معلش عايز النصيحة كارينز هاي لاين ولا سيفيك LXi

السلام عليكم ,

أنا عارف كلكم حتقولو أيه يا عم المقارنة دي دول فئتين و ماركتين مالهومش دعوة ببعض, بس أنا عايز أقارن سيارة بأخرى لأني محتار, أنا حاجز كارينز بقالي شهور من التوكيل وطول الفترة دي خلاني أرجع أفكر في سيارة عجباني من زمان السيفيك (مع الأخذ في الأعتبار فرق السعر الكبير), في بعض النقاط في دماغي للمقارنة :

- سعر إعادة البيع هل في صالح الكارينز ؟
- عوامل الأمان هل في صالح السيفيك ؟
- الارتفاع عن الأرض هل في صالح الكارينز ؟ (يمكن من أكتر الحاجات اللي مخوفاني من السيفيك)
- مساحات التخزين (أكيد في صالح الكارينز)
- هل فرق السعر يستاهل ؟
- قوة الموتور (أكيد في صالح السيفيك)
- سعر قطع الغيار هل في صالح الكارينز ؟
- يا ترى التوكيل في صالح مين فيهم ؟
- الأعتمادية و كونها معمرة (أعتقد في صالح السيفيك) ؟
برجاء النصيحة

اكييييييييييييييييييد سيفيك من غير ما تفكر احسن بكتير بس اكيد كل حاجه و ليها مصاريفه هتبقى قد السيفيك جيبها مش قدها خلاص بس طبعا لو كعربيه و اعتماديه و كل حاجه السيفيك بس لو بتدور على قطع غيار رخيصه و اى حاجه اشطه اوى كده امشى زى ما الناس ماشيه اصل الناس بتدور على قطع الغيار الارخص و خلاص انشاله لو صينى بس المهم قطع غيار الرخيصه و ده النظام السائد فى مصر والى مخلى الكورى منتشر بس كده زى ال فيات زمان الناس كانت بتجيبه عشان قطع غياره ياعنى لو دلوقتى مثلا البونتو كلاسيك قطع غيارها ارخص من لانوس مش هتلاقى غيرها فى الشارع و احتمال تلاقيها تاكسى هيا كده بس السيفيك فعلا من اغلا العربيات فى الصيانه و قطع الغيار لو معاك تمن السيفيك فى عربيات كتير حلوه فى نفس السعر او اقل و قطع غيارها مش زى السيفيك اوى ياعنى
و هتبقى احسن من الكارينز
زى التيوتا كورولا 2011
سوبارو امبريزا سيدان او هاتش باك
والرينو فلوينس
و الفورد فوكاس واجن او سيدان او هاتش باك بس افضل الواجن و الهاتش باك عشان تقفيل المانى امال السيدان تقفيل اسبانى
نيسان ليفينا
فيات برافو
مازدا 3

هيا ديه الاختيارات الافضل و فيه عربيه كده اسمها رينو داستر او داسيا داستر بس معرفش عنها اى حاجه هيا جيب تقريبا

Civic

سيفيك أكيد تكسب .. بس يعيبها فقط انها واطيه على الأرض ....

وسمعة السيفيك تتكلم ...

شكرا لكم جميعا .

أنا يمكن حاسس بأن السعر مقابل الأمكانيات عالي جدا إلى جانب موضوع أنها واطيه على الأرض.

برجاء المزيد من النصائح وبالذات يا ريت من مالكي السيارة

ال 2 حلوين بصراحة والمقارنة محيرة .. لو مكانك استفيد بفرق السعر

الكارينز رائعة

سسفسك عربية ممتازة بس يعيبها انها واطية على الارض واحنا ما شاء الله عندنا تلال مش مطبات

كارينز واستفاد بفرق السعر
وكمان فرق السعر في قطع الغيار المبالغ فيها للسيفيك
وكمان السيفيك واطية هتحك كتير الا لو طريقك كله شوارع نضيفه

بس المفروض انك الاول تقول انت استخدماتك ازاى
لو عاوز عربية عائلية ومريحة فى السفر وتشيل كتير وعالية نسبيا وتقعد مدد كمان والكنبة اللى ورا الاولاد يلعبوا فيها وقطع الغيار معقولة وطبعا مش شد ولا غرز والكلام دة طبعا يبقى الكارينز
انما لو كنت شاب لوحدك يعنى وعاوز شياكة وتبالوة فاخر وشد وغرز وقادر على دفع الصيانة فطبعا السيفيك
انت يا باشا اللى عارف احتياجاتك اكتر من اى حد تانى وربنا يوفقك للى فية الاصلح ونصيحتى بصلاة الاستخارة

