مجرد أن الجين 2 فقدت الـ EBD وقريبا ستفقد ال ABS مع ظهور البيرسونا لم تصبح السيارة المثالية وتصبح النيسان صنى والسيتي أفضل مائة مرة لنفس الفئة السعرية وعفوا عز العرب جتك خيبة :D
لاحظ ياكابتن شوقى ان هو مش عايز يغلى وكل حاجة بتغلى طيب الراجل يعمل اية يبيع بخسارة
كلامه صح
ثانيا هو مش بيكسب من سبورت باكيدج
اربع تلاف جنيه على سبويلر و حاجات هايفة
كان ممكن يعمل كده في الجنط
العربية بجنط اغلى 4000 جنيه
و بكده يبقى رخص تمن العربية و كسب اكتر
زي ما توكيلات تانية ما تعمل
بس هما مش بيفكروا
يا جدعان انا عايز اوضح حاجة الجين 2 ملحقتش تاخد سمعة كويسة في مصر فاليبيشتريها بيشتريها علشان الكمليات الي فيها و الي ممكن متكونش متواجدة في عربية ب 90000 اصدي هو لما يشيل ال Ebd ودي حاجة كبيرة و يمكن اكتر حاجة بتميز العربية دي يعني عربية بالتمن الي ذكرناه فيها Ebd يعني طبعا حاجة كويسة لكن يجي هوة يشيل ال Ebd يبقي فعلا انتا تجيب صني 1600 ليها اسم بقالة 100 سنة وحتي لو مش متجمعة او متصنعة في اليابان (((نيسان مش هتضحي بسمعتها))) انا خرجت بره الموضوع معلش بس ياريت حد يسأل علشان و الله كنت ناوي اجيب الجين 2 بس :( :( :( :( :( :(
الاخ الفاضل محمد
بعد اذنك ممكن تقولنا حضرتك جبت منين معلومة ان الـ ebd اتشال من العربية :confused:
مع احترامى الشديد لرأيك انا اتصلت سالت عز العرب العجوزة قالولى ان العربية بنفس الكماليات و ماتسالش منها حاجة و زيادة فى التاكيد سالت على الـ ebd و اكدوا نفس الكلام ان الكمالية دى موجودة و ماتشالتش
كل التغيير فى الجنوط و طبعا شكلها سيئ جدا :mad::mad::mad:
التابلوه و الفرش بقى لونها غامق و بقى نفس اللون فى كل العربيات و ده افضل طبعا علشان موضوع الاتساخ خاصة اننا عايشين فى بلد نظيف اوى
السلام عليكم و رحمة الله و بركاته
اقتباس:
اللى بيشترى الجين 2 بيشتريها لانها درجة أرقى من الصيني
أبو الكباتن شوقي ........ أولا منور قسم البروتون
و مع أحترامي الكامل لرأيك الجميل
و لكني سأختلف معك في هذه النقطة
البروتون كماركة أثبتت نفسها تماما و الدليل سوقها في انجلترا و أستراليا و بعض دول الأتحاد الأوروبي هذا أولا
ثانيا ........ البروتون أثبتت كفائة في مصر من خلال ..... الويرا التي تسير في شوارع المحروسة منذ التسعينيات و ما زالت تجري و عندما تنظر لها تشعر و كأنك ترى سيارة موديل فوق سنة 2000 و مع أحترامي للكوري كله لو تم مقارنتها بالسيارات الكوري من نفس الموديل سترى الفارق بين السيارتين و اللي بيبان في الصاج و حالة المحرك ما بين السيارتين
ثالثا ....... الناس اللي بتشتري البروتون مش بتشتريها علشان الكماليات بس لأن العربية أصلا سعرها عالي و أعلى من الصيني بكتير و زي الكوري و الياباني في نفس الفئة من ناحية السعر ( الأكسنت مثلا و الياريس و قريب قوي من النيسان صني )
و لكن لأن السيارة بالفعل قوية من ناحية المحرك و الصاج و كل الناس اللي تعرف بروتون و جربتها يقولولك أنها سيارة ممتازة كأداء و أعتمادية نظرا لذكاء بروتون بالإعتماد على تكنولوجيا من سبقوها مثل ميتسوبيشي و لوتس العريقة
و لو نظرنا إلى التوكيلين ( غبور و عز العرب )
غبور توكيل ناجح جدا و أستطاع أن يجعل اسم هيونداي في مصر اسم عالي و هذا لأن سيارات هيونداي تستحق و أيضا لأنها تقدم سيارات تناسب الكل
