ممكن يا جماعه نعمل زى رحله كده تقريبا نروح نكتشف البلد وايه نظامها هناك
ولو لاقينا فعلا المكان والحياه هناك كويسه ممكن نطلع مجموعه سوى عشان حتى مانحسش بالوحده هناك
ونبقى ايد وحده ونساعد بعض
انا عن نفسى مستعد اروح اشوف ايه الاخبار هناك
عرض للطباعة
ممكن يا جماعه نعمل زى رحله كده تقريبا نروح نكتشف البلد وايه نظامها هناك
ولو لاقينا فعلا المكان والحياه هناك كويسه ممكن نطلع مجموعه سوى عشان حتى مانحسش بالوحده هناك
ونبقى ايد وحده ونساعد بعض
انا عن نفسى مستعد اروح اشوف ايه الاخبار هناك
توكلنا على الله
عايزين نتصل ببعض علشان نقدر نرتب
ايه الى ممكن نعملو معا بعض بخصوص السفر
وزى منا شايف كده أحنا بالترتيب
1- أستاذ مودى أبو حلوه ألأسكندريه
2- أستاذ الباشا 009 تليفون 0105240804 طنطا
( أعتقد أن أستاذ الباشا فى السودان حاليا ) ربنا يرجعو بالسلامه
3- اخوكم حماده عزو تليفون 0122807139 طنطا
4- م محمد مختار الجيزه
ألف شكر ليكم يا جماعة\ز
\اولا \انا هنا في مصر دلوقتي وتحديدا في القاهرة علشان كنت في أجازة وكمان كنت بخلص شوية ورق.
بالنسبة لمصاريف السفر فهي كالأتي:
1-مصر للطيران.
2-الكينية.(أفخم وأكبر طيارة بتروح السودان)
3-الأثيوبية.
4-السودانية.(مواعيدها ضايعة تماما من ساعت مخصخصوها وبقيت بتاعة واحد خليجي)
5-العربية للطيران(وده المفضله ليا علشان بعمل ترانزيت في الإمارات)
أول 4 شركات طيران مباشر من القاهرة للسودان.
الخامسة لازم تعمل ترامزيت في الشارق في الإمارات.أنا بفضل أروح بيها لسبب إن طيران العربية بيقدم خدمة للركاب هي تأشيرة 96 ساعة.وده بإختصار لو إنت ترانزيت في الشارقة لأكتر من 12 ساعة من حقك تاخد تأشيرة دخول للإمارات كلها لمده أقصاها 96 ساعة يعني 4 أيام.و|أنا بعمل كده دايما علشان أزور قرايبي في الإمارات أو لو عندي شغل في جبل على.
الأسعار كلها بتتراوح من 2500 جنيه لحد 3200 بالكتير رايح جاي (round trip).
بالنسبة للسكن هناك بيتراوح من 30 دولار في اليوم لحد 85 دولار.(معلش يا جماعة مش هقدر أستظيف العدد ده كله هناك لأن أنا قاعد ضيف على خالي أصلا هناك:)) بس طبعا من قبل ما نسافر من هنا هكون مرتب الحجز لكل الناس.وشخصيا أنا بفضل الفندق أبو 85 دولار لأنه تحفة جدااا وكان فول بورد(فطار وغده وعشاء ومشروبات طول اليوم مجانا وكل الخدمات المتاحة وجيم ونادي وكله)وعلى فكرة الفندق ده بتاع واحد من جنوب إفريقيا كان في قوات حفظ السلام في السودان وقدم إستقالته وفتح الفندق ده وبيفتتح مجموعة قريبة جداا(ده من انجح المشاريع هناك).
مش هقدر أقول بقيت المصاريف للشخص كام لأني مش عارف إنت ممكن تحتاجة ايه بالظبط.فممكن تسألوني في الحاجات وأنا أجاوب
وتحت أمر أي واحد فيكم في أي وقت
أنا هسافر تقريبا نص الشهر إن شاء الله
الله ينور - ربنا يوفقكم للخير
أرجو الإهتمام إلى بعض النقاط ، الرحلة سوف تتكلف مصاريف سفر وإنتقال ، شخصياً أُرشح لكم السفر بالطائرة إلى الخرطوم لمشقة الطريق البرى وطول المدة الزمنية وتقارب مصاريف السفر فى الحالتين (2 - 3 يوم بعربية ، بنزين وأكل وشرب ولازم تبقا عربية قوية ممكن يكلفوك تقريباً تكلفة الطيارة وهى تزيد قليلاً عن 2000 جنيه ذهاب وعودة) أو الذهاب بطريقة والعودة بطريقة أخرى
السفر إلى مكان بدون معرفة سابقة أو صديق فى إنتظاركم معناه تحمل تكلفة الإقامة كاملة والتنقلات الداخلية لذلك يلزم الإستعداد لهذا تماماً والإستعداد للتضحية بمبلغ من المال فى سبيل جمع معلومات معينة والبحث عن فرص قد تثمر عن نتيجة أو لا شئ .
