الموضوع: مين اللي من حقه يشوف أو يسحب الرخصة

انهاردة حصل معايا موقف لذيذ وغريب.
كنت ماشي بالعربية على الكورنيش عند اشارة القصر العيني. اتجاه المعادي.
المهم وانا ماشي لاقيت عسكري راح مشاورلي ومعدي من قدام العربية. المهم استنيته لما عدى ولسة هاتحرك بالعربية راح قايلي اقف. قولتله انت بتعدي ولا بتوقف الاشارة قالي لأ بوقف الاشارة. قولتلو طب ماشي. راح قايلي اركن على جنب وطلع رخصك. المهم ركنت وطلعتلو الرخص ورحت نازل رحت للبيه الكبير مش فاكر رتبته ايه قالي انت كسرت الاشارة. قولتله انا متحركتش 20 سم ووقفت ابقى كدة كسرت الاشارة قالي اه. قولتلو خلاص اعملي مخالفة كسر اشارة قالي لأ ما هي فيها سحب رخص قولتلو خلاص اسحب الرخص بس انا ما كسرتش الاشارة. قالي طب خلاص نخليها مخالفة حزام. قولتلو اسأل العسكري اذا كنت رابط الحزام ولا لأ وعموماً عاوز تعملها ربط حزام اعملها. قالي طب خلاص واداني الرخص ومشيت.
اعتقد انه كان مستني اللي فيه النصيب. بس بعينه الاشكال ديه عمري ما هاديلهم فلوس حتى لو انا غلطان. ثانياً الاشارة باين عليها مش شغالة لأنها مانورتشي لا احمر ولا اخضر ولا اسود حتى.
مش عارف ايه نظام الصباع بتاع العسكري اللي بيشغل بيه الاشارة ده ولو انت ما خدتش بالك تبقى انت المذنب.
انا اتحرق دمي انهاردة والله لما بيقولي مخالفة حزام. انا عمري ما بركب العربية الا لما بربط الحزام وبحاول اكون ملتزم على قد ما اقدر وفي الاخر عوزين يتبلو عليا بأي حاجة وخلاص. حسبي الله ونعم الوكيل

المشاركة الأصلية كتبت بواسطة مدحت منيب

لحد دلوقت ما عرفناش ايه اجابة السؤال المهم اللى بسببه دخلنا نقرا كل

الاستظراف ده !!

مش فاهم حضرتك تقصد ايه !!!