عرض للطباعة
قدامي اوبل استرا موديل 2000 تكييف وباور وكاسيت وايرباج فقط حالتها ممتازة لسة رشة برة قريب وصالونها نضيف جداً ما عدا الطارة مكان الكلاكسات مقطوع وعاملة حوالي 156000 كم بس تشوفها تقول مكملتش 50 الف كيلو وفيها رخصة سنتين
صاحبها طالب 45000 الف
فهل دا سعر كويس ولا لاء ولو مش كويس يبقي المواصفات دي تعمل كام عشان اعرف اتكلم معاه
وهل قطع الغيار غالية زي مابيقولو ولا دي اشاعة
يا ريت سرعة الرد عشان معادي معاه النهاردة عشان نخلص فى العربية
هو السعر حلو مش وحش بس هي شكلها 1200 سي سي ,لو تشتري 1600 يكون افضل ,
هى العربية فعلاً 1200 سي سي ومفيهاش ازاز كهرباء ولا سنتر
انا ركبت ال2 ..ال1600 سحبها ممتاز بالموتور الايكوتك ,انما ال1200 ضعيفه شويه .بالاضافه الي ان ال1200 مشكلتها الازليه في حساس الهوا اللي لازم يتغير كل 100000كم وتمنه 1000 جندي استيراد .واستني برده الاستراويه هيفيدوك اكتر مني ,تقبل تحياتي ..اقتباس:
المشاركة الأصلية كتبت بواسطة elfr3on
شاكر ليك يا باشا وافادك الله
طب وباقي قطع الغيار عاملة اية والعداد بتاعها مش كتير
قطع الغيار اسعارها معقوله ومعمره جدا بس العداد كتير .
يعني فى نظرك اخلصها على كام وتكون كويسة
استني راي الاستراويه.
اهم حاجه الحاله تكون كويسه
باشا لو عايزها يكون اخرك فيها 39 -40 بالكتير اوى عشان عاملة كم كتير اوى غير انها 1200 سى سى ومش ايكوتك ومش اوتوماتك ورشة برة وناقصة كماليات
انا بتعتى كونت جيبها ب 55 بس 2004 مش رشة برة ولا جوة وكانت 55 الف كم وكمليات فل اوبش اوتوماتك
لحظه ياجماعه فى كلام كتير اتقال غلط مع كامل احترامى
اولا هى 1200 طبعا لانها مو 2000 والموتور بتاعها ايكوتك
ثانيا مو 2000 حساس الهوا بيبدا يضعف ويخنق العربيه اول ما يعمل حوالى 60000 كيلو
وسعره 1100 جديد اصلى جى ام
لكن استيراد بيعمل 350 ولايفضل شراؤه استيراد
و 1200 اصلا مفيش منها اوتوماتيك
كلام نبيل صح
غير ان العربية الموديل ده اعطاله غريبه
يعني اية اعطالة غريبة يا طناني باشا ارجو التوضيح
وعايز اعرف السعر مناسب ولا اية
والعربية دي حلوة ولا وحشة
مفيش ردود تاني ولا اية
وطناني باشا راح فين
يباشا العربيه ماشاء الله ممتازه وقطع غيارها اسعارها معقوله
والموتور ايكوتك زي ما نبيل باشا قال
والموتور صحيح ضعيف شويه بس شغااااااااااال تمام اوي ف بلدنا اللي زي الفل والبنزين فيها ارخص م الميه
شيك عليها كومبيوتر واساسيات لو تمام توكل علي الله
انا موجود
اعطاله غريبه بمعنى
ان على حين غره و من غير سبب
يضرب حساس و تلاقى معاه حساس ضارب و مسجله اعطال غريبه