ذكريــــات أول يــوم شـــــغل ..... احكولى تجاربكو

السلام عليكم و رحمة الله و بركاته


ان شاء الله بكرة اول يوم شغل و ..... قلقــــانة و خـــــــايفة اوى و حاسة اني رايحة المدرسة و نفس

احساس الخوف جايلى دلوقتى و معرفتش انام من امبارح:(:(:(

يا تري اول يوم و انت رايح الشغل كنتو حاسين ايه ؟؟ هل كنتو فرحانين زعلانين مخضوضين ؟؟:eek:

يا ترى اتعاملتو مع الناس ازاى و هل من اول يوم الناس كانت كويسة معلكو ولا من اولها لقيتو غلاسة ؟؟

طيب بعد ما رجعت من اول يوم شغل ايه اول حاجة فضلت معلقة فى دماغك ؟؟؟ :)

يا ؤيت تشاركونى تجربتكم عشان انا مخضوضة جدااا و مش عايزة ارووح :(:(

خلاص ما تروحيش

لا عادى والله وهتغلطى فى اول يوم وهترتبكى والحاجات الروتينيه اللى بتعمليها عتبىق صعبه جدا

زى السواقه كدجة فى الاول

اقتباس:

---

المشاركة الأصلية كتبت بواسطة onna

السلام عليكم و رحمة الله و بركاته


ان شاء الله بكرة اول يوم شغل و ..... قلقــــانة و خـــــــايفة اوى و حاسة اني رايحة المدرسة و نفس

احساس الخوف جايلى دلوقتى و معرفتش انام من امبارح:(:(:(

يا تري اول يوم و انت رايح الشغل كنتو حاسين ايه ؟؟ هل كنتو فرحانين زعلانين مخضوضين ؟؟:eek:

يا ترى اتعاملتو مع الناس ازاى و هل من اول يوم الناس كانت كويسة معلكو ولا من اولها لقيتو غلاسة ؟؟

طيب بعد ما رجعت من اول يوم شغل ايه اول حاجة فضلت معلقة فى دماغك ؟؟؟ :)

يا ؤيت تشاركونى تجربتكم عشان انا مخضوضة جدااا و مش عايزة ارووح :(:(

---

طبعا ربنا يوفقك وييسر لك الامر 000 اما بالنسبة لخوفك وقلقك فهذا شىء طبيعى وعادى ، حيث انكى مقبلة على مرحلة جديدة فى حياتك وتغير شبة جذرى فى مجرى حياتك 000 عموما لابد وان تثقى بالله وتتوكل عليه وقبل ذهابك للعمل تقومين بالصلاة شكراً لله على توفيقة لكى لهذا العمل وان يكون فيه الخير لكى ولاسرتك
اعلمى ان شخصيتك مع زملائك سوف تحدد منذ اليوم الاول ولا تتعجبى فمنهم من سيرى انكى ذو دم خفيف ومنهم من سيرى ان دمك ثقيل فلا تنزعجى لان بعملك وتعاملك اليومى مع زملائك سوف تتضح الامور للجميع ولكى ، ولاتأخذى اى انطباع عن اى شخص من افواة الاخرين وكونى حذرة فى اجاباتك عن رأيك فى هذا او ذاك
لاتتفاخرى بنسبك او حسبك او اى شىء يثير الغيرة والضغينة للاخرين ( حيث ان البعض سوف يأخذها من جانب التعالى والمباهاة ) وكونى ودودة متسامحة ذو شخصية قوية لينة الجانب
حاولى ان تستمعى اكثر من ان تتحدثى خلال الفترة الاولى لعملك 000 اقرائى كثيراً فى مجال العمل التى سوف تذهبين الية واذا قيل لكى اى شىء امامك لاتعرفية 000 حاولى معرفتة بالسؤال والقراءة وتجارب الزملاء القدامى - الذين لو احسوا انكى متواضعة وتلجئين اليهم سوف يقومون بمساعدتك بدون اى حرج
وفقك الله لما فية الخير
وهذه نصائح عامة اتمنى ان تفيدك ولو علمت المجال الفعلى للعمل لكانت النصيحة افيد

