الموضوع: gps xtreem

المشاركة الأصلية كتبت بواسطة askafrawy

مخالف بالنسبة لايه..حرمانية ولا مخالف لقانون المرور بس انا مش بأذى حد بيه دة وسيله تنبيه لاماكن الرادار وتنبيه لتعدى السرعات المقررة وخصوصا فى المسافات الطويلة

بالنسبه للمخالفه هي مخالفه مروريه وفقا لنص قانون المرور الماده 75 مكرر في بندها الأول
و أكيد حرام طبعا مخالفة القانون

و لو هو وسيله لتنبيه حضرتك بتجاوز السرعه يبقي ده خير و جميل كمان لكن كونه تنبيه لأقتراب حضرتك من رادار هيبقي فيه مسائله قانونيه
و للعلم أنا عارف أن الجهاز مستحيل يتفهم أنه بيحدد أماكن الرادارات أو يتعرف و لكن هو مجرد تذكير بالرقابه الذاتيه

و بالتوفيق إن شاء الله

المشاركة الأصلية كتبت بواسطة askafrawy

نظرا لظروف شغلى البتستدعى السفر المستمر لجميع موانى الجمهورية فكانت المشكلة الكبرى على الطريق هى الرادارات الثابتة والمتحركة التى لا استطيع تحديد مكانها حتى لو حافظ المكان لان مع التعب والارهاق فبسرح كتير وانا سايق.من خلال البحث وجدت ملف اسمه سبيد كام لجمهورية مصر العربية وتم دمج ملف سبيد كام مع برنامج ايجو بريمو وتمت تجربة البرنامج خلال الاسبوعين الماضيين على الطرق الاتية:
_ طريق مصر اسكندرية الصحراوى
- طريق القاهرة السويس الصحراوى
- طريق الاسماعيلة القاهرة الصحراوى
- طريق بورسعيد السويس
- محور 26 يوليو
- الطريق الدائري

ومن خلال التجربة تم تعرف البرنامج على جميع اماكن الرادارات الثابتة على الطرق السابقة ولكن حتى الان نظرا لعدم وجود المرور بكثرة وعدم وجود كاميرات الرادار المتنقلة فمش عارف هيتم التقاطها ولا لا
يقوم البرنامج بتحديد مكان الكاميرا على الشاشة وموقعها.وفي حالة اذا تعديت السرعة المقررة يتم انذارك صوتيا وبصريا الى ان يتم تخفيض السرعه للسرعة المقررة الى ان تتعدى مكان كاميرا الرادار
تم رفع البرنامج مع ملف السبيد كام بعد تجربته اكثر من اسبوعين على اللينك التالى
megaupload - the leading online storage and file delivery service

الكبير كبير والله جزاك الله خير على مجهودك انا كنت عايز اعرف حضرتك بتحط الملف ده فين او طريقه تثبيته
اما بخصوص الاخ الى بيتكلم عن حرمانيه الامر فرجاء المراجعه لان القوانين دى قوانين وضعيه واغلبها ليس له علاقه بالشريعه وحتى بالواقع ويتم تعديلها كل يوم وعمليه الامان والسرعه بتدخل فيه الاف العوامل والمتغيرات لاكن موضوع السرعه نسبى لان سرعه 140 بسياره فوكس بها كل وسائل الامان مثلآ اكثر امان من سياره لاده على سرعه 80 وقيس على كده اضائه السياره والكوتش و والفرامل وتلاتين مليون حاجه انا عن نفسى لو مشيت على 100 بزهق واسرح وانام مهما حاولت اعمل اقل سرعه ممكن تخلينى مركز 140 والله يصلح حالنا جميعآ

المشاركة الأصلية كتبت بواسطة ashrafsadany

الكبير كبير والله جزاك الله خير على مجهودك انا كنت عايز اعرف حضرتك بتحط الملف ده فين او طريقه تثبيته
اما بخصوص الاخ الى بيتكلم عن حرمانيه الامر فرجاء المراجعه لان القوانين دى قوانين وضعيه واغلبها ليس له علاقه بالشريعه وحتى بالواقع ويتم تعديلها كل يوم وعمليه الامان والسرعه بتدخل فيه الاف العوامل والمتغيرات لاكن موضوع السرعه نسبى لان سرعه 140 بسياره فوكس بها كل وسائل الامان مثلآ اكثر امان من سياره لاده على سرعه 80 وقيس على كده اضائه السياره والكوتش و والفرامل وتلاتين مليون حاجه انا عن نفسى لو مشيت على 100 بزهق واسرح وانام مهما حاولت اعمل اقل سرعه ممكن تخلينى مركز 140 والله يصلح حالنا جميعآ

و الله موضوع الحرمانيه ما كان موضوعي هو مجرد سؤال ساله زميل و تم التأكد منها و السؤال فيها جيدا و تمت الإجابه
وبالنظر لما يترتب علي تجاوز السرعه المحدده قانونا من حوادث ينتج عنها أشلاء مش مصابين و الأضرار بالغير مممن ليس لهم ذنب يذكر غير أنهم كانوا موجودين في المكان وقت الحادث
و صدقني موضوع تجريم تجاوز السرعه ده مش غتاته من الدوله أو المشرع أو اللي حدد السرعه دي و قال أنها قصوي و مناسبه لظروف الطريق هو مش واضع قوانين و لكن واضع قوانين مستعين بمتخصصين
أما موضوع مخالفة القانون الوضعي من الأساس و عدم حرمانية ذلك فهو أمر لا أساس له من الصحه
أما موضوع أن العربيه الحديثه المجهزه مسموح لها بتجاوز السرعه و التانيه القديمه غير مسموح لها فده تفكير غريب الصراحه و موضوع أن الفوكس مبتعملش حوادث فياريت نلغي الفكره دي من دماغنا لأن العربيات الأغلي منها و الأنضف منها و المجهزه أكتر منها ميت مره بتعمل حوادث بي أم مرسيديس كله مرمي علي الطرق و معجون
أتمني من الله أن يسلم طريقك و طريقي و طريق الجميع إن شاء الله
بالتوفيق