حوادث تقاطع عباس العقاد مع مصطفي النحاس.. الي متي؟؟

منذ تحويل التقاطع الي u-turn في نص شارع مصطفي النحاس و اصبحت الحوادث شبه اسبوعية بالليل .. الناس بتيجي بالليل بأقصي سرعتها و دبببببببب في الرصيف و تعدي فوق شريط المترو

[img2]http://img844.imageshack.us/img844/7048/81266907.jpg[/img2]

امبارح عربية سيراتو كوبيه عدت اول رصيف و عدت فوق شريط المترو.. و من اسبوعين هيونداي الانترا ادمرت تماما.. و قبلهم اوبل استرا عدت الرصيفين و الله اكبر ولعت و تفحمت بالكامل و المطافي جم بعدها بنص ساعة.. و غيره و غيره... كلها عربيات جديدة.. و بتبقي اقل اصابة لاي عربية.. عفشة بالكامل..

طب اعملوا مطب او اي لوحة ارشادية.. الشارع ضلمة كحل و منزل و اللي مش من المنطقة بيخيش..

:I_angr1[1]:

بس اللي يخيش في المكان ده يبقى كان داخل التقاطع على 80 او 90 على الاقل ولا ايه؟

اكيد.. حتي لو علي 60 او 70.. لان اللي نازل بسرعة بيتفاجيء بالرصيف و الاشارة المفتوحة للي جاي من "علي امين" علي يمينه او مصطفي النحاس علي شماله.. فإما حادثة او العربية تحود منه الي اقرب عامود اعلانات او نور او يكبس بنزين و يلبس في الرصيف..

من اسبوع عربية لادا شفتها حاضنة عامود النور!

بس دا بنسبة كبيرة غلطة اللي سايق لأن واضح إن في تقاطع فالمفروض يهدي

مع احترامي لحضرتك

مش المفروض إن أدخل على تقاطع في وسط المدينة بسرعة تزيد عن 40 كم/س حتى لو بالليل والشارع فاضي ماهو ممكن يكون حد جاي بسرعة لو حتى مفيش رصيف .

أكيد.. بس انت كحكومة و ادارة مرور لما كل كام يوم تبعت ونش و تحرر محضر.. لازم تبقي فاهم ان في حاجة غلط.. ساعات بيبقي باين انهم شابين تلاتة راكبين و الله اعلم شاربين ايه و لا عاملين ايه.. بس ضروري انك تنبه الناس بعد الحوادث دي كلها.. دي ارواح في الاخر و ممتلكات..

الحوادث هتفضل لحد مالناس تسوق كويس !!!!! اكيد 100 % اللي يدخل الدخلة دي كان طاير
ماحنا كلنا بنمشي في شوارع ومش شرط نبقى حافظينها بس مع شوية تركيز وسرعة مناسبة بنلحق نتفادى المفاجآت
الحوادث اللي انت بتحكي عنها دي ناس طايرة ياباشا اللي عربيته تطلع فوق الرصيف دا - رصيف عالي على فكرة - وتكمل لشريط المترو وتتدمر العفشة او تتحرق دا كان ماشي على ستين وباصص قدامه ؟ من غير مايكون مركز حتى ؟

الموضوع دة عيب سواقين

MMamdouh

كل التقاطاعات في مصر بيحصل عليها حوادث شبة اسبوعيه نتيجه لأخطاء السائقين لان حتي لو التقاطع دة لسة مفتوح العربيات هتدخل في عربيات تانيه و السراتو او الالنترا (( ربنا يصبرهم طبعا و يرحمهم لو ماتوا )) لو مدخلوش في الرصيف كانوا ممكن يدخلوا في عربيه في الاتجاه التاني و كانت تبقي حادثه اسطوريه

اي تقاطع الف باء سواقه اني اهدي عنده و ابص يمين و شمال حرصا علي حياتي و حياه غيري

انا معاك طبعا ان لازم يبقي في يافطة ارشاديه بس اكيد اي حد بيسوق في مصر بقاله كام شهر عارف ان الحكومه شايله ايدها من كل حاجة و ان اليافطة الارشاديه هتتحط لما اي حد مهم عربيته تتخدش في المكان دة غير كدة احنا اللي نخاف علي نفسنا

بس اعتقد ان المنطقة دى حيوية اوى ومبتبقاش مضلمة فى اى وقت من اليوم حتى بالليل

وانا داخل على تقاطع (لو فاكره تقاطع عادى) لازم اهدى علشان لو حد جاى يمين او شمال

عيب سواقيين بس المفروض يبقى فى مطب

عيب سواقين ولا حتى عيب طريق المفروض يبقى فيل لوحة ارشادية واضحة بالتغيرات اللي بتحصل فالطرق

طبعا دا عيب سواق
التخطى فى التقاطعات بيبقى براحة مش بالجرى حتى لو الطريق فاضى
و لإن الحتة دى عاطول منورة بالليل لإنها منطقة حيوية جدا
دا غير ان التغيير دا حصل من فترة كبيرة و اظن انه بقاله اكتر من سنتين!!