اقتباس:

---

المشاركة الأصلية كتبت بواسطة onna

السلام عليكم و رحمة الله و بركاته


ان شاء الله بكرة اول يوم شغل و ..... قلقــــانة و خـــــــايفة اوى و حاسة اني رايحة المدرسة و نفس

احساس الخوف جايلى دلوقتى و معرفتش انام من امبارح:(:(:(

يا تري اول يوم و انت رايح الشغل كنتو حاسين ايه ؟؟ هل كنتو فرحانين زعلانين مخضوضين ؟؟:eek:

يا ترى اتعاملتو مع الناس ازاى و هل من اول يوم الناس كانت كويسة معلكو ولا من اولها لقيتو غلاسة ؟؟

طيب بعد ما رجعت من اول يوم شغل ايه اول حاجة فضلت معلقة فى دماغك ؟؟؟ :)

يا ؤيت تشاركونى تجربتكم عشان انا مخضوضة جدااا و مش عايزة ارووح :(:(

---

الخوف شئ طبيعي جدا لمكان غريب لسه ريحاه و ناس غريبة لسه بتتعرفي عليهم ربنا يوفقك وافقتكري تملي انك تبقي مميزة في شغلك من اول يوم شغل و تذكري ان ساعات الانطباع الاول يدوم

اقتباس:

---

المشاركة الأصلية كتبت بواسطة Hossam_Hassan

خلاص ما تروحيش

---

يا رييييييت والله :):):D:D:D

اقتباس:

---

المشاركة الأصلية كتبت بواسطة Dr_Mido

لا عادى والله وهتغلطى فى اول يوم وهترتبكى والحاجات الروتينيه اللى بتعمليها عتبىق صعبه جدا

زى السواقه كدجة فى الاول

---

يا تري اصلا الناس هتبقي helpful و كويسة كدا و لا هيبقو مش طايقني :(

اقتباس:

---

المشاركة الأصلية كتبت بواسطة محمد المشد

اعلمى ان شخصيتك مع زملائك سوف تحدد منذ اليوم الاول ولا تتعجبى فمنهم من سيرى انكى ذو دم خفيف ومنهم من سيرى ان دمك ثقيل فلا تنزعجى لان بعملك وتعاملك اليومى مع زملائك سوف تتضح الامور للجميع ولكى ، ولاتأخذى اى انطباع عن اى شخص من افواة الاخرين وكونى حذرة فى اجاباتك عن رأيك فى هذا او ذاك
لاتتفاخرى بنسبك او حسبك او اى شىء يثير الغيرة والضغينة للاخرين ( حيث ان البعض سوف يأخذها من جانب التعالى والمباهاة ) وكونى ودودة متسامحة ذو شخصية قوية لينة الجانب
حاولى ان تستمعى اكثر من ان تتحدثى خلال الفترة الاولى لعملك 000 اقرائى كثيراً فى مجال العمل التى سوف تذهبين الية واذا قيل لكى اى شىء امامك لاتعرفية 000 حاولى معرفتة بالسؤال والقراءة وتجارب الزملاء القدامى - الذين لو احسوا انكى متواضعة وتلجئين اليهم سوف يقومون بمساعدتك بدون اى حرج
وفقك الله لما فية الخير
وهذه نصائح عامة اتمنى ان تفيدك ولو علمت المجال الفعلى للعمل لكانت النصيحة افيد

---

بجد نصايحك جميلة جداا لدرجة انى عمالة اقراها كذا مرة بس فعلا الناس بتبقي متحفزة لاى حد جديد

يجيي و انا مهما قريت متهيالى يا استاذ محمد برضه اسرار الشغل دى هتبقي عند الناس القديمة ... انا

خايفة ميبقوش عايزين يعلمونى اصلا .. طيب ازاى الناس تقبلتك فى اول يوم شغل؟؟و هل فعلا كانو

متحفزين فى البداية ولا كله مسالة وقت على ما تتعرفوا و كدة ؟

اقتباس:

---

المشاركة الأصلية كتبت بواسطة hamdy

الخوف شئ طبيعي جدا لمكان غريب لسه ريحاه و ناس غريبة لسه بتتعرفي عليهم ربنا يوفقك وافقتكري تملي انك تبقي مميزة في شغلك من اول يوم شغل و تذكري ان ساعات الانطباع الاول يدوم

---

دة انا مش خايفة .. انا مرعوبة والله ..