السيفيك أفضل لكن استفيد بفارق السعر لان السيفيك سعرها مبالغ فيه بشكل كبير جدااااااااااااا

والفرق بين العربيتين مش كبير اوي

اقتباس:

---

المشاركة الأصلية كتبت بواسطة mmmero

بس المفروض انك الاول تقول انت استخدماتك ازاى
لو عاوز عربية عائلية ومريحة فى السفر وتشيل كتير وعالية نسبيا وتقعد مدد كمان والكنبة اللى ورا الاولاد يلعبوا فيها وقطع الغيار معقولة وطبعا مش شد ولا غرز والكلام دة طبعا يبقى الكارينز
انما لو كنت شاب لوحدك يعنى وعاوز شياكة وتبالوة فاخر وشد وغرز وقادر على دفع الصيانة فطبعا السيفيك
انت يا باشا اللى عارف احتياجاتك اكتر من اى حد تانى وربنا يوفقك للى فية الاصلح ونصيحتى بصلاة الاستخارة

---

دي حاجة ودي حاجة مختلفين عن بعض
على حسب احتياجاتك وتوكل على الله

اقتباس:

---

المشاركة الأصلية كتبت بواسطة tarekabosdera

السيفيك أفضل لكن استفيد بفارق السعر لان السيفيك سعرها مبالغ فيه بشكل كبير جدااااااااااااا
والفرق بين العربيتين مش كبير اوي

---

يعنى هو الكارينز اللى سعرها مش مبالغ فيه؟؟؟؟!!!!!
لو السيفيك سعرها فيه 10-15% زيادة
يبقى الكارينز فيها 20-30% زيادة زى معظم الكورى...!!!

والفرق بين العربيتين شاسع فى الأداء.. مثلا..:colsmil:

اقتباس:

---

المشاركة الأصلية كتبت بواسطة amrseba

اكييييييييييييييييييد سيفيك من غير ما تفكر احسن بكتير بس اكيد كل حاجه و ليها مصاريفه هتبقى قد السيفيك جيبها مش قدها خلاص بس طبعا لو كعربيه و اعتماديه و كل حاجه السيفيك بس لو بتدور على قطع غيار رخيصه و اى حاجه اشطه اوى كده امشى زى ما الناس ماشيه اصل الناس بتدور على قطع الغيار الارخص و خلاص انشاله لو صينى بس المهم قطع غيار الرخيصه و ده النظام السائد فى مصر والى مخلى الكورى منتشر بس كده زى ال فيات زمان الناس كانت بتجيبه عشان قطع غياره ياعنى لو دلوقتى مثلا البونتو كلاسيك قطع غيارها ارخص من لانوس مش هتلاقى غيرها فى الشارع و احتمال تلاقيها تاكسى هيا كده بس السيفيك فعلا من اغلا العربيات فى الصيانه و قطع الغيار لو معاك تمن السيفيك فى عربيات كتير حلوه فى نفس السعر او اقل و قطع غيارها مش زى السيفيك اوى ياعنى
و هتبقى احسن من الكارينز
زى التيوتا كورولا 2011
سوبارو امبريزا سيدان او هاتش باك
والرينو فلوينس
و الفورد فوكاس واجن او سيدان او هاتش باك بس افضل الواجن و الهاتش باك عشان تقفيل المانى امال السيدان تقفيل اسبانى
نيسان ليفينا
فيات برافو
مازدا 3

هيا ديه الاختيارات الافضل و فيه عربيه كده اسمها رينو داستر او داسيا داستر بس معرفش عنها اى حاجه هيا جيب تقريبا

---

+1111111111111111

انا لو مكانك سيفيك سيفيك سيفيك
اولا دى حاجة ودى حاجة تانية خالص
دى لشاب ودى لراجل كبير اسرة يعنى
السيفيك تفوقها فى الثبات بمراحل
وطبعا تتفوق عليها فى التسارع
+شكلها اسبور عن الكارينز بكتير