النهاردة الصبح نزلت لقيت كف المرايا اليمين مسروق
محدش يعرف تمنها كام والاقيها فين انا بتصل بالجندى محدش بيرد
الحمد لله ان القاعده والموتور سلام
العيشه فى البلد دى بقت تغيييييييييييييييييييظ
النهاردة الصبح نزلت لقيت كف المرايا اليمين مسروق
محدش يعرف تمنها كام والاقيها فين انا بتصل بالجندى محدش بيرد
الحمد لله ان القاعده والموتور سلام
العيشه فى البلد دى بقت تغيييييييييييييييييييظ
معلش ياباشا هى دى بلدنا
قدر الله وماشاء فعل وقضى اخف من قضى
حاول مع الجندى تانى وربنا يسهلها عليك
في واحده زميلتي في الأسكندريه المرايا بتاعة عربيتها الجين 2 اتكسرت والناس دلوها علي واحد عند كلية طب تقريبا بيعمل قزاز المرايات زي الأصلي بالظبط بالأبعاد وزميلتي ركبتها ب40 جنيه وبتقول مفيش اي فرق
هاقول أيه بس
الناس بأت على استعداد تعمل أى حاجة
يعوض عليك ربنا
ب 100 او ب 120 جنيه عند الجندى
و حضرتك في القاهره في واحد جنب الحرية مول بيقص مرايات لاي نوع عربية ب 50 جنيه وانا عملت عنده قبل كده والحقيقه متفرقهاش عن الاصليه
لو عايز تفاصيل او تلفون ممكن ابعتهولك عالخاص
تحياتي
فى التوكيل ب100 جنيه
و اتسرقت منى مرتين فى اسبوع واحد
ركب انذار و ارفع حساسيته و غطى العربية و خليها فى جراج أو فى مكان اضائته كويسة
و الله خيرا حافظا
متشكر يا جماعه على الردود
ده طلع واحد ابن تيييييييت لم كل مرايات السيراتو فى المنطقه وفى عربيات شفتها شال منها المرايتين مش واحده
بس بجد الانسان ده انا بدعى عليه ومش مسامحه وهختصمه يوم القيامه قصاد ربنا عشان معندوش احساس
هما فاكرين كل اللى معاهم عربيات قاعدين على بنك فلوس والله العظيم بفكر اكتب ورقه زى بتاعت للبيع واكتب عليها والله جايبها قسط ولسه عليها 4 سنين
انا سألت فى الجندى قالى خلصت وب 120 روحت التوكيل فرع روكسى قالى ب 110 ومش موجوده تعالى كمان يومين فى الاخر لقيتها اصلى عند واحد فى شارع دمشق جنب مكتبه ابراهيم قالى ب 140 اخدتها ب 130 بعد فصال قلت مش مهم 20 جنيه بدل ما امشى يومين من غيرها عشان بجد بيجيلى حول وتهيئات وانا ماشى من غير مرايات
حسبي الله و نعم الوكيل
انا كمان يا رجالة اتسرق مني المرايتين عند المريلاند امبارح
خدوا بالكم يا جماعة واضح ان الموضوع منتشر قوي
انا اتسرفت مني و جبتها من التوكيل في روكسي ب 105 او 110 في الحدود دي وربنا يعوض عليك