انا مشكلتى عامة حتى وقت الدراسة انى بحب اعمل الحاجة ببطء جدا و مظبووووطة جداااا .. خايفة

ياخدو عني انطباع بالغباء او التكاسل.. بجد مخى عمال يودي و يجيب فى مليوون حاجة

هل مطلوب منك و انت لسه داخل على شركة متعرفش ايه نظامها انك تبقي فاهم و قاري عنها و عن نشاطها من قبل ما اروحهاا؟

يا رييييييت والله ( اقتباس )
لا بلاش كسل وتوكلى على الله وان شاء الله انا متفائل بأخلاقك الكريمة سوف تجعلين الكل يحترمك


بجد نصايحك جميلة جداا لدرجة انى عمالة اقراها كذا مرة بس فعلا الناس بتبقي متحفزة لاى حد جديد

يجيي و انا مهما قريت متهيالى يا استاذ محمد برضه اسرار الشغل دى هتبقي عند الناس القديمة ... انا

خايفة ميبقوش عايزين يعلمونى اصلا .. طيب ازاى الناس تقبلتك فى اول يوم شغل؟؟و هل فعلا كانو

متحفزين فى البداية ولا كله مسالة وقت على ما تتعرفوا و كدة ؟( اقتباس )
- نعم اؤيدك بأن القدامى هم من لديهم الخبرة واسرا ر ولن يعطوكى اسرارهم الا بعد ان يتأكدو من سماعك لكلاماتهم ونصائحهم واذا احسوا انكى لن تتمردى عليهم من البداية - اكرر استمعى اكثر من ان تتكلمى
- من ناحية خوفك من ان يبخلوا عليكى بالمعلومات فلا تتعجلى وكونى صبورة
- اما مقابلة اول يوم فحدثى ولا حرج سوف تجدى من يهتم بشكلى ومظهرك وماذا تلبسين وتاكلين ومن ينظر اليكى دون اى كلمة ومن يتلصص السمع ومن يقوم بأحضار الشاى والقهوة اذا كنتى قادمة عليهم عن طريق واسطة كبيرة وعلموا بها ( عندها احذرى ثم احذرى ) من المنافقين اصحاب المصالح !
عموماً اجعلى ثقتك بالله كبيرة وكونى جريئة فى الحق واجعلى المجاملة بحدود ولا تنثريها دون حساب
وفى النهاية الامر مسألة وقت فعلاً ومن بعدها سوف يظهر لكى الغث من الثمين
هل مطلوب منك و انت لسه داخل على شركة متعرفش ايه نظامها انك تبقي فاهم و قاري عنها و عن نشاطها من قبل ما اروحهاا؟
يفضل ان يكون لديكى المام ولو بسيط عن الموقع الذى ستعملين به ونشاطة فلا يمكن ان تدخلى مكان للعمل وانتى تجهلين طبيعة نشاطة وان جهلتية اسعى فى البداية ان تلمين بمعلومات ولو بقدر بسيط عنة
وفقك الله لما يحبة ويرضاة

الف مبروووووووووووووووك
على فكره الموضوع سهل جدا ومفيش خوف خالص وربنا يوفقك وتلاقى حد يساعدك فى الاول انا كان الموضوع بالنسبالى خضه شويه انا مهندس ميكانيكا واول مشتغلت كان فى مجال توليد الكهرباء تخيلى واحد لسه مخلص وراح لمحطه كهرباء وفاكر نفسى مهندس فوجئت بحجم المحطه وكمية المعدات والرسومات والتحكم جالى حالة ذهول تام لمدة اسبوع ومكنتش عارف انام وقلت فى نفسى هعرف كل الحاجات دى اذاى ومسئولية التشغيل قعدت حبست نفسى وقعدت اذاكر الدوائر والمكونات حتى فى البيت استغربوا جدا اصل انا كنت لعبى حبتين وبذاكر فى الامتخانات بالعفية بس بعد كده ان الموضوع تعود ومحتاج خبره وحد يساعدك فى الاول متفلفيش خالص على فكره انا كنت شغال فى البترول فى شركة صيانه فبل مسافر بره مصر وربنا يوفقك ويكتبلك الخيرز

