قدامي عربية نوبيرا 2004 نرجو الافاده

**bashot** · 03-01-2011 07:11 PM

السلام عليكم

الى كل الاعضاء انا قدامي عربية نوبيرا 2004 أتوماتيك مطلوب فيها 48000
حالتها عددها 70000 بيقول انها كانت استعمال دكتورة وهو بيشترى ويبيع يعنى لسه شاريها من 10 ايام وفعلان انا شفت التوكيل باسمه بنفس التاريح من عشرة ايام والرخصة لسه باسم الدكتورة

الداخل فبريكاً صالون - وشنطة العربية - والقوايم والكبوت
من الخارج الدهان متقشر من كل حته حتى السقف بس متفرق - من الجانبين خبطات بسيطة بس باينة مخلية شكل العربية مش حلو من اول البيبان حتى الرفرف اللى قدام
عندما قمت بسؤال صاحبها لماذا لم ترشها - قالى علشان دا دهان الفبريكة
ثانيا فتحت الماتور لاقيتة جايب زيت من عند وش السلندر مرشح على الماتور
لما حاول يدورها لاقتها بتأخر فى التدوير ونفس عيب كل الدايو والنوبير تحت البطارية مش عاطفي
جربت الفتيس كويس وقواعد الماتور كويسة الباقي انى ارفعها فى بنزينة للتأكد من حالتة الماتور والشاسية
بس صاحبها بيقولى حتى لو رفعت انا مش هاخد اقل جنية عن السعر دا

انا شايفها محتاجه صيانة ومحتاجه دهان خارجي كلي هل السعر كويس على الوصف دا وانا محتاج نوبيرا أتوماتيك علشان انا زهقت من المنيوال فى مصر فى الزحمة والتوك توك باشا

افيدونا يا خبراء النوبيرا وكمان عاوز كلام بأمانة عن العربية دي

**samirayad** · 03-01-2011 07:17 PM

النوبيرا عربيه كويسه

بس يفضل تخللى ميكانيكى وسمكرى من جهتك

يحضروا معاك البيعه

ويقيمولك المطلوب للعربيه بتكالفيه

وتجربة السياره قبل الشراء

وعليك طبعا بالأستخاره قبل أتمام البيع

**3ateef** · 03-01-2011 07:48 PM

حمداً لله على سلامتك يا هندسة....

**samirayad** · 03-01-2011 08:10 PM

الله يخليك

أستاذ : عاطف

**ah-gawad** · 03-01-2011 10:34 PM

شوف لك مركز متخصص للكشف الكامل علي السيارة ان تعذر الذهاب للتوكيل و ان كنت افضل ان تاخذ عربية مش متهانة علشان تريحك و بالتوفيق ان شاء الله . بس بشكل عام النوبيرا اختيار اكثر من رائع و ربنا معاك

**osama.m** · 03-01-2011 11:49 PM

النوبيرا عربية جميلة جدا و مريحة اوي .. بس انا افضل تدور شوية كمان عشان انت هتحتاج تعمل فيها شغل .. هتحتاج سمكرة عشان الخبطات و دوكو للعربية كلها حتى السقف و دا هيموتلك تمنها بعد كدا
الاحسن تدور شوية كمان ... و استنى بردو رأي باقي الاعضاء

**ramy87** · 04-01-2011 01:51 AM

لا النوبيرا تمام و تقريبا هيه نفس الاوبترا
للعلم انا واحد صاحبي شاري نوبيرا مستعملة موديل 2003 ب 52000 او 53000 مش متذكر
طبعا الكبوت كان لونه كده باهت اوي من كتر الركنة في الشمس و كان لازم يترش
بس انتبه صاحبي كان واخدها من واحد ماكنش بيعمل عليها صيانة بعد اسبوعين اشترى وش سلندر علشان سير الكاتينة اتقطع و هوه بيجري و للأسف بعد لما بطلت حاول يدورها و السي مقطوع
المهم بعد لما اشترى السير و البلي اشتري تقليدي مش اصلي لأنه كان لسه جديد في العربيات طبعا اضطر انه يغير موتور استيراد للعربية ب 3000 جنيه
المهم تتعلم من كده ان
1. لازم العربية يتعملها صيانة محترمة و ما تبخلش عليها في الاول
2. احذر قطع الغير التقليد و خاصة في الأجزاء بالغة للأهمية في العربية

و ككل النوبيرا من العربيات المحترمة و اقتصادية و قطع غيلر متوفرة جدا و اثبتت جدارتها و شغالة من 2000 بالنسبة للنوبير ا 2

و موضوع الزيت ده جوان غطا تاكيهات و تمنه رخيص تقريبا 15 جنيه
و بصراحة انا بغيره في الاوبترا بمعدل مرة في السنة و مفيش مشاكل منه
الاهم تكشف على العربية
و تستخير ربنا
و تتوكل على الله
عربية حمالة شغل زي اللانوس

**Sherif Khalifa** · 04-01-2011 03:08 AM

العربيات الى محتاجة اصلاح لعيوب كتير زى كدة باينة من اول نظرة
لك ان تتوقع ان ما خفى كان اعظم

**al_manara** · 04-01-2011 03:21 AM

المشاركة الأصلية كتبت بواسطة sherif khalifa

العربيات الى محتاجة اصلاح لعيوب كتير زى كدة باينة من اول نظرة
لك ان تتوقع ان ما خفى كان اعظم

تمام كدة . دور علي حاجة ماتكونش فيها مشاكل كتير . انت كدة عاوز ميكانيكا وسمكرة ودهان والله اعلم بالباقي

**احمد المصرى** · 05-01-2011 10:27 AM

بلاش منها يا اخى ايه ال فيها كويس موتور جايب زيت دهان مسقشر يبق اكيد ال كان راكبها كان مهمل فيها جدا وعايز يخلص منها علشان هتفتح بقها والسعر دا كتير عليها علشان محتاجه مصاريف واكيد المخفى اكتر من ال باين علشان المستخدم مهمل للغايه

الموضوع: قدامي عربية نوبيرا 2004 نرجو الافاده

LinkBack

أدوات الموضوع

عرض

-

-

-

-

-

المواضيع المتشابهه

عربية دايو نوبيرا 2004 ...اسود .. للبيع ب 15 الف فقط ...

كوميديا عن حرامي غبي سرق عربية قدامي و اتجابت قدامي بعدها بايام

عايز افحص عربية نوبيرا 2004 --يرجي الرد السريع يا شباب

نرجو الافاده يا سكر زياده

عاوز اشتري عربية نوبيرا 2004

الكلمات الدلالية لهذا الموضوع

المفضلات

المفضلات

ضوابط المشاركة