اسـعـار جـمـيـع كـمـالـيـات و اكـسـسـوارات الـســيـارات (مـتـجـدد دائـمـا)

**ALKareem** · 07-08-2013 09:36 AM

المشاركة الأصلية كتبت بواسطة waleedelpiloot

شكرا ياباشا على ردك
بس انا كنت سمعت انو بيشتغل يا usb وعن طريق الولاعه
لكن مش توصيلات كهربا خالص ولا هوة فى دة ودة؟؟

في دة و دة برحتك السعر بيفرق عشرة جنية اليو اس بي و الولاعة اغلى بعشرة جنية بس :) بس انا اصلي عاملة في الطابلوة و مزين بية الابواب من جوة و الكوب هولدرز فواخد الكهربة من التابلوة من ورا الكاسيت

**ALKareem** · 07-08-2013 09:40 AM

المشاركة الأصلية كتبت بواسطة mh3

زينون تعملها كام لنوبيرا 2004 وسينوسر بارك وشكرا

على حسب نوع الزينون عندك من اول 250 لحد 450 و هتلاقيهم في شارع دمشق احسن اسعار بس ابعد عن السجان عشان اسعارة مبالغ فيها انا صحبي جاب الي ب250 و بصراحة شغال معاة زي الفل هو 6000 Kw

اهم حاجة لما يركبهولك جربة كويس و شوف فية رعشة ولا لا و حاول تحط الموديول في مكان مداري و تغطي الوصلات عشان لو غسلت الموتور الزينون ميتاسرش هو كدة كدة الجهاز مقاوم للصدا و المية بس احتياطي و كمان حطة في مكان ثابت عشان الهزة الجامدة ممكن تاثر على الجهاز

السينسور من 90 لي 150 بالتركيب في اي حتة سواء التوفيقية او شارع دمشق المهم خلية يظبط المسافة ما بين عدسات السينسور و تبقى كلها في خط مستقيم واحد و على اعلى حتة في الاكصدام عشان القراية تطلع معاك صح

**ALKareem** · 07-08-2013 09:43 AM

المشاركة الأصلية كتبت بواسطة ahmedaliaeg

كنت عاوز الصق صقف العربيه بانوراما والسعر فى اكتوبر 350 وانا حاسس ان السعر مبالغ فيه ؟

كتير قوي هو في حدود من 150 ل 200 في شارع دمشق و الحرفيين و في محل اسمة شكيب في عابدين بردة بنفس الاسعار اكتوبر اساسا اسعارها مبالغ فيها بذات المحل الي في الحي السابع دة قصاد القهوة حاجتة اسعارها ضعف السوق