عموما
الجديد بيكون تحت الميكروسكوب مبيبقاش مكروه لكن بتبقى عليه العين
كل لفظ وكل حركه بتتسجل وتتعاد وتتكرر لغايه الشريط ما يسف
انتى بقى ما تخليش حد يعلق على تصرفاتك
تقليل الكلام الى الحد الأدنى مهم جدا لغايه ما نشوف الناس عامله اذاى
متتسرعيش فى عمل علاقات صداقه مع حد
التعامل مع الجميع بابتسامه رقيقه مهم جدا
حاولى متشيليش التكليف فى التعامل ولو حد شاله معاكى لا تظهرى ترحيب بذلك
كل مكان فيه الكويس والوحش والطيب والشرير والمرتشى والمفترى والظالم والطماع واللى عينه زايغه وكله حيظهر مع الوقت المهم انتى متتسرعيش
قال تعالى( فلا تخضعن بالقول فيطمع الذى فى قلبه مرض وقلن قولا معروفا )
صدق الله العظيم
وربنا معاكى

نصيحه شخصيه
متحاوليش لبسك يبقى اوفر قوى دة شغل يعنى محتاج لبس متناسب مع الشغل لانى للاسف بشوف ناس اول يوم رايحه فرح مش شغل ودة بيتاخد عليها و الميكب كمان
طبعا انا مش من حقى ااقلك كدة بس بجد الكلام دة بيفرق جامد فى الحكم المبدئى على الشخص واللى بيتغير بس بصعوبه

اهم حاجة يا اونا انك تاخدي الامور ببساطة ومتخافيش بالعكس لازم تجمدي قلبك
في الاول هتحسي برهبة ومكان جديد وناس جديدة ومعاملة مختلفة
بس ان شاء الله هتتعودي
من 5 سنين اشتغلت في مدينة الانتاج الاعلامي واول يوم رحت فيه المدينة في 6 اكتوبر وقفت قدام المدخل وقلت لا ياعم انا مروح ده مشوار رهيب
وبعدين قلت ده انا وصلت وعيب قوي اني مادخلش ولازم اكمل
ودخلت المكان وطبعا شفت ناس واجهزة غريبة اول مرة اشوفها بس جمدت قلبي واشتغلت واتعودت بمرور الوقت على المشوار والشغل والمشاكل وكل الحاجات اللى بقابلها كل يوم
الخلاصة : جمدي قلبك (واشربي ماونتن ديو)
وتوكلي على الله

رامي (ابو احمد)

انا براسلكم من موقعي هذا من المكتب

لسه الناس مجتش اوى و انا نازلة مع بتوع اللبن عشان خفت تروح عليه نومة لو نمت تانى

ملبستش اوفر اوى زى ما نصحتوني و قابلنى مهندس واحد من ال departmemt بتاعى و و هو لحد دلوقتى

شخصية محترمة

سنوافيكم بباقي الاخبار فى ساعات قليلة

بالتوفيق يا نهى إن شاء الله

اقتباس:

---

المشاركة الأصلية كتبت بواسطة onna

دة انا مش خايفة .. انا مرعوبة والله ..

