السيارة لا تدور من اول مرة (بتغيب فى الدوارة)

السادة الزملاء
برجاء الافادة
السيارة وهى بارده بتغيب فى الدوارة ممكن تدور من ثالث او رابع مره
اما وهى سخنة بتدور بسرعة
غيرت البوجيهات و ركبت شربونة للمارش ولسه برده زى ما هى

للعلم تقريبا الكلام ده بدا يحصل بعد ما غيرت طرمبة البنزين

برجاء الافادة

متابع...

الموضوع ده كان عندي وواحد خلاني اغير سير دينامو فاشتغلت شوية عادي فرحت لواحد تاني قلي البوجيه مرطب فغيرتهم ببوش الماني و اشتغلت زي الفل بقالها حوالي شهرين

نوع الطرمبه ايه وصورة العلبة لو سمحت وجبتها بكام في مضروب فالسوق علي فكرة

مش متذكر النوع بس هو كان نفس الماركة بالظبط الى كان فيها و سعرها كان 675 جنيه
واشترتها من محل الصفا الى جنب التجنيد (جسر السويس)

طرمبة فقط ولا طرمبة بالعوامة كتير اووي السعر ده؟ لو نفس النوع تبقي ال vdo ودي انا جايبها لعربيتي ب300 جنيه من الصفوة فالهرم وبتركب عندي وبتركب في باسات وضغطها البار بتاعها 3بار مين اللي ركب هاللك؟

اولا اسف على التأخير فى الرد

ثانيا هى نفس النوع الى انت قولت عليه وهى من غير العوامة
وقالى سعر 300 جنية ده بس قالى انه صينى ومعاه ضمان شهر
اما الاصلى ب 675 ومعاه ضمان سنة

وركبتها عند محمود عبد السميع الى فى جسر السويس امام فندق السلام

والله انا عندى نفس المشكلة وغيرت بوجيهات ونضفت كاربراتير وبيكات والمشكلة قائمة وبتغيظنى عالصبح بالذات :)
مش عارف اية المشكلة مع العلم ان العربية بتنتش شوية فى اول الغيار الأول والتانى والسحب مش هوة ...
حل المشكلة اية يا رجالة؟؟؟؟؟؟؟؟؟

عندي كان لازم ادوس بنزين عالاخر واطول شويه عالمارش وتدور بالعافيه شويه وطبعا فوسط النهار وهي سخنه بتور اسرع طبعا ......عندي الطرمبه شغاله ولسه مغيرها في دي او من الصفوه فرمسيس قلب الطرمبك من غير عوامه 400 جنيه المهم.......نصحيتي حطها علي كمبيوتر عملت انا كده طلع حساس اللي ركب ففي كوعه المياه تحت الاسبيراتير واسمه حساس الايدل وده كان قاري حراره المياه تقريبا او الموتور مش عارف بس هو كان قاري سالب 37 يعني خربان وملووش تنظيف ده اللي فهمته من الكهرباءي واستيراد ب50 جنيه ل70 جنيه وجديد ب90 ج مش ماركه مش منحوت عليه في دابليو واصلي من الشهابي ب240 ج جبت ابو 90ج وبيشتغل علي 96 درجه بس المفروض كنت الف شويه واجيب حاجه ماركه غير فولكس لان اللي جبته المفروض توبران عالعلبه لكن مش موجود عالحساس نفسه اي حاجه صراحه استعجلت فشراه وهو انت بتفكو وتجيب زيه او تقرا الكود اللي عليه بيبقي رقم ثابت وتجيب زيه بدل متركن العربيه وتلف بيه بس مواصلات بقي يباشا او تعرف رقمه بعد متفكه وتركبه تاني وتدور وانت راكب عربيتك.....كل ده بعد متكشف كمبيوتر لو موتورك انجكشن طبعا وفيشه الكشف تحت الدركسيون فوق علبه الفيوزات ....والحساس برده بيظبط ال rpm ‎مع ظبطه الاسبيراتير اكيد وكان فوق الواحد عندي لانو كان قاري حراره منخفضه ومع الجديد نزل لواحده تحت الواحد وبيظبط برده عمليه رفع لفات الصبح وعشان كده الدواره برده صعبه خصوصا فالشتاء دي كانت تجربتي ارجو الدعاء لي اذا حلت المشكله...ايهاب