أنصحكم بمطالعة أخبار السودان لفترة من الوقت أولاً قبل قرار السفر ، عن طريق البحث عن مواقع للجرائد السودانية أو منتديات الأخوة السودانيين أو مجموعات الياهو مثلا أو مواقع حكومية (إن وجد) خاصة بفرص الإستثمار وموقع هيئة (مييد) الدولية الخاصة بإقتصاديات الشرق الأوسط www.meed.com ، وذلك لمدة شهر على الأقل لتجميع الصورة قبل قرار السفر ، وممكن إضافة أصدقاء من السودان عن طريق برامج الشات آى سى كيو ، سكاى بى ، فيس بوك .... وسؤالهم عن أى معلومات مفيدة مثل متوسط المرتبات للوظائف المختلفة ، أسعار البنزين والديزل ، أسعار بعض الأصناف ، أسماء الفنادق الرخيصة فى الخرطوم ، ويمكن إذا تم عمل صداقات قوية أن يتم إستضافتك أو على الأقل إرشادك حين الوصول بواسطة الصديق الذى تعرفت عليه على الشات
طبعاً ضرورة معرفة إن المناخ حار الآن فى السودان ، عند السفر يفضل تحويل أموالك إلى الدولار الأمريكى لسهولة صرفه فى أى مكان ، وضرورة معرفة أنه عند العودة من السودان يطلب منك إبراز شهادة التطعيم الخاص بالحمى الصفرا ، وممكن أخذ التطعيم من مكتب الصحة الموجود بمجمع الجيزة فى شارع المحطة بمقابل بسيط وتأخذ شهادة بالتطعيم وصلاحيته 10 سنين (ملحوظة هذه الشهادة غير متوفرة فى فاكسيرا الموجود بالدقى)
أنصح بأن يبدأ كل واحد من المتحمسين للسفر بتكوين خطة عمل action plan ـ تبدأ بجمع المعلومات من هنا كمرحلة أولى ، ثم بناءً عليه يتخذ قرار السفر بالطريقة المناسبة وفى الوقت المناسب على ضوء المعلومات التى جمعها ، وطبعاً لا تنسوا مشاركة ونشر معلوماتكم للجميع فى هذه الصفحة
وربنا يوفق
شكرا يا أستاذ سامح تاني على المعلومات ده:
فعلا لو هتسافر من مطار القاهرة محتاج الشهادة ده وممكن تاخد التطعيم (ثلاث حقن) من مكتب في مطار القاهرة أيضا.لكن لو على العربية للطيران من مطار الإسكندرية مش محتاج الشهادة ده لأنك أصلا بتبقى جاي من الإمارات.
مفيش أي فيزا ولا أي حاجة مطلوبة خالص غير جواز السفر وتصريح سفر من الجيش وبس.
ممنوع منعا باتاااااااااااااااااااااا اااااااااا الذهاب بجنيهات مصرية:)مش ممنوع طبعا بس قصدي إن ملهاش سعر هناك خالص ومش ممكن تصرفها من أي بنك ولا صرافة لذلك لازم تروح بدولار.
ده مشاركة ليا في موضوع قبل كده:
أنا هاحكيلكوم موقف غريب جدااااااااااااااااااااااا ااا.