انا ساكن هناك علي فكره
والتقاطع مقفول بقاله اكتر من سنتين
ومن زمان اوي يعني

سوري يعني اللي ميشوفش تقاطع زي ده يبقي حاجه من الاتنين

يااما اعمي
يااما شارب وضارب وعامل كل حاجه ودول ما اكثرهم في هذه المنطقه

وبعدين الحته مش ضلمه خالص
دي منوره ضهر

اقتباس:

---

المشاركة الأصلية كتبت بواسطة funnymickey

انا ساكن هناك علي فكره
والتقاطع مقفول بقاله اكتر من سنتين
ومن زمان اوي يعني

سوري يعني اللي ميشوفش تقاطع زي ده يبقي حاجه من الاتنين

يااما اعمي
يااما شارب وضارب وعامل كل حاجه ودول ما اكثرهم في هذه المنطقه

وبعدين الحته مش ضلمه خالص
دي منوره ضهر

---

ازاي منورة يا باشا.. انا ساكن جمب التقاطع بالظبط.. و بشوف الحوادث دي صوت و صورة..

و لو انت جاي من ذاكر حسين.. الناحية التانية من وندرلاند و الحديقة الدولية ضلمة كحل الساعة 4 و 5 الفجر.. و الشارع منزل تعالي شوف في الاوقات العادية العربيات بتفرمل ازاي عند البلاعة اللي قدام عمارة نصر سنتر.. تحس العربيات حاتتفكك... اه العيال شاربة و ضايعة بس الحكومة يظهر فرحانة بالحوادث دي عشان يتربوا..

اقتباس:

---

المشاركة الأصلية كتبت بواسطة funnymickey

انا ساكن هناك علي فكره
والتقاطع مقفول بقاله اكتر من سنتين
ومن زمان اوي يعني

سوري يعني اللي ميشوفش تقاطع زي ده يبقي حاجه من الاتنين

يااما اعمي
يااما شارب وضارب وعامل كل حاجه ودول ما اكثرهم في هذه المنطقه

وبعدين الحته مش ضلمه خالص
دي منوره ضهر

---

كلام مظبوط

اقتباس:

---

المشاركة الأصلية كتبت بواسطة ahmedhossam86

طب اعملوا مطب او اي لوحة ارشادية

:i_angr1[1]:

---

هو ده مربط الفرس .... يعنى من سنتين كدة فعلاً لما قفلوا التقاطع ده قفلوه علشان كم الحوادث اللى كانت بتحصل بسبب العربيات اللى جاية من عباس العقاد ومصطفى النحاس بسرعة .
لاكن المشكلة انه فعلاً أول ما عملوه محطوش لوحة استرشادية ولا عملوا مطب ... وفجأة كدة ومرة واحدة لاقيناه أتقفل .... يعنى لو الواحد لو مكنشى واخد باله كان زمانه حصله زى اللى حصل لبعض الناس من حوادث لا قدر الله ... لاننا كنا بنعدى كتير ومنعرفشى واتفاجئنا بيه مرة واحدة .

فالمفروض انهم كانوا يعملوا حاجة توضح التعديل ده لآنى شفت حوادث فى الحته دى بشعة .

اقتباس:

---

المشاركة الأصلية كتبت بواسطة ahmedhossam86

ازاي منورة يا باشا.. انا ساكن جمب التقاطع بالظبط.. و بشوف الحوادث دي صوت و صورة..

و لو انت جاي من ذاكر حسين.. الناحية التانية من وندرلاند و الحديقة الدولية ضلمة كحل الساعة 4 و 5 الفجر.. و الشارع منزل تعالي شوف في الاوقات العادية العربيات بتفرمل ازاي عند البلاعة اللي قدام عمارة نصر سنتر.. تحس العربيات حاتتفكك... اه العيال شاربة و ضايعة بس الحكومة يظهر فرحانة بالحوادث دي عشان يتربوا..