انا مشكلتى عامة حتى وقت الدراسة انى بحب اعمل الحاجة ببطء جدا و مظبووووطة جداااا .. خايفة

ياخدو عني انطباع بالغباء او التكاسل.. بجد مخى عمال يودي و يجيب فى مليوون حاجة

هل مطلوب منك و انت لسه داخل على شركة متعرفش ايه نظامها انك تبقي فاهم و قاري عنها و عن نشاطها من قبل ما اروحهاا؟

---

بصي يا سيتي لو انتي في شركة بترول نشاطها الاساسي الانتاج اكيد بيدوكي دورة تعرفي فيها نظام الشركة الاول وو ضعها الاقتصادي
وعمتا ربنا معاكي وربنا مع كل السباب و يشتغلو زي ما انا و انتم اشتغلنا
وشكلك كده هتبقي يا في ادارة المشروعات يا ادارة الاستكشاف وسلميلي علي البريمة :D

اقتباس:

---

المشاركة الأصلية كتبت بواسطة hamdy

بصي يا سيتي لو انتي في شركة بترول نشاطها الاساسي الانتاج اكيد بيدوكي دورة تعرفي فيها نظام الشركة الاول وو ضعها الاقتصادي
وعمتا ربنا معاكي وربنا مع كل السباب و يشتغلو زي ما انا و انتم اشتغلنا
وشكلك كده هتبقي يا في ادارة المشروعات يا ادارة الاستكشاف وسلميلي علي البريمة :D

---

لسه مديري ماجاش اصلا و انا قاعدة بشرب شاى و الناس عمالة تبرقلى مش عارفة ليه !!!:D

لسه مقابلتش حتى حد يقولى هعمل ايه او وضعى ايه

و ادىىى اااعدة:p:p

غالبا طالما شركتك في المعادي يا نهي يبقا صدقيني مش هتعملي حاجة لان تلات اربع الشركات العدد في اللمون للاسف

أحذرى من المديرات الستات
هيطلعوا عينك
انا اى شركة أشتغلت فيها لازم بتكون العلاقة بيت المديرة و الموظفة علاقة tom &jerry
:D

طيب بما إن لسة مافيش تكليف بأعمال ، وبما إن السادة الزملاء قالوا كل النصائح، أحب احكيلكوا عن أول اختبار عملي في الشغل من 5 سنوات بالظبط
المديرة (واحدة ست بس أفضل من كل من تعاملت معهم من المديرين الرجال) قالتلي سيادة اللوا فلان جهازه جديد ومطلوب ينزله سيستم جديد (طبعاً قالتلي سيستم بدل ويندوز من قبيل الحفلطة العلمية) هاتعرف؟
بصيت بكبرياء وقلتلها "طبعاً"، قالتلي إنه محتاج برامج كذا وكذا وإن طبيعة شغلة مش عارف ايه (وكان شغال ويندوز 98 وهانعمل ترقية لـ ويندوز 2000)
المهم نزلت السيستم، والبرامج المطلوبة زي ال Office ومن باب الاحتياط Acrobat Reader والموضوع ما أخدش وقت وقلتلها كله تمام.
تاني يوم السيد العضو المنتدب بعت يطلبني على وجه السرعة (طبعاً ماكنتش متوقع نيشان على تنزيل ويندوز بيتعمل في أي كشك)، وبرجلة في الإدارة والناس ماشية تقول "المهندس الجديد بينزل الويندوز ناقص" !!!!! :)
المهم المديرة سألتني (بشيء من خيبة الأمل لأنها ماكنتش متوقعة فشل ذريع في موضوع تافه زي ده) انت عملت ايه يخصوص مكنة فلان بيه؟ قلتلها نزلت الويندوز 2000 والبرامج اللازمة. قالتلي: "انت نزلته ناقص؟" قلت: "يعني ايه ناقص؟ خدت منه حتة؟ ع العموم أنا استعملت النسخة المرخصة الخاصة بالشركة ولو فيه مشكلة في ال Installation تبقى في النسخة مش انا اللي عاملها" قالتلي: ع العموم انزل للعضو المنتدب وشوف المشكلة اللي حصلت.
نزلت للسيد العضو المندب والراجل بصلي (وهو راجل خبرة يعرف الناس من بصة وكان أول لقاء بيني وبينه) وقاللي "أول يوم ليك ومش عارف تنزل ويندوز يا أستاذ؟!" قلتله بثبات وهدوء وبساطة مع بعض: "أنا نزلت الويندوز وكل البرامج المطلوبة عشان اللوا فلان يشتغل والموضوع أقل من إتي اتسئل عليه، وشغلي مش تنزيل ويندوز المفروض أنا جاي لمهام أعقد من كدة" قاللي: "طب روح شوف فلان بيه بيشتكي من ايه"
أنزل يا حضرات ألاقيه بيشتكي من ايه؟؟ خمنوا كدة ..............











