مطلوب بيجو 505 جديده بشكل شاذ

الاخوة الاعضاء الرجاء افادتى فى سعر سياره بيجو 505 اى موديل لها والافضل ان تكون من 1984 الى 1990 اخر موديل فى ال 505 .
بشرط وهو شرط هام جدا :
ان تكون السياره نظيفه نظيفه جدا جدا - ان تكون جميع النواكل والتابلوه و تنجيد الابواب الاصليه وبحالتها بدون شروخ او تكسير - ان يكون الفرش الاصلى للسياره بحاله جيده ان لم تكن ممتازه - الاكصدامات لاتوجد بها اى شروخ او كسور و الجريده النيكل التى على الاكصدام سليمه .
هل من الممكن ان اجد طلبى هذا واين اجد سياره بهذه المواصفات طبعا لايهم ان يكون قد سبق دهانها من الخارج او تم تجديد محركها - المهم الشكل الخارجى وسلامه الكابينه تماما من اى عيوب وان تكون محتفظه بكل نواكلها الاصليه والتابلوه سليم تماما والفرش كذلك وان يكون الاصلى للسياره . طبعا ان تكون خاليه تماما من الحوادث وحاله الكاوتش والموتور ممتازه والبودى لاتظهر عليه اى اثار سمكره عند النظر للسياره وضوء النهار منعكس عليها.
اريد حالتها كانها موديل 2006 وليس 1984.
كم ثمنها بالتقريب واين اجد طلبى هذا ولمن عنده طلبى الرجاء رفع صور للسياره و الرجاء التفاعل من الاخوه الاعضاء.
م / محمد سالم غنيم
الاسكندريه - ج م ع

م / محمد سالم غنيم
تحية طيبة
صعب جدا جدا جدا
ان لم يكون مستحيل
ابرة صغيرة فى كوم قش كبييييييييييييييييييييييي يييييير
:11:

السلام عليكم و رحمة الله و بركاته

ياااااااااااااااااااااه , خسارة , أنك من اسكندرية, أصل أنا من المنصورة و ساكن فى مساكن الجامعة و معانا واحد أستاذ دكتور فى كلية الحقوق اسمه الأستاذ الدكتور / محسن البيه, ساكن معانا فى نفس المساكن بس فى عمارة تانية و كان معاه واحدة بيجو 505 طيارة موديل 1989 st فابريقة بره و جوه و ما شاء الله تحفة و هو يدوب بيمشى بيها بتاع 3 كم فى اليوم من البيت لكلية الحقوق و بس و العربية دى هو كان جايبها معاه من الكويت من أيام الغزو و هو أول يد و أنا بصراحة لو كنت بشترى كنت سألته عليها , بس أنا أعتقد أنه مابيبيعش لأن أكيد فيه ناس بالهبل سألوه عليها و لو كان عنده استعداد أنه يبيع , كان باع من زمان , بس للأمانة , أنا هسألهولك أول ما أشوفه .

هى دى العربية البيجو ال505 الشاذة اللى أنا أعرفها, غير كده , مفيش حاجة تانية بالمواصفات اللى أنت بتقول عليها, خالص, فيه بأه بيجو 505 تانية كتيييييييييييييييير, بس متهانة و مش أد كده .

بس , ياترى , هو سيادتك حاطط ميزانية أد ايه للعروسة اللى أنت بتدور عليها دى ؟؟؟

ببساطه دى اشد سياره ركبتها فى حياتى !!!! ( فى فتره من الفترات والله العظيم كان عندنا منها 2 .. واحده مانيوال .. والتانيه اوتوماتيك بفتحه سقف )

بس اتباعوا وياريت واحده منهم معايه دلوقتى !

وبصراحه انت بتتكلم ف حاجه مش اقل من 45 الف جنيه !

