اسد عجوز ولا قرد بصحته

**keko** · 04-01-2011 06:55 AM

السلام عليكم
دلوقتى انا محتار فى اختيار سيارة فى حدود 10 ل 15 الف طبعا اللادا كانت اول اختيار بسبب عمليتها والتوافر الشديد لقطع غيارها وانا طبيعتى تحتاج لحاجة تتحمل وبلاقى حاجات فى الحدود دى وموديلات عالية كمان ثمانينات وتسعينات بس بصراحة فيه عربيات بشوفها بتخلى ريقى يجرى لانى اتفاجات مثلا بمرسيدس خنزيرة 77 من 13 ل 18 الف وال504 79من 10 ل 20 الف وبى ام 316 82 ب 15 الف و ماذدا 323 80-84 من 10 ل 15 وهوندا سيفيك واكودر 80-86 من 10 ل 17 الف وحاجات كتير بالنظام ده والحالات جيدة بوجه عام ولاننى من اسكندرية فاليابانى مالهوش سعر عندنا بس المشكلة دلوقتى انى لسة طالع من عربية خسرت بالظبط 80 % من ثمنها ومتعقد وخايف اتورط وشايف اللادا حتى لو طلعت مقلب سهل تتلم ويتصرف عليها ااجى ابص عل دول اقول يا سلام يعنى اركب يابانى او المانى بنفس الفلوس وقطع الغيار بتعيش يعنى حتى لو حاجة بايظة تستحمل معايا لحد ما تفرج واغيرها ااجى من ناحية تانية اخاف من الاسعار الغريبة فى قطع الغيار والاهم عدم التوافر وكل ما اسال محل على قطع غيار حاجة يقولى كلام عايم فرجاء المشاركة بالراى ولا تبخلوا عليا بالرد واسعار قطع الغيار والتجارب الشخصية مع السيارات لاتمكن من الاجابة على
اسد عجوز ولا قرد بصحته ؟؟؟؟

**ahmed76** · 04-01-2011 08:18 AM

قرد بصحته
لان الاسد هاتصرف عليه علاج كتير جدا لغايه ما يقدر يقف على رجليه وممكن يموت منك كمان

**misoalex** · 04-01-2011 08:28 AM

المشاركة الأصلية كتبت بواسطة ahmed76

قرد بصحته
لان الاسد هاتصرف عليه علاج كتير جدا لغايه ما يقدر يقف على رجليه وممكن يموت منك كمان

هههههههههههههه كنت حقول كده

يا كريم خليك فى القرود مهو الجبلايه مليانه قرود بتننط قدامك

وبعدين القرد ممكن تضحك عليه بموزه ولا حبه سودانى
لكن الاسد مش بياكل غير اللحمه وانت عارف ازمه اللحمه واسعارها وصلت لكام

**yahiahelaly** · 04-01-2011 09:06 AM

الأسد لما يكبر القرود بتنطط على قفاه

**keko** · 04-01-2011 05:34 PM

هههههههههه

**mahmoud_anwar** · 04-01-2011 07:05 PM

ياعم دي كلها عربيات عايزه علاج
بس خليك في البي ام الشارك كانت معايه عربيه ممتازه جدآآآآآآآآآ بس عربيه تحب العب تسقيط والشغل ده
وثبات ملهوش حل ومابتكلش بنزين خالص
بس بيني وبينك انا شايف انك تحوش ال10 الف لغايه لما ربنا يكرمك وتجيب حاجه حيثه العربيات دي بتجيب الشلل اعطال وعربيات بتتعالج وكمان عربيات بتحب تنتحر يعني تلقيها مره وحده وانتا ماشي تقوم ريحه ونطه في شجره هههههههههههههه ولا عمود اصلها عملتها معايه