أما توكيل عز العرب فهو تسويقيا أقل كثيرا من غبور
و الدليل ......... بروتون غير منتشرة و الذين يشترون هم من يعروفون بروتون و قيمتها و يشاركها سيتروين الماركة المحترمة جدا و التي لا تجد توكيل قوي يسوقها في مصر
و تخيل معي أن سيتروين و بروتون مع توكيل شاطر مثل غبور ........ كانوا باعوا منهم مبيعات كبيرة جدا و خصوصا أن الأثنين يحتاجوا لتعريف المستهلك المصري بهما و هو نفس المستهلك الذي يشتري ما هو منتشر في السوق فقط
بالنسبة بقى لموضوع الجنوط ............ هي فعلا الجنوط القديمة أحلى و لكن الجديدة شكلها كويس جدا و على فكرة في رأيي الشخصي إن الجنوط الجديدة أحلى من القديمة ( وجهة نظري البحتة )
و بالنسبة للكماليات و الموديلات الجديدة
موديل 2007 = موديل 2008 في كل شئ
الفرامل مجهزة ABS , EBD و لم ينقص من السيارة شئ بتاتا و هذا الكلام من توكيل عز العرب الصحراوي و العربية 2008 هي نسخة طبق الأصل من 2007 في كل شئ و الأختلاف الوحيد هو سنة الصنع فقط لا غير
يعني مرة تاني
موديلات 2008 من السيارة جين 2 بها ABS , EBD
و لم يتم استئصال اي كماليات أو تجهيزات منها لتخفيض السعر كما شاع مؤخرا
الجين 2 لم يتم استئصال أي كماليات منها مطلقا
الأخ العزيز توت.......
وعليكم السلام ورحمة الله وبركاته
غبور لم يكن ليفعل شيئاً.....غبور معاه توكيل المازدا وأين هى المازدا فى مصر!!!
بس هو ده الكلام .......تعيش الجين 2.....يلا كلو يشترى جين 2 طالما تحترم عميلها وتعطيه كل مستويات الأمان المتاحة :) http://www.nilemotors.net/Nile/images/icons/icon14.gifhttp://www.nilemotors.net/Nile/images/icons/icon14.gifhttp://www.nilemotors.net/Nile/images/icons/icon14.gifhttp://www.nilemotors.net/Nile/images/icons/icon14.gifhttp://www.nilemotors.net/Nile/images/icons/icon14.gifhttp://www.nilemotors.net/Nile/images/icons/icon14.gifhttp://www.nilemotors.net/Nile/images/icons/icon14.gifhttp://www.nilemotors.net/Nile/images/icons/icon14.gifhttp://www.nilemotors.net/Nile/images/icons/icon14.gifhttp://www.nilemotors.net/Nile/images/icons/icon14.gifhttp://www.nilemotors.net/Nile/images/icons/icon14.gifhttp://www.nilemotors.net/Nile/images/icons/icon14.gifhttp://www.nilemotors.net/Nile/images/icons/icon14.gifhttp://www.nilemotors.net/Nile/images/icons/icon14.gifhttp://www.nilemotors.net/Nile/images/icons/icon14.gifhttp://www.nilemotors.net/Nile/images/icons/icon14.gifhttp://www.nilemotors.net/Nile/images/icons/icon14.gif
أولا أنا سعيد جدا بالحوار معاك يا جميل
ثانيا ........ شكرا على أسلوبك في الحوار
ثالثا ...
تعليقي على موضوع المازدا
غبور يا عسل مركز مجهوداته في الهيونداي اللي محققة مبيعات خرافية له
و مازدا بالنسبة له ........ لا شئ
و تعيش أي شركة محترمة تبيع منتجاتها بسعر معقول و جودة عالية
و شكرا مرة أخرى
حوار ال Ebd ده انا لما نزلت البورشور ملقتش مكتوب فيها Ebd و تاني حاجة لما اعلنو عليها في الجرنال مكنش مكتوب ان فيها Ebd واظن ان دي مش حاجة هايفة علشان ينسوا يحوطوها