اشكر كل من تفاعل معى وشارك او رد على الموضوع اعلم ان طلبى صعب وان لم يكن مستحيل ان تتواجد سياره بحالتها و حافظ عليها صاحبها طوال تلك السنوات - لكن حلم لى ان امتلك سياره بيجو بالمواصفات التى طلبتها جديده بمعنى الكلمه . شرط اساسى ان يكون الفرش الاصلى للسياره والنواكل التابلوه سليم تماما وان تكون خاليه تماما من الحواث المعيبه زجاج الابواب ليس به خدوش او خرابيش نتيجه الاستخدام المتكرر .
يعنى لو وجدت سياره مرفوعه طوال تلك المده فهذا مايناسبنى تماما - افضل من فئات البيجو 505 السياره ال gti اوتوماتيك موديل 1984 الفرش القطيفه والجنوط اسبور ( الاصليه ) والزجاج الفاميه الاسود .
لى طلب ياجماعه لو تم استيراد السياره من الخارج - لى اقارب فى دول اوروبيه - بنفس المواصفات التى اطلبها ولتكن موديل 1984 فكيف سيكون تقدير الجمرك ...هل من الممكن ان تتواجد مثل تلك السياره فى المنطقه الحره ببور سعيد ...... لكم جزيل الشكر والامتنان.

استفسار اخر لو سمحتم هل توجد مواقع على الانترنت لمعارض سيارات فى اوروبا متخصصه فى بيع السيارات مستعمله بشرط ان يكون كل شىء فى السليم والمضمون او لو يوجد معرض فى القاهره او بور سعيد جاهز ليوفر لى طلبى ارجو مساعدتى ولكم جزيل الشكر

بالنسبه للسيارات فى اوروبا .. اتفضل دول عن البيجو 505 وكل سياره مذكور حالتها والمسافه وفى صور ..

AutoScout24

معرفش حاجه ف موضوع الجمارك وكده للاسف وياريت لو انت عرفت تقولى ..

السلام عليكم و رحمة الله و بركاته

أنا اللى أعرفه فعلا أن موقع www.autoscout24.com ده من المواقع الممتازة للعربيات المستعملة فى أوروبا , بس أنا من رأيى أنك تدور هنا فى مصر على حاجة نظيفة زى ما أنت عاوز , بس ماتحبكهاش أوى يعنى , يعنى مش لازم حكاية الازاز اللى مفيش فيه خدوش دى , لأن العربية بقالها بتاع 25 سنة و عشان تلاقيها من غير خدوش عالازاز, يبقى لازم صاحبها ماكنش بيركبها و كمان غير أنه مابيركبهاش , أنه كان حاططها فى كيس بلاستيك و قافل عليها و ده مابيحصلش على أرض الواقع, ابقى غير الازاز اللى مش عاجبك بعد ماتشترى العربية و كمان التابلوه ممكن يتغير و أنا ماعتقدش أن نواكل التابلوه بيحصلها حاجة لأن اللى معانا مو 1980 و النواكل -ما شاء الله- لسه موجوده , أهم حاجة أن أساسيات العربية تكون سليمة و بعد كده أى حاجة مقدور عليها ان شاء الله و بالفلوس تعمل اللى أنت عاوزه فى عربيتك , المهم , يكون أساسياتها سليمة عشان تقدر تعمل اللى أنت عايزه فيها.

ممكن تدور على العربية ال505 مو 1984 اللى أنت عاوزها و تجيب من أوروبا نفس الشكل و الموديل و اللون كمان و تكون GTI لو أنت عاوز, و تخردها ( تقطعها ) فى أوروبا و تشحنها على مصر و تاخد منها اللى أنت عاوزه و تبدل بيها أى حاجة معيبة أو مستهلكة فى العربية اللى هتجيبها من مصر , لكن أنك تدخل بيجو 505 مو1984 من بره و تدفع جماركها و احنا النهاردة فى 2011, فده -على ما أعتقد- أنه مش مسموح بيه لأن العربيات اللى بتدخل بس هى اللى بيكون صاحبها أول مالك ليها و لازم يكون شاريها فى نفس سنة الموديل .

أنا عمي عنده 3 عربيات بيستخدم 2 والتالتة بيجو مو1989 التابلوه الطيارة كان بعتهاله زيرو من المانيا عمي الاخر المقيم بالمانيا وهي في جراج خاص(محل ملك عمي اسفل المنزل عامله جراج)والعربية ماشية بتاع 20ألف في ال 20 سنة الماضية ومرشتش لابرة ولا جوة وبحالتها الفابريكة اكنها جاية اليوم من المصنع الوحيدة في مصر مش الاسكندرية......مرة من سنة اتعرض عليه من واحد غاوي بيجو انه يشتريها ب85ألف جم وعمي مارضيش وقالوا انا عشان اشتري بيجو بدلها 2000c.cيبقي لسه حاححط علي تمنها 100ألف جم ومرضاش يبعها؟؟؟؟؟؟؟؟؟؟؟؟؟؟؟؟؟؟

انا عاشق للعربية دي من زمان اوي

:)

اقتباس:

---

أنا اللى أعرفه فعلا أن موقع www.autoscout24.com ده من المواقع الممتازة للعربيات المستعملة فى أوروبا ,

---

فعلا الموقع ده من احسن المواقع هناك وانا متابعه وكل ما اشوف الاسعار فيه بتحسر على حال مصر واسعار مصر خصوصا ف العربيات زى ال BMW 316 او 318 موديل 93-94 .. والله حسره على حال مصر :( :(

على فكره انا متعلم السواقه على بيجو 505 ودى قصتى وكانت احلى ايام بصراحه ...

http://www.nilemotors.net/Nile/50609-a.html

حاول تنزل بورسعيد انا سمعت ان في هناك 505 حالتها روعة و كلها فابريكة وجايه من برة ممكن تلاقى الحاله اللي انت بتدور عليها هناك

لو معاك 220 ألف في واحدة 1980 مش مكملة ال 8000 كم
اوتوماتيك و انجكشن و لونها اسود
http://img291.imageshack.us/img291/4...with7983km.jpg
ImageShack® - Online Photo and Video Hosting
ImageShack® - Online Photo and Video Hosting
العربية دي لا يضاهيها جمالا الا ال 505 اللي في متحف بيجو

اقتباس:

---

المشاركة الأصلية كتبت بواسطة Unendlich

لو معاك 220 ألف في واحدة 1980 مش مكملة ال 8000 كم
اوتوماتيك و انجكشن و لونها اسود
http://img291.imageshack.us/img291/4...with7983km.jpg
ImageShack® - Online Photo and Video Hosting
ImageShack® - Online Photo and Video Hosting
العربية دي لا يضاهيها جمالا الا ال 505 اللي في متحف بيجو

---

السلام عليكم و رحمة الله و بركاته

ماهى فعلا, لو ال505 بينزل منها زيرو لحد النهاردة بنفس حالة زمان , كانت هتعدى ال250 ألف جنيه مرتاحة , يعنى كده الراجل ده كارمك فى 30000 جنيه .

شوف أنت بأه , تدفع 220000 جنيه و تبقى راكب بيجو 505 مو 1980 , يعنى حتى مش موديل الطيارة , ال220000 جنيه دول , ممكن تحط عليهم 60000 جنيه و تجيب مرسيدس عيون E200 Kompressor مو 2004 , حالتها نظيفة:F_eyeb1[1]: .

اقتباس:

---

المشاركة الأصلية كتبت بواسطة Unendlich

لو معاك 220 ألف في واحدة 1980 مش مكملة ال 8000 كم
اوتوماتيك و انجكشن و لونها اسود
http://img291.imageshack.us/img291/4...with7983km.jpg
ImageShack® - Online Photo and Video Hosting
ImageShack® - Online Photo and Video Hosting
العربية دي لا يضاهيها جمالا الا ال 505 اللي في متحف بيجو

---

انا معاك ان العربية تحفة بس لو فيه امكانيات لل 220 الف دول طيب ده سعر باسات 2011 كلاسيك مهما كانت بقى ال505 تيجى ايه جنبيها وايه الميزة يعنى .. لكن موضوع ال 220 الف بصراحة يعنى :majd(4):

220 الف ايه ده يعنى ؟؟؟؟؟؟ ...!! لا طبعا سعر أوفر جدا جدا جدا جدا مهما كانت حاله العربيه حتى لو كانت زيرو !!

اقتباس:

---

المشاركة الأصلية كتبت بواسطة ahmed refat

انا معاك ان العربية تحفة بس لو فيه امكانيات لل 220 الف دول طيب ده سعر باسات 2011 كلاسيك مهما كانت بقى ال505 تيجى ايه جنبيها وايه الميزة يعنى .. لكن موضوع ال 220 الف بصراحة يعنى :majd(4):

---

دي مسألة أراء و أذواق شخصية
بس ماينفعش تقول دي تيجي إيه جمبها لإن عمر ما هتلاقي باسات ماشية بعد 20-30 سنة من تاريخ صناعتها, هتكون انتهت.
عربيات زي ال 504 وال 505 والمرسيدس دي عربيات تحدت الزمن
و بعدين في فرنسا أنا شفت عربيات 504 و 505 كاسرة ال نصف مليون كيلومتر و حالتها زي ما تكون لسة طالعة من المصنع, يا ترى الباسات هتعمل إيه بعد الرقم ده ؟
اركب أي تاكسي 504 ده هتلاقيه عامله كذا مليون كم بالعربية و ما شاء الله لسة ماشية

اقتباس:

---

المشاركة الأصلية كتبت بواسطة mxz911

220 الف ايه ده يعنى ؟؟؟؟؟؟ ...!! لا طبعا سعر أوفر جدا جدا جدا جدا مهما كانت حاله العربيه حتى لو كانت زيرو !!

---

ده اجتهاد ذاتي من حضرتك إنما لو طلعتلي عربية واحدة في مصر بالحالة دي ممكن أقولك إن الراجل مفتري
و بعدين طب ما هي زيرو , 8000 في ال 505 زاي 10 كيلو في أي عربية تانية.
كفاية إني لو ركبتها هابقى عارف إني مش هزور مكانينكي خلال ال 15-20 سنة اللي جايين:3mla:

عامة ده مش موضوعنا و ربنا يوفق صاحب الموضوع في اختياره

احب ابدأ كلامى لحضرتك ان احنا مغيرين ف 7 عربيات بيجو

و والله العظيم كان ف وقت من الاوقات عندنا 2 بيجو 505 مش واحده .. والاتنين بتوع بابا ملك شخصى يعنى مش عربيات شغل تاكسى مثلا ولا حاجه .. الاتنين ملاكى .. الاولانيه اوتوماتيك فتحه سقف .. التانيه مانيوال عاديه .. والعربيات ده اكتر عربيات فعلا بتعيش وتهد بيها جبل مفيش مشاكل ..

بس الفكره ان الواحد مش هيعيش للابد ومينفعش ابدا مهما كان تقارن حاجه زى البيجو 505 القديمه بالباسات 2011 لان مهما كان الباسات دى حاجه مش قليله .. يعنى اعتقد لو المقارنه كانت بين البيجو دى او فيرنا او لانوس او اى حاجه من نفس الفئه دى كانت البيجو تكسب .. لكن مش لدرجه الباسات او المرسيدس

بصراحه انا شايف ان السعر العادل للعربيه دى اخره 100 الف ..

وربنا يكرمنا جميعا ...

اقتباس:

---

المشاركة الأصلية كتبت بواسطة mxz911

يعنى اعتقد لو المقارنه كانت بين البيجو دى او فيرنا او لانوس او اى حاجه من نفس الفئه دى كانت البيجو تكسب .. لكن مش لدرجه الباسات او المرسيدس

---

السلام عليكم و رحمة الله و بركاته

طبعا هى المسألة مسالة أذواق.

بس, اسمحلى أنى أختلف معاك فى حكاية أن العربية البيجو ال505 هى من نفس فئة الفيرنا و اللانوس , مع شديد احترامى للعربيتين دول , بس الفيرنا و اللانوس من فئات العربيات السيدان الصغيرة يعنى ممكن مثلا تقارن بالبيجو ال305 , ده من القديم , أو مع البيجو 206 - 207 - 307 , من البيجو الجديد بتاع اليومين دول .

لكن البيجو ال505 و ال504 من الفئات المتوسطة , يعنى لما تقارن تقارن بالباسات و المرسيدس E200 , ماينفعش -مثلا- أقارن البيجو ال505 بالVW Phaeton و لا بالMERCEDES S class مثلا , لأن الاتنين دول من الفئات الكبيرة فى ماركاتهم و لو حبيت تقيم العربية البيجو ال505 مو 1980 تقييم عادل , ماينفعش تقارنها بعربية باسات مو 2011 لأن تكنولوجيا صناعة السيارات اتغيرت جدا فى ال31 سنة دول , لكن ممكن تقارنها بعربية سيدان متوسطة من انتاج شركة VW فى التمانينات و انا أعتقد فى هذه الحالة أن البيجو ال505 هتكسب باكتساح , زى أنه مثلا , ماينفعش أنك تقارن مرسيدس معدلة مو 1984 ( E200 ) بعربية باسات مو 2011 , لكن لو عاوز تحط الباسات فى مقارنة عادلة , تقارنها بعربية مرسيدس E class مو 2011 برضه و أكيد النتيجة هتبقى معروفة .

شكرا و بالتوفيق ان شاء الله

انا فاهم اصد حضرتك وفاهم ان فى سنين واختلاف ف التكنولوجيا وانا قصدى هوه انى اقارن البيجو القديمه بلانوس او فيرنا جداد .. ليه قارنتهم ب دول مثلا؟؟ دول ايوه اصغر منها فى الموتور والثبات ودى حقيقه .. لكن احدث فى التكنولوجيا والباور والتسارع .. فى دى حاجات كلها مكمله لبعض .. خد بال حضرتك برضه من السن انى بقارن حاجه من 1980 بحاجه 2011 ..

لانى مش هينفع اقارن البيجو مثلا 505 بحاجه تانيه موديل 2011 وتكون 2000 سى سى ونفس الكماليات .. ما الفكره ف كده ما اكيد الحاجه الحديثه هيه الى هتكسب من غير مقارنه اصلا .

اقتباس:

---

المشاركة الأصلية كتبت بواسطة unendlich

لو معاك 220 ألف في واحدة 1980 مش مكملة ال 8000 كم
اوتوماتيك و انجكشن و لونها اسود
http://img291.imageshack.us/img291/4...with7983km.jpg
imageshack® - online photo and video hosting
imageshack® - online photo and video hosting

العربية دي لا يضاهيها جمالا الا ال 505 اللي في متحف بيجو

---

اشكرك اولا اخى الفاضل على تجاوبك والرد على طلبى - طبعا نتكلم فى البدايه فى النقاط التى تحسب ليك وللسياره اولا تمام هذه هى السياره المطلوبه الكابينه فابريكه تماما ( طبعا كل الصور للكابينه ) محتفظه بكل الاكسسوار - السياره موجوده فين وما هى ظروف مالكها والظروف التى حافظت على السياره بحالتها و ال 8000كم وهل كاسيت السياره هو الاصلى.والفرش الاصلى تحت الفرش الظاهر فى الصوره ايه ظروفه . وماهو شكل جنوط السياره هل هو اسبور ام جنوط البيجو العاديه.
ثانيا طبعا السعر مبالغ فيه جدا جدا مقارنه بموديلها 1980 - السعر المناسب من وجهة نظرى 75 الف وممكن التفاوض على السعر - نقطه مهمه اخرى واعتقد انى متاكد منها تماما الفرش بنى واللون اسود ؟ اللى اعرفه تماما ان الفرش البنى فى البيجو ال 505 نزل فى موديلين 1979 و 1980 و يكون لون السياره بنى او ذهبى حتى بالمنطق لا ينفع فرش بنى ودواخل الكابينه بنى ولون اسود - حاول تصور صور اكثر واشمل للسياره ولك جزيل الشكر

ازاي يعني عربيه موديل 80
ندفع فيها 75 حرااااااااااااااااااااااا ااام
ماشي الرعبيه دي انا بعشقها
بس انت تحت اي ظروف و افرض في يوم عايوز تبيع
تفتكر هتكسر 35 ؟
و غير قطع الغيار
السعر يركبك عريات احسن ميت مره
لانسر سوبر اكشن
بي ام دبليو
النترا
كده

الصراحه انا غاوى العربيه دى بس تكون فابريكه مش متجدده طبعا لو فابريكه وبحالتها كانها لسه طالعه من المصنع ده ليه اغراء كبير جدا - انا باذن الله هشتريها ليا ولاستعمالى انا والعربيه جربتها قبل كده ومستعد ادفع فيها ال 75 وكلى رضا عارف ان ده اغلى من تمنها الفعلى بفرق كبير .

اي عربية موديل قديم وحالتها جيدة جدا وماشية قليل جدا مثلا كانت مرفوعة او صاحبها قليل الاستخدام لها وعنده جراج خاص بها فقط مثلا جراج فيلته ...........بتسمع فيها كلام واسعار جامدة جدا جداجدا لانها تعتبر حالات نادرة جدا ولها هواة ومحترفون لانتقاء هذه الحالات النادرة ومستعدين يدفعوا فيها هذه المبالغ الكبيرة ..........وكمان ما ينفعش تقارن العربيات ديه بعربيات اليومين دول دي سكة ودي سكة