الباشا لما دخلتله سألتي بصوت مكسوف: "الفري سِل فين؟" من غير كلام نزلتله الألعاب وقلت للمديرة ع اللي كان ناقص وماقدرش عمري انسى الموقف ده(بس مارضيتش اقول لحد على الطلبات الخاصة احتراما لمكانة الراجل .. مش عارف كان تصرف صح ولا لأ)
الدروس المستفادة:
1- خطط زي مانت عاوز .. المفاجئات هاتيجي من حيث لا تحتسب
2- الأهم من الشغل .. تحبيظ الشغل
3- مش أي حد ينزل ويندوز :)

بالتوفيق يا اونا إن شاء الله بس ايه اخر الاخبار

اقتباس:

---

المشاركة الأصلية كتبت بواسطة hamedo0

بالتوفيق يا اونا إن شاء الله بس ايه اخر الاخبار

---

يا باشا نهي من الصبح ما حدش يعرف عنها حاجة .. بس انا بقي ...بيتهيئلي انها رجعت من الشغل نامت أوخخخخخخخ ولسة ماصحيتش لغاية دلوقت ...
ربنا يوفقها ويكون الشغل مريح والناس اللي معاها كويسين

انا اعتقد ان اول يوم شغل او اول اسبوع و اول شهر بيقى الواحد عليه عبىء كبير جدا و هو محاولة استيعاب مجريات الامور من حول و كل شىء مثل نظام الشغل و الهدف العام للشركة و اسماء الناس كلها و ووظائفهم و اماكن المكاتب الخاصه بهم و بيحاول يتعرف على الروح السائدة فى المكان حتى لا يكون لا غريبا و لا متطفل زيادة على اللزوم و طبعا المدير او من ينوب عنه بيحاول شرح كل شىء للموظف الجديد و بالتالى الواحد بيبقى عايز يجيب معاه مسجل يسجل عليه كل كلمة ببتقاله عن نظام العمل علشان لا يسأل عنها مرة ثانية ، و هذا السيناريو يتكرر فى كل مكان تشتغل فيه يعنى مع كل تغيير لمكان العمل يكون الشخص فى هذا الموقف و تختلف الخبرة هنا بكيفية ادارة الموقف فى هذه الفترة ، انا اتذكر من 12سنة اشتغلت فى مؤسسة كبيرة و مع انى كنت باشتغل قبلها فى اماكن اخرى لكنى كنت مرتبك وحريص زيادة على اللزوم و من الاشياء اللى كنت باحرص عليها هى ان كنت اروح العمل رسمى بالبدلة و كل ما المدير يطلبنى اروح البس الجاكت و اخش مكتبه و ارجع مكتبى بعدها و اقلع الجاكت حتى زمايلى فى المكتب لاحظو الموضوع ده و حسيت بروح الفكاهه انتشرت بينهم بسببه ، بس النهاردة به ، معنديش مشكلة اروح الشغل بقميص مشجر :d

طبعا الفكرة ان دائما فى بداية الالتحاق باى عمل يكون الواحد حريص على اشياء كثيرة لكن الايام بعد ذلك تثبت له ما هو اجدر بالحرص و الالولويات التى يجب ان يراعيها فى الالتزامات و المسؤوليات و ما هى الاشياء التى لا يجب ان تستولى على اهتماماته او قلقه .

