السلام عليكم
ارجو الإفادة فى المقارنة بين كيا بيكانتو او اوتس بريم من حيث الافضالية فى الاداء و قطع الغيار و التوكيلات و التجارب الشخصية
ولكم جزيل الشكر:11:
عرض للطباعة
السلام عليكم
ارجو الإفادة فى المقارنة بين كيا بيكانتو او اوتس بريم من حيث الافضالية فى الاداء و قطع الغيار و التوكيلات و التجارب الشخصية
ولكم جزيل الشكر:11:
ممكن ازود حيرتك شويه وازود عليهم اى 10 وسبارك
لا نوجد حيره شكرا على مرورك
ولكن انا مش مقتنع بالاسبارك خالص و كذلك الشكل الخارجى لل i10
و اكون شاكر لو هنالك من يفيد اكثر
انا قريت موضوع عن الاتوس فى قسم هيونداى ان اسعار قطع الغيار عالية جدا يعنى ادخل شوفه لو تحب
بس بيكانتو فى كتير بيشكرو فيها
فعلا انا قرأت الموضوع بس دى كانت حادثة على ما أظن لذلك كانت اتكلفة كبيرة بالنسبة لعربية لسه جديدة برضو فى السوق
حرام المقارنة أكيد بيكانتو لإن الأتوس الشيء الي يميزها عن البيكانتوا إنها هيونداي يعني إنتشار وقطع غيار رخيصة لكن ده حصل في كل الهيونداي معادا العربيه ديه مش منتشرة خالص البيكانتوا تكسب بإكتساح
شكرا يا باشا
بس على ما اظن ان العربية لسه جديدة ودا الى مخليها اقل انتشار و كذلك وجود موديلات شبيها بنفس الامكانيات مثل i10 ولا ايه رأيك
بيكانتو انتشرت اوي وكمان اسعار قطع الغيار في الحنين
لا هيا غير القديمة طبعا زى مانت قلت
انا سألت جديدة ليه ؟؟؟
لان اعرف انها بتنتج بقالها كذا سنة
من 2009 او قبل كدة
المهم
انزل شوف البيكانتو وشوف الاتوس
لان البيكانتو من جوة اشيك بكتير
http://www.nilemotors.net/Nile/6590-a.html
http://www.nilemotors.net/Nile/11515-a.html
بس لاحظ انهم قدام شوية
فيه سوزوكى شبه البكانتو انا ركبتها جميلة جدا
وفيه جيلى بندا الاتوماتك الكاملة حوالى 55 الف - انا شوفتها (جنوط اسبور ) بصراحه شكلها وهمى وصاجها محمل
وبشفها كتير اسال اللى اشتراها عن اداءها وقطع غيارها واعطالها
وبصراحة كعربيه انا مقتنع اكتر بال i10 شوفت كذا واحد مركبلها جنط 14 سبور شكلها وهمى وكمان اكيد الثبات
ومشبحب البيكانتو خالص
بيكانتو افضل كتيير
الاتوس فيها مشكلة ثبات و قطع غيارها غير منتشرة دا غير ان البيكانتو اوسع من جوة و العربية نفسها اعرض و ثباتها ماشاء الله تمام و قطع غيار منتشرة و اعادة بيع ممتازة
اعمل استخارة و ربنا يوفقك ان شاء الله
البيكانتو أفضل بمراحل
شكرا للمرور و الاراء التى تم اقتراحها و لكن سوزوكى يابانى المفترض و علية قطع غيار مقولش و الباندا صبنى يا عالم بيها
بيكانتو افضل كتيير
ربنا يوفقك
انا هقولك على حاجة واحدة بس...
البيكانتو مبنيه بالكامل (وهى فئة الmini) على شاسيه الجيتز (فئة الsuper-mini).. وده مخالف للطبيعى... كان مفروض تتبنى على شاسيه الi10...!!!
وعلشان كده ثباتها افضل من الi10 وقد يكون افضل من الجيتز نفسها..لأن موتورها اهدى من الجيتز الثائرة..علشان مش معمول حساب قوته فى التصميم.. كعاده الهيونداى
وابعد عن الأتوس ... لأن تاريخها فى الثبات والأمان والصاج الورق سىء ومعروف+ قطع الغيار
وبردو ابعد عن السوزوكي السيلاريو ال3 سلندردى... التوكيل النصاب يقولك من 0-100 فى 9 ثوانى..؟؟؟؟!!! منتهى الأستخفاف بالناس.. دى البرافو التربو مابتعملش الرقم ده.... وفى الأخر طلع 15 ثانية...!!! ولاد التييييييييييييت:khd:
البيكانتو افضل سيارات فئتها (مع انى مبحبش الكورى... لكنها سيارة جيدة ك over-all)
وربنا يوفقك للأختيار...
The Picanto is based on a shortened platform of the Hyundai Getz
المصدر: Kia Picanto - Wikipedia, the free encyclopedia
Based on a shortened Hyundai Getz chassis, the steering is fairly quick witted and the wheels are diddy 14-inch numbers fitted with tall 165/65 series rubber
المصدر: Kia Picanto Range : PIC and MIX - Yahoo! Cars
اى خدمة.... يا جماعة انا سوقت العربية دى كتييييير (مع 2 من زمايلى فى الشغل)
جوه القاهرة وعلى طريق... زى اسكندرية الصحراوى 500 كم فى يوم واحد...رايح جاى..
Sorry; I am a very "Demanding Driver", not easily satisfied; used on great handling & stability of European cars like Golf & Alfa156
يعنى لما عربية زى دى تعجبنى... يبقى هى عربية كويسة .. الحمد لله :colsmil:
انا استغربت من أداؤها لما سوقتها... وبعد some googling لقيت الحتة بتاع الشاسيه دى... فعرفت ان هو ده السبب+ الأربع عجلات محدوفين لبرا فى آخر ابعاد العربية.. :2003126104835_wrc: