[gdwl]
السلام عليكم
انا كان عندي نفس المشكلة والحمد لله اتحلت
اللمبات اللي راكبه في العربية 40-45 وات واللى مكتوب في الكتالوج انها المفروض 55-60
المهم روحت توكيل فيلبس في مكرم عبيد واتفرجت هناك على كذا موديل للمبات
بس في الاخر الحمد لله ربنا هداني لنوع اسمه night guide
وباين من اسمه انه مرشد ليلي ، المهم اللمبات دي عباره عن نور اقوي بالفعل من اللمبات العاديه وفي نفس الوقت مش محتاجه تركب كتاوت او اي شيء لأنها نفس القوة اللى مكتوبة في الكتالوج
اللمبات نورها عباره عن 3 الوان
اليمين ازرق علشان يبين الناس اللى واقفه على الطريق ولوحات الارشاديه
النص اللون ابيض عادي علشان يناسب لون الرصف ويوضحه
الشمال لونه أصفر شويه علشان ميزغللش في المعاكس
مع انها نفس اللمبة الا انها بتطلع 3 الوان والنتيجه اكتر من هايله
اللمبتين دول كانوا تقريبا 106 وانا اللى ركبتهم مع ان معنديش خبره
والحمد لله بقالهم تقريبا سنه ومفيش اي مشاكل واكتر من ممتازة
[/gdwl]
شكرا على المشاركة
يعنى حضرتك إشتريت لمبتين الواحدة سعرها 53 جنيه وركبتهم فى الفوانيس الأمامية
طيب اللمبتين دول كام واط؟
يعنى مايزيدوش عن كام واط ؟
ولو حضرتك تقدر تدينى عنوان توكيل فيلبس ده
ارجو الإفادة
ولك جزيل الشكر