اية دة معقولة onna شعلة النشاط فى المنتدى لها يوم لم ترد على احد دة الموضوع لو كدة تقعدى فى البيت احسن
احنا مش واخدين على كدة يا استاذة
يا رب يكون المانع خير

:((((((((((((((((((((((((((((((((((((


صباااح الخيييييييييير

مبدئيا عايزة اعيط !!!
تعبانة و مصدعة و مهدووووودة و مروحة امبارح الساعة 6 و مش طايقة نفسيييييييييي ولا طايقة الشغل

طبعا روحت ادلقت نمت و ماسكنى صداع من امبارح لحد دلوقتيي

كام مستخبيلى كل دة فييييييييييييييييييييييين :(

اهلا بيكى فى اساسيات العمل هى دى اساسيات الشغل :D:D:D:D

وربنا يكرمك وتبقى مدير الشركه كدة وتعينينا :p:p:p

انما مقلتيش اخبارك ايه فى الغشل فهمتيه ولا لسه لوغارتمات ولا ايه والناس اخبارهم ايه وكدة;)

الحمد لله على نعمه كلها
مش قولتلكم الاول
عقبال الباقي يا رب

اقتباس:

---

المشاركة الأصلية كتبت بواسطة onna

:((((((((((((((((((((((((((((((((((((


صباااح الخيييييييييير

مبدئيا عايزة اعيط !!!
تعبانة و مصدعة و مهدووووودة و مروحة امبارح الساعة 6 و مش طايقة نفسيييييييييي ولا طايقة الشغل

طبعا روحت ادلقت نمت و ماسكنى صداع من امبارح لحد دلوقتيي

كام مستخبيلى كل دة فييييييييييييييييييييييين :(

---

اجمدى وشدى حيلك مفيش حاجة تيجى كدة إلا بالتعب والجهد والعرق ربنا يوفقك ويثبت اقدامك

انا على مكتبى من 7 و نص و مذلووووووووووووووووووووول ة و بروح 6
!!!!!!!!!
فى كدة فى الدنييااااا

اقتباس:

---

المشاركة الأصلية كتبت بواسطة onna

انا على مكتبى من 7 و نص و مذلووووووووووووووووووووول ة و بروح 6
!!!!!!!!!
فى كدة فى الدنييااااا

---

والله فيه اكتر من كدة 00 طيب فية حد يروح فى الاجازات وايام الاعياد ويفطر فى رمضان متأخر لان البية صاحب الشركة مبيجيش الا والموظفين ماشيين !!! وعجبى وربنا يصبرك المهم المدير عامل اية معاكى دا المهم للان وبعدين الساعة السادسة حلوة علشان يزيد نشاطك ، انا عارف طبعا انتى مش بتسهرى وهتتمنى يوم من ايام النوم الطويل !!!!!!!!

اقتباس:

---

المشاركة الأصلية كتبت بواسطة onna

انا على مكتبى من 7 و نص و مذلووووووووووووووووووووول ة و بروح 6
!!!!!!!!!
فى كدة فى الدنييااااا

---

الموضوع كله انك لسة مش متعودة تصحي بدري
عشان بتنامي متأخر
لو نمتي الساعة 10 ح تصحي فايقة وزي الفل
كلها اسبوع وتتعودي علي مواعيد الشغل
المهم ظروف الشغل كويسة ؟
التعامل كويس ؟
الزملاء محترمين ؟
واهم من كل دة مديرينك كويسين ؟

شكلك كدة مش ح تدخلي تاني غير الجمعة الجاية

يا عينى يا عينى يا عينى على البنية
مش قادرة تصحى بدرى شوية
زعلانة جدا من اشغلانة دية
مش عارفة ان الشغل كدة و زيادة شوية

كلنا لها و شدى حيلك كدة يا حاجة onna

اقتباس:

---

المشاركة الأصلية كتبت بواسطة onna

انا على مكتبى من 7 و نص و مذلووووووووووووووووووووول ة و بروح 6
!!!!!!!!!
فى كدة فى الدنييااااا

---

ده ايه الشغل اللى بيخلص قبل ما يبدأ بساعه ونص ده ايه الدلع ده كله :D
أنا ولا فخر بشتغل يوميا من 9 الى 4 ومن 6 الى 10
والجمعه كتير بقضيها فى الشغل وعندى نبطشيات فى الأعياد
وساعات بكمل الصباحى على المسائى وساعات ببات فى الشغل بس مش كتير
والحمد لله رب العالمين (هو فى حد لاقى شغل )

