عرض للطباعة
ايه رايكم في العربيه دي: e36 316 موديل 99 مواصفات اوروبيه وارد الخارج"كانت معاقين وهاينتهي الحظر بتاعها الشهر الجاي .......عامله 90 الف كم وفابريكه دواخل كامله اتوماتيك
المفروض سعرها في حدود كام؟؟؟
وياريت اسعار قطع الغيار او ارقام تليفونات حد بيبيع قطع غيارها في القاهره
....وهل هي افضل ام نيسان تيدا 2007 كامله بلس عامله 38 الف كم
علما بان الاتنين في حدود نفس السعر....
بص يا باشا البى ام تكسب طبعا فى الركوبه كانك راكب طيارة و قمه فى متعه القيادة كان معانا واحدة من 5 سنين و كانت 95 و جبنا 140 على الثالث و ثابته جدا جدا جدا جدا و عضمها ناشف جدا عربيه امينه جدا على الطريق بس مقعدتش معانا غير اسبوعين و بعناها جالنا مكسب كويس بعناها المهم مساؤها اسمع ان قطع غيارها غاليه مش مش الغلاء الفاحش يعنى مش هتوصل لاسعار الكورولا الجديدة و السيفيك كقطع غيار و مش رخيصه زى اللنوس و الفيرنا و اللنسر كريستاله هى فى الوسط بينهم العربيه الكنبه بتاعتها ورا ضيقه حبتين ممكن دا يكون عيب فى الاسرة عندنا عشان احنا من الاوزان التقيله --- النيسان معرفش عنها حاجه بس انا ركبت صنى 2009 مدخلتش فى زمتى ب 3 شلن عفشه ناشفه موتور صوته عالى سحب عادى كرسى مش مريح بتفكرنى بالانوس شكل عادى اما التيدا متهيقلى مش هتبعد كتير عن الصنى غير فى الشكل خليك فى البى ام و خاصه انها عامله 90000 يعنى زيرو بالنسبه للبى ام اما لو التيدا عامله 60000 اعتبرها متهانه و عايزة التوكيل
والله النيسان احسن انا كام معايا واحده عربيه ممتازه سحب جامد جدا واسعه جدا جدا فخامه داخليه بس قطع الغيار غاليه وهي احسن من الصني مليون مره
شكرا للرد في انتظار اراء اعلام البي ام في المنتدى
بص حسب انت بتحت اية
انا رأى انك ممكن تجيب عربية مش غالية اوى ( لانوس مثلا ) و تكون بتحبها اوى احسن من انك تجيب عربية اغلى شوية ( صنى مثلا ) و مش بتحبها
انا رأى كدة
اهم حاجة انك تكون بتحب العربية و مستريح لها
بالنسبالى انا نفسى فى E36 Coupe مانيوال و سعرها فى حدود ال 100 الف لو حالة ممتازة بالنسبالى اجيبها و مجيبش كروز جديدة مثلا او اى حاجة جديدة فى نفس الفئة السعرية
بس انا عارف لو جبتها انها اكيد عمرها اكتر من الحاجات الجديدة و بالتالى نسبة ان يحصل فيها مشاكل اكبر ( نتيجة العمر الأفتراضى لبعض الحاجات ) بس انا حستحملها و حبقى مبسوط و انا راكبها
فا نفس الكلام بالنسبة لك
ممكن التيدا تبقى اريح و بتجرى احسن شوية و تبقى افضل و لكن لو انت بتحب ال BMW حتجيبها
انا رأى لو عاوز ال BMW يبقى تكشف عليها كويس اوى و تتأكد انها ان شاء الله حالتها ممتازة و تتوكل على الله
و مبروك مقدما