اقتراح شراء قطع غيار دايو جملة
السلام عليكم يا شباب
دي كانت فكرة زميل لينا في المنتدي وكانت عجبتني فقلت اطرحها عليكم بما ان قسم الدايو اكبر قسم من حيث الاعضاء في المنتدي (تقريبا مش متأكد)
ده رابط الفكرة:
http://www.nilemotors.net/Nile/190605-a.html
ياريت تقولوا ايه رايكم وممكن تعمل ولا لا وخاصة ان كلنا بنعمل صيانات دورية وده هيقلل تكاليف قطع الغيار جدا
يعني مثلا اذا كان كل واحد هيعمل صيانة ال 40 في شهر واحد مثلا ايا كان اليوم فنعمل موضوع "قطع غيار لصيانة ال 40" ونتجمع كلنا ونجيب قطع غيار ونكون متفقين علي النوع علي قد ما نقدر وفي نفس الوقت لو واحد عايز قطعة من اللي موجودة في الصيانة او مش موجودة برده يقول ويتجمع في نفس اليوم
الموضوع بس عايز ترتيب وتفكير
فكروا وياريت تقولي ارائكم عشان ده هيوفر عليكم انتم...واللي يعرف فرق اسعار الدايو بالنسبة للجملة والقطاعي يقولنا ايه الاخبار
علي فكرة مش هنتكلف كتير في موضوع المقابلة بالنسبة للي هنكسبه..لان الواحد فينا كده كده بيروح لمحل معروف عشان يشتري حاجته وممكن يكون بعيد جدا عن مكان اقامته
يعني انا من عين شمس وكنت عايز اروح فيصل والدقي عشان اعمل صيانة للعربية