أنا خالي شغال ضابط شرطة وطلع مأمورية مع فوات حفظ السلام التابعة للإتحاد الافريقى الموجودة في دارفور في السودان.المهم ان هو اتنقل من دارفور للعاصمة الخرطوم من حاوالي 5 شهور.وأخر مرة نزل فيها مصر قبل العيد قالي انت لازم تيجي السودان تشتغل.قولتلوا لأ طبعا أروح السودان ليه يعني هي بلاد العالم خلصت خلاص وكمان أنا عندي شركتي في مصر وشغالة الحمد لله ممتازة ومش محتاج أصلا أسافر.قالي طيب تعال يومين بس زورني واقعد معايا.المهم الموضوع لعب في دماغي وفعلا قررت أني أخود اسبوع زيارة لخالي ده وخالي التاني في الامارات.وفعلا سافرت الجمعة اللي قبل اللي فاتت طلعت على الامارات 4 أيام وطبعا للناس اللي عارفة الامارات عارفين ان 4 أيام يلففوك الامارات كلها وكمان تنام يومين::d:d:d .
وركبت الطايارة ووصلت السودان فعلا وهنا بقى كانت المفاجئة:
البلد هنا ممتازة في كل حاجة وأهلها بقى مشكلة بجد.أقسم بالله العظيم أنا من يوم ما جيت هنا وأنا مش عاوز أرجع تاني خالص ومشش حاصص بأي نوع من الغربة ولا أي فرق عن مصر.والله العظيم الناس هنا من كتر حبهم للمصريين وعشقهم ليها ولأهلها مش بيرده ياخدو مني فلوس.وااله كذا تاكسي وسوبرماركت مايردوش يحسبوني عشان أنا ابن شمال الوادي(الاسم الحركي لمصر في السودان).
المهم أنا عاوز أقولكم اني كنت رافض السفر تماما لأسباب الغربة وان معظم البلاد بيعملونا وحش جدا كمصريين كأننا فعلا شغالين عندهم والبلاد الأجنبية بعملونا وحش عشان مسلمين.بس الوضع هنا في السودان مختلف تماما وفعلا مش حاسس بغربة لدرجة اني بقالي اسبوعين هنا وقررت أني هفتح فرع للشركة هنا وفعلا بدأت الاجرائات من يومين..
اختصار الموضوع ان في بلاد لما تروحها متحسش بالغربة ولا بأي مشاكل في سفرك ليها.
محدثكم من السودان.
مبدئيا انا معاكم بس باريت نروح فى شهر 7 علشان اكون خلصت امتحانات الكلية وابقى فاضى وعلشان كلكم كمان تعرفوا تاخدوا اجازات يعنى بنقول من اولها واستاذ حمادة عزو انا حكلمك قريب انا فى كلية حقوق طنطا بس انا مبروحش الا قليل قوى بس اول لما حروح حديلك تليفون وياريت لو اعرف اقابلك على فكرة اسمى مودى ابو حلاوة :o
انا شفت الموضوع متأخر جداً يا جماعه .... كان نفسى اشاراك من الاول ....
انا جيت السودان فى 2005 و2006 كزياره كل مره لمدة شهر او شهر ونص كنت بانظم مؤتمرات دوليه عن الاستثمار فى السودان بالتعاون مع الحكومه هنا وخصوصا وزاره الاستثمار ...... وطبعا مهمتنا كمنظمين اننا نجيب اكبر عدد من المستثمرين الاجانب مع اكبر عدد من المشروعات ...... وحالياً انا مقيم فى السودان بصفه دائمة من سنه وشهر :) :)
انا مدير تنفيذى لأحدى الشركات المصريه لنقل البضائع فى السودان وبالتالى انا لفيت البلد حته حته (وده بدون مبالغه) مع تركيز كبير على الخرطوم وبورسودان (القاهره والاسكندريه بتاعة هنا) وطبعاً بحكم شغلى وعلاقاتى اقدر افيد فى الموضوع ده
طيب .... فى الـ 3 صفحات اللى فاتوا قريت كتير من "الآراء" و"الإنطباعات" و"الشواهد" بعضها سليم وكتير منها مع الأسف لأ .....طبعا انتو عارفين ان اللى سمع غير اللى شاف .... انا بصراحه عايز افيدكوا كلكوا انما مش عارف ابتدى منين ... انتوا فتحتوا مواضيع كتيييييره قوى من أول التطعيم لحد الاستثمار ... وانا فى حاجات كتيره عايز انبهكوا ليها علشان تختصر مسافات عليكو ومش عارف اعلق على ايه وللا ايه بصراحه
انا باقترح (لو حابين) نجمع شويه اسئله كده وارد عليها بالتفصيل من خلال تجربتى وللا تفضلوا اعلق على مشاركه مشاركه؟ (بس دى هاتبقى قاتله بصراحه :) :) :) )