---

والله ياباشا انا عارف المنطقه دي
وقدام صلاح الدين بتاع اللب منور 24 ساعه

وعند مصر للطيران ووندر لاند منوره كلها
ناحيه الشمال
اما عند الحديقه الدوليه نفسها من اليمين والشمال
فدي بيضلموها عشان الشباب تعرف تقعد تلف وتضرب براحتها من غير ازعاج

ان كنت بتتكلم علي السور بتاع الحديقه فده اللي لازم يتولع فيه
والحديقه كلها بالمره
:)
وبردو ارجع واقولك العيب مش عاللي قفل التقاطع
العيب عاللي بيييجي يجري في شارع زي ده ويلبس في الرصيف

وانتا بتقول ان الحوادث دي بتحصل بالليل
الفجر
لان من طبيعه المكان ده وبسبب اليو تيرن
المكان ده زحمه طول الوقت
وزحمه رخمه
لدرجه اني بطلت اعدي من مصطفي النحاس بسبب اليو تيرن ده

اللوحات الارشاديه
مش حتعمل حاجه للسائق طالما هوا متهور وبيجري

مالدائري عليه ارشادات طول مانتا ماشي
وبردو بيحصل فيه حوادث
بسبب السرعه


احنا بلدنا مش بتاعت سرعه
ولا طرق بلدنا بتاعت سرعه وجري اساسا

عاملين مطبات وحفر ومدقات وطرق زي الزفت عشان نبطل جري وبردو مفيش فايده
الناس تعمل ايه اكتر من كده بس
:F_eyeb1[1]::F_eyeb1[1]:

عيب سرعه و تهور و عدم تركيز و طبعا عيب عى الحي اللي مش بيتابع هيئه الطرق لما بتعمل تعديل و مبتحطش وسائل تحذيريه ....لتجاه اجباري يمين .... مش هتكلف اي حاجه لانها مدفوع تمنها اساسا في المقايسه المعموله لتحويل المسار:11: .. انما نقول ايه ... قله ضمير

ياباشا ده عيب سواق... وش

انا ساكن فى زاكر حسين وشغلى فى عباس العقاد
يعنى بعدى من الطريق ده 365x2 مرة فى السنة..!!!

والتقاطع مقفول بقاله سنتين بالضبط... وهقولك من الآخر الحتة دى تتعدى ازاى:
آخرك تسرع سيكا فى المطلع بعد الصينية بتاع Ennpi
وبعدين تهدى خالص عن التقاطع بتاع المعايرجى وشئون الأفراد بتاع الداخلية (قصاد واندر) ولازم تاخد شمال اوى علشان ركنات الصف التانى.!!!

ولحد آخر الشارع هتلاقى العربية عمالة تتنطط بيك علشان الأسفلت مموج
وفى آخره هتاخد يمين علشان البلاعة الجامدة على الشمال... وتلف براحة... وشكرا

أى بنى آدم يجرى فى الحته ليل او نهار يبقى تييييييييييييييييت :funny34d:
اللى يغيظك ان الشباب السيس اللى بتجرى فى حتت ما يتجريش فيها دى, اول مايطلع على طريق عدل بتاع جرى فعلا.... بيبقى معزة, فرخة, .... فين ياعم؟؟؟؟!!!!

انا شوفت الانترا الي كانت مخيشه دي
ده اكل الرصيف يا راجل و بعدين الرصيف باين
ده لو طافي نور العربيه هياخد باله من الاعلانات عواميد النور
هو بيبقى مكسل يلف ال u turn فبيكمل على طول

انا ساكن فوق التقاطع ده بالظبط
فوق زهور هولندا الدور العاشر

المشكلة الحتة دي كلها مشاكل
عمدان النور اللي في التقاطع نفسه مش منورة
فلو حد ناسي او مجاش من زمن او تعبان بيرشق وش

الحاجة التانية اللي جاي من انبي و ووندر
بيقابل بلاعتين و شوية تضاريس غريبة في اخر الشارع
يفقد السيطرة على العربية

الحاجة التالته
صلاح الدين نفسه و الناس اللي بتركن صف تاني و تالت في الاتجاهين

الحاجة الرابعة
مفيش يوتيرن ترجعك تاني الحديقة الدولية لازم تلف دوخيني يا لمونة

الحاجة الخامسة بتوع الجرايد اللي فارشين شمال و لازم كل يومين حادثة

الحاجة السادسة اللعبكة اللي قدام جاد اللي ملهاش مثيل

عاوزين تاني

الحل كوبري معدني في اتجاه شارع عباس العقاد

ده احنا كلنا جيران بقي.. :))

صعب يعملوا كوبري في اتجاه عباس.. الاسهل في اتجاه علي امين و مصطفي النحاس لانه اوسع.. بس يشيلوا المترو اللي مالوش تلاتة لزمة ابدا ده !!!!

