السلام عليكم
اخي العزيز .... هو لو قلقك من ناحية الكراسي الامامية ... يبقي متقلقش خالص ان شاء الله
انا برده طولي تقريبا 180 او اكتر وكمان عريض .... هي القعدة كويسة بس مش هاتحس ان الكرسي حضنك كده الا لما تظبط الكرسي وده الميزة اللي فيه (ان فيه بكرة ممكن ترفع منها الكرسي او تنزله) وترجعه قدام او لورا وكمان الدريكسيون بيتعدل يترفع فوق وينزل تحت
هي كانت هتبقي تحفة لو كان في سنه كمان لورا .......... انا جايبه لاخره هههههه
بس بصراحة اللي قاعد ورايا راح خالص ممكن يركبوا اطفال صغيرة بس :))
بس لو جيبت العربية اوتوماتيك هاتفرق معاك كتير ..... هو الفرق بس انك في المانويل محتاج حرية اكتر علشان الدبرياج
انا جربت البولو والصني ب\طبعا .
البولو بصراحة تحس ان الكرسي حضنك كده لكنه كرسي طيارة وكان فعلا الكرسي ليه مساحة كبيرة يتحرك فيها
الصني لو واحد طويل فعلا هايبقي محتاج يظبطها ...... انصحك جاااامد انك تجربها حتي لو هاتسوقها يومين ولا حاجة ...!!!!
بس برده مش لدرجة ان رجلك تخبط في الباب .
والدريكسيون ماشاء الله عليه .... جميل لا صغير ولا حاجة .... بالعكس اوي .... كبير وواضح اوي وابعاده بالنسبة للعربية جميل ماشاء الله
وممكن تجيب طبعا من المراكز المعتمده بتاعة نيسان حتي لو في مكان ارخص منه
السبع ... مودرن ايجيبت ... اوتو ايجيبت ... الاتحاد الوطني
انت فين في القاهرة واقولك اقرب معرض بالنسبة ليك ايه ان شاء الله
واخيرا طبعا ........ الموضوع ده هايفيدك جدا وهتلاقي فيه كل خبرات الاعضاء المحترمة اللي هنا
http://www.nilemotors.net/Nile/163656-a.html
وربنا ييسرلك الحال ومتنساش الاستخارة طبعا
المفضلات