هو سؤال انا معرفش عنه اى حاجه وياريت حد يفهمهونى
يعنى ايه عمرة ونص عمرة وزاى اعرف ان الموتور محتاج اعمله عمرة او نص عمرة؟؟
وتكلفتها كام؟؟:11:
دى مجرد اسألة لانى معرفش حاجه عن الحوار ده خالص
عرض للطباعة
هو سؤال انا معرفش عنه اى حاجه وياريت حد يفهمهونى
يعنى ايه عمرة ونص عمرة وزاى اعرف ان الموتور محتاج اعمله عمرة او نص عمرة؟؟
وتكلفتها كام؟؟:11:
دى مجرد اسألة لانى معرفش حاجه عن الحوار ده خالص
lمحدش عاوز يجاوب عليا :11:
العمرة بتشمل فك الموتور من العربية وخروجة باكملة برة العربية
وتفويرة بالكامل وتغير الاجزاء المطلوبة وبيشمل خرط بعض الاجزاء زى مثلا الاسطونات وعمود الكرنك
اما نصف العمرة بتكون بتغير بعض الاجزاء فى الموتور وهو راكب فى العربية
زى مثلا تغير طقم الشنبر بتاع البساتم
عمرة الماتور هى عملية يجرى فيها إعادة تجديد الماتور و تجديد الاجزاء التالفة منه نتيجة الاستخدام عن طريق استبدالها بقطع جديدة أو خراطة بعض الأجزاء الأخرى التالفة ومنها تركيب بساتم وسبائك جديدة وذلك بهدف أعادة الماتور الى حالة المصنع ومنها أيضا صندوق التروس او الجيربوكس او الفتيس ايضا يتم عمل عمره له بتغيير التروس باخري
ونص العمرة هى عملية يجرى فيها إعادة تجديد الجزء العلوى للماتور ( وش السلندر ) عن طريق استبداله بآخر جديد أو خراطة بعض أجزاءه
وتكلفة العمرة بتختلف من ماتور لماتور اخر فبيدخل في حسبتها الاجزاء اللى هتتغير والاجزاء اللى هتتخرط وتكلفة الخراطة ومصنعية الميكانيكي .
ميرسى ليكوا ياجماعه بس ايه الاعراض اللى بتظهر على العربية عشان اعرف انها محتاجة عمرة او نص عمرة
أعتقد أن الموضوع ده هيفيدك كتير
http://www.nilemotors.net/Nile/21954-a.html
1- انخفاض قدرة سحب المحرك
2- صدور اصوات غير طبيعية من المحرك ودة بيقى من اماكن كتير ممكن من بنز البستم او من اصتدام البستم بجدران الاسطوانة او من زيادة الخلوص بين السبايك وعمود الكرنك
3- خروج عاادم ابيض مزرق من ماسورة العادم ودة نتيجة احتراق زيت التزيت
4- استهلاك المحرك لكميات كبيرة من الزيت
5- صعوبة ادارة المحرك وتشغيله وعدم انتظام دورانه
6- كثرة استهلاك المحرك للوقود
ويكون سبب انخفاض قدرة سحب المحرك هو تلف الشنابر وهناك نوعان منها
1- شنابر الضغط
2- شنابر الزيت
والاكثر اهمية هو شنابر الضغط وهى المسئولة عن احكام الخلوص بين جسم المكبس(البستم) و جدار الاسطوانة لمنع الغازات المضغوطة من الهروب من خلال هذا الخلوص.
النص عمرة (تغير الشنابر) بتبقى احيانا حل مؤقت لزيادة كبس المحرك ومنع احتراق الزيت اذا كان هروب الزيت من الشنابر
اما النص عمرة بتبقى مجزية فى حالة ان هروب الزيت والضغط من الشنابر فقط والاسطوانة ابعادها مزالت سليمة
اتمنى اكون افدت
*معلش سؤال هو حضرتك عرفة اشكال ووظائف الاجزاء اللى بنتكلم عليها ؟
ولا محتاجة توضيح