و برضه انا مقتنع ان البلد نايمة علي ودانها حتي لو الشباب مستهتر و بيعملوا اللي هما عايزينه... و انتو مش بتشوفوا قدنا.. احنا بلا مبالغة كل يومين تلاتة حادثة.. اكيد المخدرات مش منتشرة بالاسلوب ده.. علي الاقل الشباب حاينبهوا بعض :))))

كوبري في اتجاه على امين مش هينفع علشان المترو - بيقولو بعد فترة هيعملو مترو سريع بدل العيان اللي كان هنا

لا حول ولا قوة إلا بالله

انا عديت ف التقاطع دا كذا مره و الرصيف باين
و اصلا الشارع دا ماينفعش حد يجري فيه

يا اما الي بيجري فيه معهوش فرامل او بيجرب العفشه :d

لما والدى علمنى السواقة و أنا صغير, علشان يوضحلى خطورة التقاطعات و المفارق قاللى بنوع من الدعابة و المبالغة علشان يبينلى خطورة التقاطع "أنت مش هاتغلط بس غيرك هايغلط ......علشان كدة و أنت داخل على التقاطع توقف العربية خالص و تنزل تفتح ألأربع أبواب و تقف قدام العربية تبص كويس أوى يمين و شمال" :)

اقتباس:

---

المشاركة الأصلية كتبت بواسطة mohabelnegm

لما والدى علمنى السواقة و أنا صغير, علشان يوضحلى خطورة التقاطعات و المفارق قاللى بنوع من الدعابة و المبالغة علشان يبينلى خطورة التقاطع "أنت مش هاتغلط بس غيرك هايغلط ......علشان كدة و أنت داخل على التقاطع توقف العربية خالص و تنزل تفتح ألأربع أبواب و تقف قدام العربية تبص كويس أوى يمين و شمال" :)

---

ههههههههههههه
ده انت لو عملت كده في كل تقاطع مش هتوصل
بلدنا كلها تقاطعات اصلا d:

طيب أنا هاقول رد ممكن مش هايعجب الأعضاء

أحنا عندنا مشكلتين في مصر
المشكلة الأولى
أن الحكومة مش بتعمل أي نوع من أنواع التخطيط او التنظيم أو التحكم في المرور .

المشكلة التانية
الناس

الناس هنا كلهم متسرعين و سواقتهم كلها رعونة
يعني لو الناس ألتزمت بسرعة 60 ........... و شاف حاجة ادامه أكيد هايعرف يقف بسهولة
إنما الناس هنا
كل واحد مصور عداده و عامل 180 أو 190 ........ و كأنه في سباق

فأحنا ممكن نتفادى حوادث كتيرة لو أحنا سواقتنا كويسة و محترمة بفرض أن الحكومة مش ناوية تصلح الحال .
إنما المشكلة الأساس هي الحكومة و هي اللي لازم تفرض النظام على الناس و تفرض قواعد المرور و تفرض السرعات المعقولة على الطرق و داخل المدن .
مش سايبين الناس تخبط في بعض و الرخص بتطلع زي الحلاوة بدون وجود أدنى نوع من أنواع الأختبارات .

و بالتالي الكلام مش هايفيد و بيتعب نفسيا أكتر ..........
لأن طرفين المعادلة مبسوطين باللي بيحصل .أو على الأقل مش عايزين أي تغيير يحصل أو يتم

اقتباس:

---

المشاركة الأصلية كتبت بواسطة amrrr

الحوادث هتفضل لحد مالناس تسوق كويس !!!!! اكيد 100 % اللي يدخل الدخلة دي كان طاير
ماحنا كلنا بنمشي في شوارع ومش شرط نبقى حافظينها بس مع شوية تركيز وسرعة مناسبة بنلحق نتفادى المفاجآت
الحوادث اللي انت بتحكي عنها دي ناس طايرة ياباشا اللي عربيته تطلع فوق الرصيف دا - رصيف عالي على فكرة - وتكمل لشريط المترو وتتدمر العفشة او تتحرق دا كان ماشي على ستين وباصص قدامه ؟ من غير مايكون مركز حتى ؟

---

+ 11111111111111111111111111111

اقتباس:

---

المشاركة الأصلية كتبت بواسطة tutankhamoun

طيب أنا هاقول رد ممكن مش هايعجب الأعضاء

أحنا عندنا مشكلتين في مصر
المشكلة الأولى
أن الحكومة مش بتعمل أي نوع من أنواع التخطيط او التنظيم أو التحكم في المرور .

