الموضوع: الزيوت بشكل عام :-) :-) :-)

زيت موبيل جيد بس ياريت تستعمل زيت شل الأصفر وده بيتغير على 4000 وهو احسن من موبيل وبما ان عربيتك موديل التسعينات بلاش الزيوت الى بتقعد فترات طويلة خليك فى الوسط احسن وبالنسبة لأ كسل مفيهاش كرونة بس فى زيت الفتيس وده ممكن يتغير كل 70000 او فى ناس بتحب تزوده وبس حسب حالة الفتيس عندك

المشاركة الأصلية كتبت بواسطة ahmedsrs

زيت موبيل جيد بس ياريت تستعمل زيت شل الأصفر وده بيتغير على 4000 وهو احسن من موبيل وبما ان عربيتك موديل التسعينات بلاش الزيوت الى بتقعد فترات طويلة خليك فى الوسط احسن وبالنسبة لأ كسل مفيهاش كرونة بس فى زيت الفتيس وده ممكن يتغير كل 70000 او فى ناس بتحب تزوده وبس حسب حالة الفتيس عندك

شكراً يامعلم على ردك وبالنسبة للزيت إللى بيقعد فترات طويلة انا جايب التخليقى علشان أريح بيه الموتور وبغيره تقريباً قبل ال5000
وسألت على شل بس مش لاقى علشان أنا من الصعيد:D:D:D:D(سوهاج)والجو كان حر:o:o:oجداً ومقدرتش أدور عند كذا واحد
وبالنسبة لزيت الفتيس تنصحنى بنوع إيه وهل بيتغير عند الميكانيكى ولا البنزينة؟؟؟؟؟؟؟
وشكراً مرة تانية

المشاركة الأصلية كتبت بواسطة Nader

لا متحطش زيت تخليقى لعربيتك موديل 93

الزيت نصف التخليقى او بعض انواع الزيوت

المعدنية المعالجة هيحافظ على الموتور اكتر

من الزيوت التخليقية لان موتورك قديم فبيحتاج

زيوت تقيلة شوية.


اما بالنسبة لزيت الفتيس فممكن تزودة في بنزينة شيل

مثلاً او لو تعرف ميكانيكي عندة مسدس الزيت ممكن

تحط من عندة.

نادر باشا أنا عربيتى موديل 1994
انا إللى أعرفة إن الزيت التخليقى أكثر لزوجة من اى زيت
وانا غيرت الزيت وخلاص ممكن يحصل حاجة؟
وياريت تقوللى نوع زيت أبقى أواظب عليه وتكوللى إسمه بالظبط
والف شكر نادر باشا بجد إنت راجل تمام

المشاركة الأصلية كتبت بواسطة Nader

الزيت التخليقي طبعاً افضل من المعدني

بس دة للمواتير الحديثة الجديدة، اما

المواتير القديمة فبتحتاج انواع تانية

تحافظ عليها.



معلش خلاص انت غيرت وخلاص

الفكرة ان انت لو بتستخدم العربية دي

من الزيرو وعلى طول بتستخدم موبيل1

او زيت تخليقي يبقى مفيش مشكلة بس

ابقى غير بعد كدة لموبيل XHP بس دة بيعلى

صوت الموتور او تخليك مع شيل او كالتكس 4000

العبوة السوداء زات الغطاء الاحمر وليس الازرق.



هيبقى مش حلو على الموتور لو كنت بتستخدم زيوت معدنية

وبعدين تغير لزيت تخليقى لان في الحالة دي الزيت التخليقي

بيعمل زي صنفرة للموتور.


وعاوز اقولك كمان متغيرش موبيل 1 بعد 5000

كيلو حرام عليك سيبة على الاقل لـ10000 كيلو

وممكن يكمل اكتر من كدة كمان في المواتير الجديدة

بس ابقى تابعة شوفة بينقص ولا لأ وشوف لزوجتة

عاملة اية.

أولاً شكرا ليك وعلى ردك نادر باشا
وأنا من هنه ورايح هاغير لزيت شيل.......بس كنت عاوز لو تقوللى أحسن نوع فيهم علشان أواظب عليه من بعد كده
1- شل هيلكس الترا (كل 10 الاف) :215 جنيه
2- شل هيلكس بلس (كل 7 الاف) : 139 جنيه
3- شل سوبر (كل 4 الاف) : 75 جنيه
وشكراً ليك مرة تانية
والله يانادر أنا مش عارف المعدن الأصيل بتاعك ده منين (ربنا يكرمك)

المشاركة الأصلية كتبت بواسطة Nader

الشكرلله، جزاك الله خيراً

شوف يا سيدي الهيلكس الالترا والبلس

دول زيوت تخليقية زيها زي الموبيل1

انت بقى هتستخدم الشل سوبر والموبيل XHP

الزيوت عموماً اللي من الفئة دي ودول بيتغيروا

في المتوسط من 3000 لـ 5000 كيلو.



وحط زيت كالتكس في حساباتك،عندي بيريح لي الموتور

ويوطى صوتة بعكس الموبل الـXHP منصحكش بة خالص.

بس انت قلتلى من شوية أن الموبل الXHP كويس ودلوقتى مبتنصحنيش بيه
غيرت رأيك بسرعه ليه (;););)إنت شغال مع كالتكس ولا إيه)بهرج معاك أوعى تزعل:D:D