره
والتقاطع مقفول بقاله اكتر من سنتين
ومن زمان اوي يعني

سوري يعني اللي ميشوفش تقاطع زي ده يبقي حاجه من الاتنين

يااما اعمي
يااما شارب وضارب وعامل كل حاجه ودول ما اكثرهم في هذه المنطقه

وبعدين الحته مش ضلمه خالص
دي منوره ضهر

كلام مظبوط

**No Comment** · 03-01-2011 01:03 PM

المشاركة الأصلية كتبت بواسطة ahmedhossam86

طب اعملوا مطب او اي لوحة ارشادية

:i_angr1[1]:

هو ده مربط الفرس .... يعنى من سنتين كدة فعلاً لما قفلوا التقاطع ده قفلوه علشان كم الحوادث اللى كانت بتحصل بسبب العربيات اللى جاية من عباس العقاد ومصطفى النحاس بسرعة .
لاكن المشكلة انه فعلاً أول ما عملوه محطوش لوحة استرشادية ولا عملوا مطب ... وفجأة كدة ومرة واحدة لاقيناه أتقفل .... يعنى لو الواحد لو مكنشى واخد باله كان زمانه حصله زى اللى حصل لبعض الناس من حوادث لا قدر الله ... لاننا كنا بنعدى كتير ومنعرفشى واتفاجئنا بيه مرة واحدة .

فالمفروض انهم كانوا يعملوا حاجة توضح التعديل ده لآنى شفت حوادث فى الحته دى بشعة .

**FunnyMickey** · 03-01-2011 01:28 PM

المشاركة الأصلية كتبت بواسطة ahmedhossam86

ازاي منورة يا باشا.. انا ساكن جمب التقاطع بالظبط.. و بشوف الحوادث دي صوت و صورة..

و لو انت جاي من ذاكر حسين.. الناحية التانية من وندرلاند و الحديقة الدولية ضلمة كحل الساعة 4 و 5 الفجر.. و الشارع منزل تعالي شوف في الاوقات العادية العربيات بتفرمل ازاي عند البلاعة اللي قدام عمارة نصر سنتر.. تحس العربيات حاتتفكك... اه العيال شاربة و ضايعة بس الحكومة يظهر فرحانة بالحوادث دي عشان يتربوا..

والله ياباشا انا عارف المنطقه دي
وقدام صلاح الدين بتاع اللب منور 24 ساعه

وعند مصر للطيران ووندر لاند منوره كلها
ناحيه الشمال
اما عند الحديقه الدوليه نفسها من اليمين والشمال
فدي بيضلموها عشان الشباب تعرف تقعد تلف وتضرب براحتها من غير ازعاج

ان كنت بتتكلم علي السور بتاع الحديقه فده اللي لازم يتولع فيه
والحديقه كلها بالمره
:)
وبردو ارجع واقولك العيب مش عاللي قفل التقاطع
العيب عاللي بيييجي يجري في شارع زي ده ويلبس في الرصيف

وانتا بتقول ان الحوادث دي بتحصل بالليل
الفجر
لان من طبيعه المكان ده وبسبب اليو تيرن
المكان ده زحمه طول الوقت
وزحمه رخمه
لدرجه اني بطلت اعدي من مصطفي النحاس بسبب اليو تيرن ده

اللوحات الارشاديه
مش حتعمل حاجه للسائق طالما هوا متهور وبيجري

مالدائري عليه ارشادات طول مانتا ماشي
وبردو بيحصل فيه حوادث
بسبب السرعه

احنا بلدنا مش بتاعت سرعه
ولا طرق بلدنا بتاعت سرعه وجري اساسا

عاملين مطبات وحفر ومدقات وطرق زي الزفت عشان نبطل جري وبردو مفيش فايده
الناس تعمل ايه اكتر من كده بس

**Formulator** · 03-01-2011 01:59 PM

ياباشا ده عيب سواق... وش

انا ساكن فى زاكر حسين وشغلى فى عباس العقاد
يعنى بعدى من الطريق ده 365x2 مرة فى السنة..!!!

والتقاطع مقفول بقاله سنتين بالضبط... وهقولك من الآخر الحتة دى تتعدى ازاى:
آخرك تسرع سيكا فى المطلع بعد الصينية بتاع Ennpi
وبعدين تهدى خالص عن التقاطع بتاع المعايرجى وشئون الأفراد بتاع الداخلية (قصاد واندر) ولازم تاخد شمال اوى علشان ركنات الصف التانى.!!!

ولحد آخر الشارع هتلاقى العربية عمالة تتنطط بيك علشان الأسفلت مموج
وفى آخره هتاخد يمين علشان البلاعة الجامدة على الشمال... وتلف براحة... وشكرا

أى بنى آدم يجرى فى الحته ليل او نهار يبقى تييييييييييييييييت
اللى يغيظك ان الشباب السيس اللى بتجرى فى حتت ما يتجريش فيها دى, اول مايطلع على طريق عدل بتاع جرى فعلا.... بيبقى معزة, فرخة, .... فين ياعم؟؟؟؟!!!!