اقتباس:

---

المشاركة الأصلية كتبت بواسطة onna

انا على مكتبى من 7 و نص و مذلووووووووووووووووووووول ة و بروح 6
!!!!!!!!!
فى كدة فى الدنييااااا

---

- اول يوم شغل ليا كان فى 6 يونيو 1989 و كان عندى 13 سنة الا كام شهر و كانت شركة سياحة، كان المفروض انه تسلية فى الصيف بس كملت علطول علشان حبيت المكان و الناس لقوا شغلى كويس و كنت اخرج من المدرسة على الشركة 3 - 4 ساعات و ايام كتير كنت باقضيها شهادات مرضية للمدرسة (كنت بضرب روشتات من شنطة خالى و اختمها بختمه وزميل خطه حلو يكتبها علشان اروح الشغل لما يبقى فى شغل كتير)
- اول ترقية كانت بعد 10 ايام، كانت شغلتى اروح اقدم جوازات السفر للسفارة التركية علشان اخد تأشيرات، المهم اللى كان بيشغلنى كان فى 3 تجارة و بيكتب طلب التأشيرة على الألة الكاتبة من الألف للياء، قمت مرة قلتله قدام مديرنا (طب ما البيانات المشتركة بين كل الطلبات نكتبها مرة واحدة و نصورها و نكمل على الصور) راح مديرنا اتبسط من الفكرة المنطقية دى و خلانى انا اللى اقعد فى المكتب اكتب الطلبات و التانى يروح يقف فى طوابير السفارة.

- أول مرتب كان 175 بعد 4 شهور علشان محدش خد باله انى مابخدش مرتب و انا مطلبتش، اخدت ال4 شهور بأثر رجعى و الحمد لله لما سبت الشركة فى 1998 كنت أعلى مرتب و عمولات فيها.

- متسجل باسمى و الحمد لله رقم و قدره 864 يوم عمل من غير اجازات أسبوعية و لا حتى اجازة رسمية لدرجة انى كنت اخرج من الأمتحانات على الشغل و سمونى (القطار)

شدى حيلك شوية يا اونا، الشغل نعمة كبيرة و لازم تحبيه علشان تنجحى

اقتباس:

---

المشاركة الأصلية كتبت بواسطة onna

انا على مكتبى من 7 و نص و مذلووووووووووووووووووووول ة و بروح 6
!!!!!!!!!
فى كدة فى الدنييااااا

---

لا مش كده شد حليك يا بشمهندس
بس انتي مش وخده لسه علي مواعيد الشغل بس شدى حليك وربنا معاكي

والله كانت عاملة حس في المنتدي ....
ربنا يرجعك من غربتك بالسلامة يا نهى

فاكرة لما قولتلك اهم حاجة نامي بدري واصحي بدري وابدأي يومك بعد الفجر مباشرة

بجد يا جماعة ميرسييييييييييييي على ال support اللى عملتهووولىىىىىىىى بجد والله ان فرحانة بيكو جدااااااااااااااااا

انا الحمد لله ابتديت اتعود على الصحيان بدرى و مرجعتش ادلقت النهادرة بالعكس نزلت تانى خرجت مع خطيبي نتفرج على السيراتو الجديدة عند محمد ذكى بجد العربية دى تحفة يا جماعة و صاج من بتاع زمان كدة و شكل احلى و اكبر من الانترا بمراحل بس تابلوه الالنترا احلى بس و بعدين كلنا ايس كريم و روحنى اهه

بجد كنت محتاجة بس اوزن نفسي و ليه عووووودة طبعا للمنتدى و الحمد لله بقيت بصحتى اهه و مش راجعة تعبانة هو بس مسألة تعود

و الف الف شكر لكل الناس اللى ساندتنى هنااااااااااا و بجد مش لاقية كلام اقوله

ان شاء الله هرجه بنشاطى تانى و هرجع انور المنتدى D:

سامعني يا كرييييييييييييم P: