المشاركة الأصلية كتبت بواسطة Dr_Mido
علشان مشكله المرور فى مصر مشكله اصيله ومتعمقه فى جذور الشعب المصرى ومتتحلش او متتفهمش لواحد مش مصرى بنعتبرها من التقاليد باعتنا
ولنفترض اللجنه جت مش هتشتغل علطول محتاجه حوالى 2000 سنه تستوعب نظام تخطيط الشوارع عندنا واماكان اليو تيرن الغريبه والكماين اللى بنعملها فى الشوارع زى الكمين اللى عند المنصه كدة
وبعدها 2000 سنه تانى علشان يفهمو دماغ السواقين المصريين
و 2000 سنه علشان يشوفو حل للموضوع وهو غالبا هيكون بنسف القاهرة خالص واعادة التخطيط والبناء لانه مفيش اى حل منطقى يحل المرور غير كدة
وبرضه هنضطر نستور عساكر من برة
والحل الاريح فعلا ياما نستورد سواقين اجانب فى مصر ياما نبعت السواقين بتوعنا كلهم بعثه فى دوله بس برضه انا اعتبر نفسى واثق انهم لو راحو دوله تانيه هيبوظو فيها المرور
والنتيجه الحتميه ان بعد 6000 سنه محدش عرف الحل للغز بتاع كل يوم :d:d:d:d:d