أوراسكوم للإسكان التعاوني و مشروع هرم سيتي و قنا جاردنز ؟؟

**mostafabakry** · 03-01-2011 11:32 AM

السلام عليكم و رحمة الله و بركاتة

عام سعيد علينا جميعا

يا جماعة حد عنده اي معلومات عن مشاريع شركة اوراسكوم للإسكان التعاوني و مدي مصداقية الشركة دي في مشاريعها

هما حاليا شغالين في مشروع عندنا في محافظة قنا اسمه قنا جاردنز
طبعا الدعايا و البرشور بتاع المشروع تحفه و رائع و انا رحت لهم و سألت علي الوحدات المتاحة و الأسعار و تقريبا حجزت و دفعت 500 جنيه جدية حجز
بس لما بحثت في النت عن مشاريع الشركة دي فوجئت بأن كل الكلام عنها انها شركة نصابة و كان مششروع هرم سيتي الللي اتنفذ في 6 اكتوبر دليل علي شغل النصب اللي الشركة بتنصبه عالناس علي حد قول ملاك وحدات سكنية في هرم سيتي

Login | Facebook

الناس بتشتكي من ان الشركة لم تلتزم بالكلام اللي كان في العقد زي التشطيب و السور و الحديقة و المباني نفسها ضيقة جدا و فيه ناس قالت ان المشروع كله معمول بنظام الحوائط الحاملة و مافيهوش خرسانات مسلحة و لا اعمة خرسانية و كلام بصراحة خطر جدا
بصراح انا بعدي كتير علي الموقع اللي الشركة شغاله فيها في قنا و شايف ان الموقع كله خرسانات مسلحة

سؤالي دلوقتي حد ساكن في هرم سيتي او يعرف حد هناك يقولي ايه اخبار الشركة دي

انا بصراحة قلت ربنا يعوضني علي ال 500 نيه اللي دغعتهم و الحمدلله اني ما تورطش اكتر من كدا لأني كنت المفروض ادفع 9500 جنيه خلال اسبوع من الحجز بس انا قلقت و ما دفعتش

يا ريت يا جماعة اي حد عنده اي معلومة يقولها

جزاكم الله خير

**ahmed4000** · 03-01-2011 12:28 PM

اوراسكوم شركة ليها سمعتها وموضوع انها بانية من غير خرسانة ده معلن من البداية لتوفير التكلفة يعنى مش مفاجاة

وهى مش عمارات اللى انا عارفه انها شكل فيلل وانت بتاخد ارضى واول واعتقد برده والله اعلم ان الحوائط الحاملة ده نظام موجود فى دول كتيرة لو بتبى دورين (المهندسين ممكن يفيدونا)

هى من واقع تجربة زمايلى فى هرم سيتى كان الموضوع جميل جدا (على اد سعره) بس للاسف لما صخرة الدويقة وقعت اضطروا ينقلوا الناس بتوع الدويقة للمشروع فطبعا المستوى الاجتماعى اللى فيه انهار بشدة (رغم انى سمعت بعد كده انهم طلعوهم تانى ودى كانت حاجة موقة)

**omarsami2009** · 03-01-2011 02:05 PM

حضرتك احنا وخدين وحده فى هرم سيتى و الشركه التزمت بمواعيد التسليم و كل حاجه بعدين اللى راح يشترى عارف ان مساحتها صغيره و الشركه على طول بطور فى المدينه يعنى كل ما اروح الاقى ملاعب و جناين و طرق جديده اترصفت
هى مشكلتها فعلا فى الناس بتوع الدويقه بس دول فى اول المدينه و احنا مرحله تانيه يعنى بعاد عننا و كمان مش بنشوفهم خالص فى مناطق الخدمات

**mostafabakry** · 03-01-2011 02:09 PM

المشاركة الأصلية كتبت بواسطة ahmed4000

اوراسكوم شركة ليها سمعتها وموضوع انها بانية من غير خرسانة ده معلن من البداية لتوفير التكلفة يعنى مش مفاجاة

وهى مش عمارات اللى انا عارفه انها شكل فيلل وانت بتاخد ارضى واول واعتقد برده والله اعلم ان الحوائط الحاملة ده نظام موجود فى دول كتيرة لو بتبى دورين (المهندسين ممكن يفيدونا)

هى من واقع تجربة زمايلى فى هرم سيتى كان الموضوع جميل جدا (على اد سعره) بس للاسف لما صخرة الدويقة وقعت اضطروا ينقلوا الناس بتوع الدويقة للمشروع فطبعا المستوى الاجتماعى اللى فيه انهار بشدة (رغم انى سمعت بعد كده انهم طلعوهم تانى ودى كانت حاجة موقة)

شكرا لرد حضرتك

فعلا المشروع عبارة عن وحدة سكانية مكونة من دورين فقط ارضي و علوي مع حديقة و رووف
اللي هيسكن الأرضي من حقة ياخدالحديقة و اللي هيسكن في العلوي من حقة الرووف

انا زي ما قلت ان الماكيت بتاع الوحدات و اللي انا شفته في مكتب المبيعات شكلة جميل جدا
طبعا شكل الوحدات شيك و الحديقة و السور مخلياهم زي الفلل بالظبط
بس هل فعلا الكلام دا هو اللي هيتعمل و لا دا شغل دعايا و جر رجل الزبون

طبعا مساحات الغرف ضيقة جدا يعني الوحدة علي بعضها مساحتا 64 م مربع (3 غرف+ صالة و مطبخ و حمام ) و فيه اقل كمان 54 م مربع ( غرفتين و صالة و مطبخ و حمام)

الغرف ابعادها يدوبك 3 ×3
و السعر مش رخيص انا شايفه مبالغ فيه جدا
الأرضي سعره 131 الف
العلوي 151 الف

الفيلا 380 الف

**ahmed4000** · 03-01-2011 02:51 PM

المشاركة الأصلية كتبت بواسطة mostafabakry

شكرا لرد حضرتك

بس هل فعلا الكلام دا هو اللي هيتعمل و لا دا شغل دعايا و جر رجل الزبون

طبعا مساحات الغرف ضيقة جدا يعني الوحدة علي بعضها مساحتا 64 م مربع (3 غرف+ صالة و مطبخ و حمام ) و فيه اقل كمان 54 م مربع ( غرفتين و صالة و مطبخ و حمام)

الغرف ابعادها يدوبك 3 ×3
و السعر مش رخيص انا شايفه مبالغ فيه جدا
الأرضي سعره 131 الف
العلوي 151 الف

الفيلا 380 الف

المساحات ضيقة على اد الفلوس لانها معمولة تعاونية مش استثمارية وبالتالى اللى عايز مساحة اكبر يشوف حاجة خاصة

، الاسعار دى مش كاش؟ اللى عارفه انه تقسيط على فترة طويلة وبالتالى فى التقسيط السعر بيغلى

ياريت الاخ عمر سامى يقولنا تفاصيل اكتر

**mostafabakry** · 03-01-2011 05:41 PM

احنا في انتظار الأخ عمر سامي يشاركنا في الموضوع و يفيدنا بأي معلومات عنده

الموضوع: أوراسكوم للإسكان التعاوني و مشروع هرم سيتي و قنا جاردنز ؟؟

LinkBack

أدوات الموضوع

عرض

أوراسكوم للإسكان التعاوني و مشروع هرم سيتي و قنا جاردنز ؟؟ - انشر الموضوع فى :

-

-

-

-

المواضيع المتشابهه

شركة مدينة نصر للإسكان والتعمير

مشروع السبحى جاردنز

حد يعرف حاجة عن مشروع سيتي لايت في الاسكندرية

لمتابعى البورصة: بخصوص إكتتاب أوراسكوم تليكوم

الجمعية المصرية للتأمين التعاوني

الكلمات الدلالية لهذا الموضوع

المفضلات

المفضلات

ضوابط المشاركة