التوفيقية
امام سنترال رمسيس-محطة مترو جمال عبد الناصر-بعد رمسيس بمحطتين
شارع دمشق
روكسى-مصر الجديدة
شارع الازهر
العتبة
الحرفيين
طريق مصر الاساعيلية قبل موقف العاشر وانت رايح من مصر الى الاسماعيلية
موضوع جميل وياريت اعرف لو عايز اعمل زجاج امامى كهرباء هيكلف كام وطرمبه ميا بمواتير مساحات لل 127
موضوع جميل جدااا ؛ وخاصة انه تحول من نيسان الي كل الماركات
ياريت كمان كل واحد يكتب كمان انطباعه عن التاجر و امانته وياريت وصفه بسيطة للمكان ؛ علشان احنا في كل مصر ومش كلنا نعرف الاماكن
لو في حد يفدني اجيب زينون اصفر للشبوره منين اكون شاكر جدا
لو سمحت انا مش متابع الاسعار من زمان
فياريت لو حد يعرفنى سعر سماعات بايونيير كويسه
(400 او 500 ) وات وفيتنامى ولا تاياندى والار ام اس كام
وياريت نوع وسعر جى ام كويس يقاوم 6 سماعات
واسف جدا لو هطول عليكو
ياريت لو كاسيت بايونير 5150 سعره وصل كام دلوقتى
اتمنى حد يفيدنى فى الموضوع ده :)
كنت عايز اغير المبات للفوانيس الاماميه ودورت علي التنجسترام بس لم اجدها ولقيت وعلي كلام صاحب المحل لمبات ياباني افضل من المجري
جبتها بس لسه مركبتهاش واللمبه ب 25 ج
وهيه شكلها قيم جدا علشان محدش يقول مضروبه ههههه
والوات 100/140 و ال CP 200/260 يعتبر اعلي قدره بالسوق انا شفتها الي الان
ودي صورتها
http://nileup.com/up/uploads/nilemotors_13554957781.jpg
ياريت يا جماعه حد يقولى على جهاز انزار كويس سنتر لوك وكنت عاوز اشترى لمبه صالون للعربيه بس تكون كويسه وعاوز اترى لمبه زينون لكشفات الشبوره
ياجماعة عايز اعرف من فضلكوا اجيب مساحات زجاج للعربية منين
العربية : لانوس 2007
هل فى نوع معين ومقاس معين
ياريت الافادة عن النوع والسعر والمقاس ومكان وطريقة التركيب
وشكرااااا
جميل
السلام عليكم جميعا....انا عايز اركب فى عربيتى من الامام حاجة كدة عاملة زى الحديد انا مش عارف اسمها الحقيقة متهيألى دعامة او حامى مش عارف...لو حد يعرف اسمها وسعرها وبتتركب فين ياريت يقوللى
وفى عربيتى خدش كدة رحت عشان اعمله الراجل قاللى انه محتاج دوكو...هل الدوكو حلو للعربية ومبيأثرش على لون العربية؟؟؟ واعمله فين ...انا ساكن فى مدينة نصر
عاوز اعرف سعر طقم نيكل خارجي ( شبابيك ) لعربية جيتا 2010 يعمل كام ؟
السلام عليكم ورحمة الله
هل فى بلاور هوا بيشتغل على الولاعه او البطارية ؟
وهل منفاخ الكاوتش ممكن استعمله كبلاور ولا لا ؟
وايه افضل نوع منفاخ كهربي للكاوتش من فضلكم ؟
وافضل مكنسه واسعارهم ؟
وشكرا
انا عايز المرايا دي للسيراتو
[url=http://imageshack.us/photo/my-images/189/59751955.jpg/sr=1]ImageShack
عدد 2 وش نيكل للفانوس الخلفى لنيسان صنى سعره 100 جنيه
يوجد كوريك 1 طن تمساح سعره كام حاليا ؟
تقريبا شوفت بلاور بيشتغل ع الولاعة بس اعتقد انه ضعيف
منفاخ الكاوتش هيكون ضعيف
بخصوص منفاخ الكاوتش خليك في اللي شغال ع الولاعة عشان يسندك في وقت الطواري و فيه منه 1 بستم و 2 بستم 1 بستم في حدود 60 ج و 2 بستم في حدود 120 ج و هتلاقيه في كارفور و سبينس
بخصوص المكنسة بلاك اند ديكر مكنسة محترمة بس معرفش اسعارها الحقيقة
والله الوحد مش عارف يشكركو ازاي والوحد بيتعلم كل يوم حاجة جديدة من الموقع الجميل ده
شكرا
بجد شكرا على مجهودكم
السلام عليكم
بصراحه مجهود جامد وموضوعات مفيده جدا
انا ليا كذا سؤال ـ عربيتى كارينز وناوى ادلعها شويه هيا طبعا فيها سنتر عاوز اركب انذار وشوفت الاسباى العادى اللى ريموت شبه ريموت الكيا الاصلى بصراحه عجبنى بس معرفش حد مركبه ـ الولف اصدقاء كتير اشتكوا منه ـ ايه رايكم فى الاسباى العادى وسعره كمان مناسب ؟
كمان اركب وحدات رفع ولا مالهاش لازمه؟
وناوى اركب فوجات