المشكلة التانية
الناس

الناس هنا كلهم متسرعين و سواقتهم كلها رعونة
يعني لو الناس ألتزمت بسرعة 60 ........... و شاف حاجة ادامه أكيد هايعرف يقف بسهولة
إنما الناس هنا
كل واحد مصور عداده و عامل 180 أو 190 ........ و كأنه في سباق

فأحنا ممكن نتفادى حوادث كتيرة لو أحنا سواقتنا كويسة و محترمة بفرض أن الحكومة مش ناوية تصلح الحال .
إنما المشكلة الأساس هي الحكومة و هي اللي لازم تفرض النظام على الناس و تفرض قواعد المرور و تفرض السرعات المعقولة على الطرق و داخل المدن .
مش سايبين الناس تخبط في بعض و الرخص بتطلع زي الحلاوة بدون وجود أدنى نوع من أنواع الأختبارات .

و بالتالي الكلام مش هايفيد و بيتعب نفسيا أكتر ..........
لأن طرفين المعادلة مبسوطين باللي بيحصل .أو على الأقل مش عايزين أي تغيير يحصل أو يتم

---

100 100

اقتباس:

---

المشاركة الأصلية كتبت بواسطة tutankhamoun

طيب أنا هاقول رد ممكن مش هايعجب الأعضاء

أحنا عندنا مشكلتين في مصر
المشكلة الأولى
أن الحكومة مش بتعمل أي نوع من أنواع التخطيط او التنظيم أو التحكم في المرور .

المشكلة التانية
الناس

الناس هنا كلهم متسرعين و سواقتهم كلها رعونة
يعني لو الناس ألتزمت بسرعة 60 ........... و شاف حاجة ادامه أكيد هايعرف يقف بسهولة
إنما الناس هنا
كل واحد مصور عداده و عامل 180 أو 190 ........ و كأنه في سباق

فأحنا ممكن نتفادى حوادث كتيرة لو أحنا سواقتنا كويسة و محترمة بفرض أن الحكومة مش ناوية تصلح الحال .
إنما المشكلة الأساس هي الحكومة و هي اللي لازم تفرض النظام على الناس و تفرض قواعد المرور و تفرض السرعات المعقولة على الطرق و داخل المدن .
مش سايبين الناس تخبط في بعض و الرخص بتطلع زي الحلاوة بدون وجود أدنى نوع من أنواع الأختبارات .

و بالتالي الكلام مش هايفيد و بيتعب نفسيا أكتر ..........
لأن طرفين المعادلة مبسوطين باللي بيحصل .أو على الأقل مش عايزين أي تغيير يحصل أو يتم

---

+111111111111

برضه حادثة رهيبة حصلت امبارح.. الله اكبر هيونداي ماتريكس عدت من اول و تاني رصيف .. و استقرت في نص الشارع و موتورها ولع من تحت.. بس ربنا ستر و الشباب طفوها.. العربية انتهت... الكلام ده كان الساعة 2 بالليل و كان فيه حركة في الشارع..!

ممكن حل مؤقت من شباب المنطقة بدهان الرصيف باللون الاصفر عشان يكون واضح و جزاكم الله خيرا

اقتباس:

---

المشاركة الأصلية كتبت بواسطة amrrr

الحوادث هتفضل لحد مالناس تسوق كويس !!!!! اكيد 100 % اللي يدخل الدخلة دي كان طاير
ماحنا كلنا بنمشي في شوارع ومش شرط نبقى حافظينها بس مع شوية تركيز وسرعة مناسبة بنلحق نتفادى المفاجآت
الحوادث اللي انت بتحكي عنها دي ناس طايرة ياباشا اللي عربيته تطلع فوق الرصيف دا - رصيف عالي على فكرة - وتكمل لشريط المترو وتتدمر العفشة او تتحرق دا كان ماشي على ستين وباصص قدامه ؟ من غير مايكون مركز حتى ؟

---

صح العيب من اللي سايقين
يعني المرور حيجيب ناس تسوقلنا كمان

خطأ متبادل و ربنا الستار

للاسف التخطيط عندنا ضايع كل حاجة بتتعمل من غير دراسة