الموضوع: الحمد لله رخصت علي خير وتفاصيل ترخيص المستعمل

الحمد لله الناهرده رحت المرور الساعه 8.5 الصبح قلت عشان الروقان ومحدش يرخم علي
رحت شايل الستاره الخلفيه وستاره من الجنب اللي مش من نحيه المهندس يعني اللي قدامه مشلتهاش
والحمد لله ده حتي مقمش من علي الكرسي
المهم رحت جبت ورقه فحص 12.2 مع شفلنا فكه بقت 15 جنيه
رحت رفعت البصمه ومبروك 5 جنيه وجبت ورقه الطفايه انها سليمه مجانا
رحت للمهندس مضي وقالي معاك مثلث المرور قلت له لا قالي هاته وروح اكشف علي الشاسيه
رحت واحد فتح الكبوت وقفله تاني وشكرا وجبت المثلث ب 75 جنيه ومعاه شنطه الاسعاف طبعا كله نصب في نصب بس الواحد كان مستعجل
ورجعتله تاني ومضي ودخلت للظابط مضي ومشيت رحت الجزء بتاع القرف والطوابير
اشتريت ورقتين انشا وتصوير البطاقه والرخصه صورتين 5 جنيه
7.5 جنيه طوابع شرطه +دوسيه 6 جنيه
التامين الاجباري سنتين 219 جنيه
الضريبه الاتاويه علي العربيه 480 جنيه سنتين +15 جنيه دمغه واستماره
العسكري اللي جابلي الملف 5 جنيه اصطباحه
عم احمد اللي طلع بالملف عشان يطابقه مع الفحص 5 جنيه وقالي متعنفعش خد كمان 5 جنيه
الست اللي في الشباك بعد مااخدت الورق كله قالتلي روح اثبت اللوح وبعدين عند الكومبيوتر هيندهو عليك
وفعلا بعدها بساعه ونص واقف اسمي اتقال وبس خلاص
وعلي فكره انا كنت عايز ارخص 3 سنين بس الرخصه كان باقي فيها 5 شهور والست قالتلي اعمل سنتين وهنضيف عليهم ال5 شهور يبقي اجمالي المصاريف

15 + 5 + 75 + 5 + 7.5 + 6 + 219 + 480 + 15 + 10 = 837 تقريبا قابله للزياده حاجات بسيطه لو نسيت حاجه
وركبت الستاير تاني وكله تمام التمامودلوقتي بس حسيت ان العربيه بتاعتي

الله يباركم فيكم جمعيا يارب ويكفينا ويكفيكم شر العربيات ويدينا جميعا خيرها يارب