وكمان شوفت كفرات نيكل للاكر الخارجيه للابواب ـ انا عندى الاكربنفس لون العربيه ـ ايه رايكم دى عمليه ولا اونطه
طولت عليكم معلش
السلام عليكم ورحمة الله وبركاته تحية لللاخوة الاعضاء وشكرا جزيلا لهم على التعاون بس فيه استفسار ممكن الافادة لو سمحتم انا معايا تويوتا كرولا 2004 ومحتاج اجيب شوية اسكسسوار ليه ممكن حد يفدنى انسب وارخص مكان فيه الحاجات دى وتكون الخامات كويسة
1 - فرش جلد للصالون لون سمنى فرش محترم وبالسعر المناسب
2- اسبويلر 3 - طقم نضارات فضى فوق الابواب 4 - نضارة خلفية 5 = فوانيس الشبورة زينون 6- وايضا فيه حاجة اسمها بريجكتور بماركة السيارة بتركب اسفل الابواب الامامية عندما تفتح باب السيارة بتعمل دائرة نور كبيرة على الارض بماركة السيارة7- نواكل الاوكر والمرايات 8 - طقم زينون عالى فقط 9 - ليدات بلحة للصالون ودواية للصالون الامامى وبدون كعب للشنطة
السلام عليكم
انا معايا لانوس كاملة مانيوال فيها سنتر لو حبيت اركب انذار ها احتاج اغير السنتر ال فيها ولا هايركب عليه؟ وايه رايكم اركب اربع وحدات رفع ولا ايه؟ وسعرهم كام تقريبا
في محل اسمه النشوقاتي هو اصلا بتاع جملة امام سنترال رمسيس في شارع رمسيس بعد اشارة الاسعاف عنده الاسعار ممتازة وبتبقى اقل من السوق في الحاجات الكبيرة بحوالي 10 جنيه او اكثر
جوز المساحات عنده الرابر سعر = 18 جنيه
قفل الدركسيون سعر = 35 جنيه
زيت الفرامل سعر = 12 جنيه
مياه خضراء سعر = 20 جنيه سعودي 4 لتر
الزينون صيني سعر = 250
لمبات ابيض صيني 260 / 200 سعر = 18 جنيه
لمبات فيلبس 260/200 سعر تقريبا كانوا بـ 45 جنيه
رأس الفتيس اللي مكتوب عليها النقلات لونها اسود او بني حاجة شيك اوي من واحد ادام فرن فودة اللي في التوفيقية وسط بتوع الفاكهة بـ 15 باقي السوق بيبعها بـ 20 او 25
ملمع تابلوه سبراي مصر للبترول في اخر التوفيقية من اتجاه عماد الدين كدة سعر 7.25 جنيه
ملمع زجاج من مصر للبترول برضه سعر 7.00 جنيه
الزيوت كلها ارخص حوالي 5 جنيه عن سعر البنزينه في منفذ مصر للبترول برضه
طارة دركسيون اللي هي الجلد اللي بتركب على الطارة نفسها لحمايتها من التقشير والشمس ومريحة في السواقة بالاسفنج سعر 20 جنيه من التوفيقية الناس اللي فارشه في السوق
السماعات السوني اندونيسي وماليزي من شارع التحرير اللي بيوديك على ميدان الفلكي الصراحة مش فاكر سعرهم بس الاسعار كانت متفاوته كتير بس في واحد ممتاز كاتب ادريان على اليافته خلف الشبراوي اللي موجود في الشارع وكان سعره اقل من السوق كله وجودتهم عاليه اوي
جهاز ام بي ثري ويو اس بي من نفس المكان السابق في عدد من المحلات بيركب على الكاسيت عبارة عن شريحة كدة صغيرة بـ 20 جنيه فقط موجود في عدد من محلات نفس المنطقة
استيكر فضي للفوانيس سعر المتر 2.5 جنيه موجود في محل في التوفيقية وانت رايح على البنزينة بتاعه التوفيقية محل عامل زي الممر كدة عنده جميع انواع الاستيكارات واسعاره ممتازة جدا واقل من السوق كله
طارة دركسيون اسبور 150 والسوسته بتاعتها بـ 90 جنيه تقريبا بس منصحش بيها لانها مبتبقاش حلوة في السواقه وخصوصا في الملفات
اشكركم جميعا وتقبلوا مرور واسف على الحاجات اللي مش فاكر اسعارها
السلام عليكم
ممكن اعرف نوع كويس لكلاكس عالى ومميز وغير مزعج لسيارة فيرنا
( يعنى نغمة عاليه وانسيابيه وتعرف تشكل بيه نغمات وانت ماشي ويخلى مزاجك حلو وكمان يخلى اللى ادامك يعبرك )
ويعمل مجال حلو وتمام
وياريت اللى يعرف يسمعنى صوته ورقم موديله بالظبط وسعره يبقي جزاه الله كل خير
وشكرا جزيلا
ديسك واسطوانة استيراد بحوالى 300 جنيه وع حسب نوع السيارة
السلام عليكم
انا بدور على مقياس ضغط الكاوتش الديجتال ومش لاقية خالص سألت فى راديو شاك وعند ابو الجوخ ومش لاقية
يا ترى فى حد يعرف اجيبة منين وسعره كام ؟؟؟
شكرا