الموضوع: التكلفة كام ؟

السلام عليكم ورحمة الله
اخى الكريم محدش فى الدنيا يقدر يحكم العربية دى عاوزة طقم شنبر ولا عمرة كاملة الا اما الموتور يتفتح ويتشاف ويتقاس باجهزة القياس
لكن اللى بيحصل كاللاتى
الميكانيكى يؤلك الموتور حلو والكرنك والبساتم كويسين بس عشان نحكم الزيت نديلة طقم شنبر وبعدين يفك الموتور يلاقى الشمايز عاوزة تتخرط والوش عاوز يتعملة رودية ونغيرلة جلد الصبابات ومش هاتيجى من بنوز وسبيكة وتلاقى الموضوع فتح منك وللاسف مش هاتقدر تلمة ورجلك تيجى فى الخية ............ وبعدين فى حاجة كمان اما تعمل طقم شنبر انت كدة حكمت من فوق صح؟؟؟صدقنى تجاربى وخبرتى كلها انك لو عملت طقم شنبر بالكتير خمس شهور وتحتاج تفك الموتور تانى عشان هتلاقي الكرنك رزع وساعتها هاتحتار تعمل سبيكة بس ولا عمرة كاملة زى ما انت محتار دلوقتى يعنى النهردة او بكرة هاتحتاج تعمل عمرة كاملة ........وبعدين فى حاجة هنا دة الواحد بيعمل عمرة كاملة وبيكون حاطط ايدة على البة من النتيجة ومشاكل لا حصر لها ....نصيحة من اخ اكبر او اخ اصغر لو ان الموتور حالتة العامة اقل من 70 فى المية يعنى بتعانى من مشاكل فى الاسبراتير والدينمو والوش وخلافة اتكل على الله وهات موتور استيراد وصدقنى التكلفة تقريبا واحدة
اسف للاطالة

انا قريت السؤال كويس دلوقتى
حضرتك تقصد انك جايب موتور استيراد وعاوز تعملة طقم شنبر او بتسال الموتور الاستيراد يفضل يتعملة طقم شنبر ؟؟؟؟؟؟؟؟؟
لو كان السؤال كدة يبقى حضرتك تاخد عربيتك وتروح للى اشتريت منة الموتوروتمسك فى خناؤة ولازم يرجعة يا كدة يا اقرب قسم وتعملة سياح ادام المحل بتاعة ازاى اشترى حاجة تطلع بايظة ما كنت عمرت الموتور بتاعى افضل لالالا اوعى تسكت وتضيع حقك

لا انا لسه فى حيرة الموتور بتاعى خايف افتحو يطلع فيه بلاوى
والموتور الاستيراد صحاب المحلات بيقلولى هنعملك طقم شنبر من قبل ما تاخد الموتور وهيكلفك 200 جنيه

فمش عارف اعمل ايه ؟

على فكرة انا مستنى ردكوا علشان فى حوار محيرنى اكتر بخصوص الموتور