الموضوع: دية بلدى وانا راجع راجع

المشاركة الأصلية كتبت بواسطة tamertamer

على اثر احداث انفجار عربية مفخخة امام كنيسة الاسكندرية

انا مذهول من ما يحدث

انا مسافر برة مصر وبقالى مدة بوضب الحوار دة من اول شهر 12

انهردة بيكلمنى احد الاصدقاء ودية مش اول مرة تطرح الفكرة (هم لا يعلمون بسفرى بعد )

صديقى قال انت احسنلك تسيب البلد وتهاجر ذى كل المسحين لان الوضع اصبح صعب الاحتمال

ودية ثالث مرة من احد الناس ينصحنى بهذة النصيحة

ماذا سيقول هؤلاء عندما يعلمون بسفرى لذالك افكر بشكل جادى انى الغى او ااجل شوية

انا عايز اعرف لية هنمشى خوف مثلا

انا زعلان اوى ان الفكر اصبح بهذا الشكل

هذة البلد بلدى وانا مصرى وحتى وان تركت بلدى لاجل فرصة افضل فاننى سارجع اكيد

فى اة يا بلد ماذا يحدث احنا كنا عيشين يهودى مسيحى مسلم بدون اى تفرقة

لماذا الان اصبح الطرفين يتصيدون الاخطاء لبعضهم البعض

اننى حزين جدا لما ألت الية الوضع

انا بسمع من اصحابى المسحين نغمة جديدة انها حرب كيف يعقل ان تكون تسكن وتاكل وتشرب مع جارك وانت تكن لة الشر هل هذة هى نسيج الشعب المصرى الاصيل

وقيل لى باللفظ دة (انا بكرهم مش قادر احبهم )

فمنذو ان كانت مصر مسيحية حتى دخل الاسلام فهناك ما راح الى الاسلام وهناك ما بقا على دينة ولم يحدث اجبار على اعتناق اى ديانة حينها

وحتى عندما اتا الفرنسين والانجليز الى مصر هم مسيحين الغرب ولاكن مسحين مصر رفضو ان يحكم هؤلاء مصر
والمظاهرات كانت مكونة من كافة طوائف الشعب تحت راية علم واحد وهو الحرية

اى ان المسحين مصر رفضو ان يكون يحكم مسيحين الغرب وتهللو عندما قامت الثورة 1952 وكان الحاكم مسلم محمد نجيب او جمال عبد الناصر او انور السادات

كان حيناها الشعب المصرى وحدة واحدة

فماذا يحدث يا مصريون هل وصلنا الى هذة الدرجة


يجب الاعتراف ان هناك ازمة شنيعة وقوية وان هناك بعض الجماعات التى ترفض المسيحين وهذا واقع لماذا حدث هذا انها حرب الافكار التى اتحدث عنها انها اقوى واعنف انها تسلب العقل كيفية التفكير السليم والقويم

هنا تكمن المشكلة التى دخل منها اعداء مصر وطنى وليس لى وطن غيرة ولن يكون

يجب الاعتراف بالامر الارهاب فقط يدخل بين الشقوق والقضايا التى لا نريد الصراحة

يجب الانتباة لان الحرب التى توشك ان تحدث نحن هم الخاسر الوحيد فيها

يجب ان يكون هناك رقابة على كل شخص يمسك مكبر صوت سواء فى جامع او كنيسة

الشحن الجماهيرى كبير جدا وخطير جدا

ارجو ان تتصرف الحكومة وبسرعة نحن البنائون

بناة الثقافة
بناة الحضارة
بناة علم
بناة كفاح طويل ونضال مرير ضد اعداء الوطن او اى غاصب

العدو الان هو نحن العدو هذة المرة استخدم الحيلة مثل الثعلب يدور حول الفريسة ويجعلها تقاتل نفسها ليفترسها بكل سهولة وبلاء اى تعب


انا مسيحى انا ضد الفكر العدائى
انا مسيحى انا ضد التعصب
انا مسيحى انا ضد التفرقة
انا مسحى انا ضد الولاية الاجنبية
انا مسيحى انا ضد التصنع



انا كتب ما اريد وانا احس بية بلاء اى خوف او قيد

وهذة بلدى ووطنى ولن ادع احد ياخذ منى وطنى بدون قتال

تخيل اني اول مره اعرف انك مسيحي؟

و مش فارق معايا اصلا مسيحي مسلم من يهودي ( اللهم باستثناء الصهيونيين دول حساب تاني)

انا بأييد كلامك و وجهه نظرك و كان نفسي اللي بتقول عليه ده كله يطلع من حد من الاعضاء

الناس مش واخده بالها بجد الكوره و المسلسلات غييبو عقولهم تماما

احنا علي شفا حرب اهليه طاحنه

و الكارثه ان المتعصبين من الفريقين شغالين سكب نار علي البنزين

دول اصلا لازم يتلمو و يتحرقو في ميدان عام

البلد مش هتبقي بلد لو عايز تنزل تشتري حاجه من السوبرماركت و خايف علي نفسك لحد يوقفك يسئلك عن

ديانتك و تكون اجابتك (سواء اخترت تجاوب بكلمه مسلم او مسيحي اتقاء لشر اللي بيسئلك) و تكون اجابتك ديه هيا شهاده وفاتك

و لو وصلت السوق نفسه و في لحظه بوووووووووم و تلاقي اطرافك اشلاء و تموت

الحرب الاهليه اللي بيجرجرو البلد ليها دي بجد ولازم نتفهم كلنا ان الموضوع خطير لابعد الحدود

لازم نفهم مين احنا

احنا اهل عيب لما يحاولو يحولو وتر طلعت منه احلي الامثله في الفداء و الشهاده و صد الغزو و الاحتلال, عيب لما

الوتر ده يتحول لوترين و ييجي شويه كلاب عايزين يولعو البلد يلعبو علي الوترين دول

ازهر بقي او البابا مش مشكلتي

مشلكتي انهم مقدروش يتعاملو مع الموقف كما يجب ولازم فعلا علشان نمنع اي هجمات او ارهاب من النوع ده

اننا نكون صادقين مع نفسنا و نصفي الاحقاد و الضغائن كالرجال

ساعتها مصر فعلا هترجع لحاله الوتر الواحد و لو حد حب يعمل اي حاجه وحشه مش هيلاقي لها لازمه لاننا جسم واحد و مصير واحد بجد

العراق و من قبله لبنان و حاليا السودان

اتعظو يا ناس قبل ما الدور يكون علينا فعلا و زي ما قسمو البلاد العربيه بالورقه و القلم في اتفاقيه سايكس بيكو

هيرسمو لينا دويلات جوه بلدنا كخطوه اولي و الخطوه التانيه هي اشعال الحروب بين الدويلات دي و الخطوه

الاخيره احتلال الدويلات الصغيره دي بعد ما الحروب و القتال ينهك قوتها

ساعتها الكلاب دول مش هيسئلوك مسلم او مسيحي قبل ما صواريخهم تمطر علي بيتك و رصاصهم يدخل في صدرك و ايديهم تتمد علي نسائك

فوقو يا مصريين فوقو