يا جماعة كل ماغسل العربية مرة وتنين وتلاتة برضه بعد ماتنشف الاقيها جيرت وبقت ملحوسة أوي
أعمل إيه جربت شامبو وويندكس - أنا بشوف عربيات ماشية بتلمع - بصراحة هتجنن
عرض للطباعة
يا جماعة كل ماغسل العربية مرة وتنين وتلاتة برضه بعد ماتنشف الاقيها جيرت وبقت ملحوسة أوي
أعمل إيه جربت شامبو وويندكس - أنا بشوف عربيات ماشية بتلمع - بصراحة هتجنن
العر بيه لونها اسود ولا ايه
نفس الحكاية برضه العربية لونها نبيتي و بتتلحوس
هو حضرتك بتغسلها إزاي؟
المفروض إنك تجيب جردل المياه و تحط معاه المنظف و فوطة و بعدين تمشي بالفوطة المبلله على جسم العربية و ماتسيبش حته
و بعدين تشطفها كويس بمياه نظيفة و بعد كده تنشفها بفوطه ناشفة (غير الأولى يعني)
بس كده
لازم الفوط اللى هتنشف بيها ميبقاش فيها تراب
وكمان تنشف كويس لو منشفتش هتلاقى المياة عاملة بقع املاح مكانها
اول حاجه تتغسل بمياه فقط
بعد كده مياه مع صابون وفوطه وتدعك العربيه كلها متسبش مكان
بعد كده تشطفها بميه فقط شطفه جامده
بعد كده تجيب الفوطه وتنشفها بأيدك حته حته وتعصر وتنشف
شامبو رابيدو
ب 5 جنيه فى كارفور
علبة تكفى 3 غسلات
شامبو جونسون للاطفال
أعتقد لو لفة على العربية بالواكس (الشمع) بعد الغسيل هتخليها مراية وتنسى التجيير لشهرين تلاتة قدام.
متابع .... كل عام وانتم بخير
عتقد لو لفة على العربية بالواكس (الشمع) بعد الغسيل هتخليها مراية وتنسى التجيير لشهرين تلاتة قدام.
http://www.nilemotors.net/Nile/Arabi...-bot-right.gif
طيب إزاي أستخدم الواكس دة بعد غسيل السيارة
العربية بتتغسل ، وتتنشف ، والواكس ده عبارة عن كريم معاه سفنجة أو سبراى ، يا إما بتحط الكريم بالسفنجة أو بترش السبراى على العربية كلها ، فى خلال 10 دقائق تقريباً الواكس بينتشف وبيسيب أثر أبيض ، بتجيب فوطة قطن ناعمة وناشفة ، وتمسح الأثر الأبيض ده كويس .. هتلاقى فرق كبير بين لمعة العربية قبل وبعد الواكس ، بالإضافة أن مش هيحصل تجيير لفترة طويلة وأى تراب على العربية هتلاقيه بيتمسح بسهولة (الفوطة بتجرى على الصاج)
ملحوظة: يستخدم الواكس على العربية جزء جزء مش العربية كلها مرة واحدة ، يعنى مثلاً تاخد الرفرفين الأماميين والكبوت وبعد كده تمسح ، ثم جزء آخر وهكذا.
الواكس عايز شوية وقت
تعمله بتاع 3 ساعات دعك فى العربية
شامبو جونسون للأطفال
الكيس بــ 25 قرش
أو الشمع وده أحسن طبعاً زى ماقلوللك الأخوة