احتمال ابيع العربية لظروف ياشباب...

السلام عليكم ورحمة الله

ازيكم ياشباب

طبعا هوا خبر صاعق لكن للاسف ده الواقع
انا لسا مقررتش اني هبيع اكيد ولا لأ لكن احتمال اني اروح اعمل سنة الامتياز بره مصر وهحتاج فلوس وانا لا املك شئ غير الغلبانه الماروتي بتاعتي
هههههههههههههههههه

عموما انا هقرر خلال ال 20 يوم دول ولسا محددتش السعر
العربية للي عارف هيا موديل 2007
على ما اخلص ال 20 يوم دول متوقعش انها هتكون عملت 23 ألف كيلو ولله الحمد

العربية فبريكه بره وجوه وبأكياسها ولله الحمد والبطاريه جافه من اقل من ثلاثة اشهر
مش هتكلم على مواصفات العربية حاليا لحد اما تتضح الرؤيه ان شاء الله وربنا ييسر الاحوال

وعموما لسا هشوف الظروف مع الكليه وهل هينفع اروح اعمل الامتياز بره ولا لأ والموعد اقصاه شهر من الآن لحد اما اكون خلصت امتحانات واخدت النتيجه.... وتكون الدنيا اتضحت امامي

طبعا انا مش هقولكم فكرت في الموضوع على مدى ثلاثة ايام وانا مش عارف اقرر ولكن فعلا معنديش حاجه غيرها حاليا ابيعها

لو حد محتاج العربية وعايز ياخد عربية باذن الله تريحه ممكن نتكلم في الموضوع على ما اخلص الشهر ده ان شاء الله




دعواتكم يا اعزائي وربنا ييسر الاحوال ان شاء الله


سلامي للجميع

ربنا يوفقك من غير بيع ولا حاجه وتسافر وترجع بالسلامه

ربنا يوفقك ويكرمك

وأن شاء الله ربنا ييسرها من غير ماتبيع العربية

ببتاخد قرارات من وراياا يا زووووووم وعايز تبيع
وتخلع ع براا انسي مش هسيبك غير لما تجيب بيتزا الاول وجولد :E_braces[1]:
وبعدين شوف انت عايز تروح فين .:F_eyeb1[1]:

:O_stupid[1]:

فعلا مفاجاء غير متوقعه
بس باذن الله موضوع يتنهى من غير بيع
وهههه ومتسافرش وتقعد هناا
ربنا يوفقك يا حازم
:11:

اتضايقت انك ناوي ع سفر و هتسبنا مش من البيع بس

ربنا يوفقك للخير

شوف يا دكتور
موضوع السفر عشان الامتياز دا سمعته من كذا واحد قريبي كان في طب
بس سبحان الله كلهم ماحدش سافر فيهم حتة
وكل واحد اخد الامتياز جنب بيتهم

استخير
ربنا يوفقك للي فيه الخير

السلام عليكم و رحمة الله و بركاته

هو مفيش مشكلة -ان شاء الله- أنك تاخد الامتياز بتاعك بره و بالذات لو كنت جايب فرصة كويسة و منشن على مكان كبير, بس المهم , هى موافقة بره مش موافقة جوه لأن جوه مش هيمانعوا أنك تطلع الامتياز بتاعك بره و لو كنت هتحتاج فيزا و لا لأ, لأنك أكيد مش هتاخد الامتياز بتاعك فى ليبيا و لا سوريا يعنى .

شكرا لكل اللي ردو عالموضوع

والله ياشباب مش مزعلني في الموضوع كله فعلا غير اني مش هكون معاكم هنا واشوفكم واتبادل الآراء معاكم

لكن برضو لسا الموضوع تحت المداوله
وبالتالي لسا متأكدش الخبر

ولسا متأكدتش لو هروح هعمله فين بس انا لازلت بفكر اما في الاردن او في السعوديه وفي كلا الحالتين عندي مشاكل
ههههههههههههههههه

ربنا يسهلها ان شاء الله وكله يبقى تمام


بس تأكدوا من حاجه
انا دايما معاكم باذن الله....


بالتوفيق للجميع

ياراجل اردن وسعودية ايه؟ احلى امتياز هنا بجد هتتعلم هتتعلم دة لو انت عايز"

اقتباس:

---

المشاركة الأصلية كتبت بواسطة pharonicking

ياراجل اردن وسعودية ايه؟ احلى امتياز هنا بجد هتتعلم هتتعلم دة لو انت عايز"

---

للاسف مش عايز يضيع من عمري سنه وانا
white coated blood carrier organism

ههههههههههههههههههههههههه هههههه
وللاسف لاني هنا بعيد عن اهلي وبقالي 6 سنين بشوف اهلي اسبوعين في السنه لما خلاص قرفت وحاليا الوالد والوالده عدو ال 60 (ربنا يديهم الصحه وطولة العمر) وانا حابب اكون جنبهم والله المستعان

ربنا يوفقك يا دكتور ويعطيك الخير دائما لأنك ابن حلال وتستاهل كل خير ..... وجميع البلاد العربية بلادك انت والدتك مصرية ووالدك اردني وعشت سنين عمرك في السعودية وزوجتك من فلسطين يعني ماشاء الله مسموح لك تلعب في اربع منتخبات مختلفة :S_thum1[1]::36_7_7[1]:
والى الامام دائما يا دكتور حازم ... وربنا يحفظ لك والديك ويحفظك ليهم

حبيب قلبى يا دكتور والله

مش عايز اقولك سافر . بس لو فى خير ربنا يقدم ما فى الخير

سيبها على الله وربنا يسهل الحال لو فى خير فى سفر كان بها ولو فى خير هنا يبقى كويس اديك قاعد معانا يا صاحبى ههههههههه

وبعدين مش قولتلك هجيلك انا ولوردى يا عم تدرب علينا قبل الامتحانات ههههه خلاص يا سيدى السنة الامتياز ده هبقى انا ولورد عندك اعمل الامتياز علينا ههههههههههههه

صباحو فل يا صاحبى . ربنا يوفك انت طيب وابن حلال وجدع

ربنا معاك وان شاء الله لو قررت و بعتها لما ترجع بالسلامة تشتري اللي احسن منها ولو ان مفيش احسن منها عشان محدش يزعل