الموضوع: كفاية حرررررررررررررررررررااااا اااااااام

يا جماعه أنا ليا رأي في الموضوع ده
اللي بيحب الاسبيرنزا يحبها واللي بيكرها يكرها وأنا مش شايف اي داعي لأن أي حد يزعل من حد عشان قال ديه عربيه حلوه أو وحشه حتى لو ما كانش جربها ديه حرية رأي وتعبير وماحدش له كلمه على حد وكل واحد يقول اللي هوه عايزه بدون غلط في حد لكن مش عشان عربيه طلعت ولا نزلت آله من ضمن الآلات يحصل كل ده وبعدين أنا بدأت بجد أحس إن الموضوع ده غريب جدا يعني اللي راكب العربية مش عايز حد يكلمه ولا يقول رأيه ليه يعني ؟ هيا مش زي أي عربية ولا إيه ؟ أقول حلوه أقول وحشه أنا حر حر حر حر حر وما حدش يمنعني أقول اللي أنا عايزه لا أنا هاقنع حد يشتريها و لا ليه نسبة من التوكيل لو حد غيري اشتراها كل واحد بيقول اللي في نفسه وانطباعه عنها أنا مثلا لو هيه ببلاش مش هاركبها بصرف النظر عن سعرها أو كمالياتها كفاية أوي إنها صيني ومش معنى كلامي ده إن اللي راكبينها وحشين لأ ربنا يباركلهم فيها ويملاها بركه ويكفيهم شرها ، يعني أنا لو معايا موبايل مش عاجب حد اموت عشان أدافع عنه ؟ وأقعد أعيط عشان قالولي إنه وحش ؟ والكلام ده ينطبق على اي حاجه الواحد بيشتريها طالما اشتراها عن اقتناع هو حر حر حر وانا كمان حر تعجبني الحاجة ديه أو ماتعجبنيش أنا حر حر حر ولو قلت عليها كلمة وحشه ده مش معناه انتقاص من صاحبها انا بتكلم على جماد طلع أو نزل ده جماد فالناس أصحاب الاسبرنزا حساسيين قوي كده ليه خلي عندكوا ثقة في نفسكوا واسمع اللي بيتقال وكأنك مسمعتهوش ما يهمكش انت اشتريت بفلوسك مش بفلوس حد تاني ومش من حقك إنك تزعل من حد قال عليها وحشه هو حر يا أخي أنت هتجبره يقول حلوه ؟ هو شايفها كده وده رأيه هو حر فيه إيه اللي بيزعلكوا إحنا مابنغلطش في الشخص نفسه إحنا بنتكلم عن جماد آله ماشيه على الأرض ديه حاجه ماتزعلش وما تعملش حساسيات زي اللي كل يوم بنصطبح بيها في الموقع ده مايعيدش يوم إلا لما حد زعلان ومقموص ليه يعني ؟ أنا مثلا هاشتري لانسر 1300 خليجي كثير قالولي بلاش 1300 لأ خليها 1600 طب أنال ماعيش ثمنها إيه المشكلة يعني ؟ طب خليجي مالهاش ضمان أنا حر الناس نصحتني وخلاص أعمل اللي أنا عايزه ناس قالت صالونها عادي جدا وفاضي برضه عاجبني أنا حر ما حدش يصادر حريتي وأنا مازعلتاش من حد رجاء يا جماعه خلي عندكوا سعة صدر ومتزعلوش من اي حد يقول ديه وحشه ولا حلوه كل واحد حر يعبر عن رأيه طالما إنه مابغلطش في شخص أو عرض مثلا ديه عربية طلعت أو نزلت عربية.
بجد كفاية حرررررررررررررررررررررررر ااااااااااااااااااااااااا اااااااااااااام

انا مش فاهم هو في اييــــــــــــــــــــــ ــــــــــه
ما اللي يجيب اسبرانزا يجيب و اللي يجيب البطيخه يجيب ....من غير ما حد يزعل انا شايف ان اللي بيتكلم في الموضوع ده بقلل من شأنه
هو لازم الواحد لما يكون مش عجباه حاجه يوعد يكره اصحابها فيها؟؟؟؟؟؟؟؟؟؟
وانــــــــــــــــــــــ ـت مالــــــــــــــــــــــ ـــتك
انا بقيت احس ان الناس بقيت فاضيه و مش عارفه تكلم في ايه
او اللي ارفان من الشغل ولا رئيسه معكنن عاليه او عياله و مش عارف يتصرف يروح يجي يطلع ارفه علي الناس و يتشطر عاليهم

و الي استاذ شريف المصري من غير ما اعرفك و لا اقابلك بس شايفك شخصيه مرحه و كويسه
بس هاقول لحضرتك حاجه
ذي ما حضرتك مش عجباك الاسبرانزا في ناس بتكره الهيونداي وانا منهم (مع اني معايا اكسنت بس لظروف)
و ممكن اطلعلك القطط الفطسه فيها و كمان في الالنترا اللي معاك لأنها مع واحد صاحبي و قرفان منها
و كمان الجنط اللي في عربيتك بجد شكله مش عاجبني خالص يعني لو مشيت بالطاسه بجد هيبقي شكلها احسن و اخره يتركب في ميكروباص
(علي فكره ده بجد ذوقي مش برخم و خلاص)
يعني مش كل واحد عاجبه اللي قدامه???.......بس مش لازم يوعد يعيبهم علي طول....ما هو انا مش بتريق علي عربيتك ولا علي جنط الميكروباصات اللي فيها

ياريت الكل يظبط طريقته مع الناس....الي متحبوش لنفسك متحبوش لغيرك