الموضوع: مشاكل سواقين الميكروباص لا تنتهى

المشاركة الأصلية كتبت بواسطة abuhusam

[mark=#fafabe]والله مش عارف أقول إيه.. الحقيقة كلكوا صح.. كل الناس معاها حق.. معاه حق اللي بيقول لازم تستعمل إشارات وتبص في مرايتك قبلما ترجع تاني أوقبل ما تروح يمين أو شمال.. ده كلام مظبوط تمام.. لكن اللي يتخيل الموقف ويضع نفسه مكان صاحب الموضوع بالتأكيد ما كانش هايعمل كدة.. انت ماشي بسرعة وفجأة بتلاقي قدامك حفر أو تكسير وبتاخد قرارك في جزء من الثانية بتفادي التكسير والطبيعي إنك تكمل مسارك تاني.. (لاحظ إنك بتكمل مسارك مش بترجع تاني لحارتك لأنك أصلاً ما سبتهاش) يعني انت ماشي زي ما انت..
ده الموقف زي ما فهمته وزي ما تخيلته وأرجو إن صاحب الموضوع يصحح لي لو كنت غلطان..
المشكلة بقى في الشخص اللي وراك.. واللي هو بالفعل مش بيفهم ومش بيفكر ومش بيبص بعينيه وميت ألف مش ومش لغاية ما تلاقيه ممشش!!
هذه الكائنات ذوات الأربع تسير في الشارع وكأنه ملك لها بمفردها والبشر دخلاء عليهم.. ولأهم ذوي أربع فهم غير قادرين على التخلص من نمط الحياة في الغابة.. وبالتالي تجد نفسك عايش في حديقة حيوانات مفتوحة.. وعليك ملاعبة القرود والقفز فوق الثعابين والهروب من الفهود والمشي فوق الفئران والمناورة مع الثيران.. علشان كدة صاحب الموضوع مش غلطان.. لكن برضه أصحاب النصايح والاعتراضات على موقفه مش غلطانين.. مش لأن ده الصح والمفروض.. لكن لأن دي شوارعنا ودي حياتنا ودي بلادنا..

ملحوظة: لا أبالغ ولا أشتم عندما قلت إن سائقي الميكروباص ذوي أربع.. فهم كذلك بالفعل، حيث يملكون أطرافاً أربعة مثل كل الحيوانات الثديية.. أما الإنسان الذي كرمه الله فهو ذو خمس.. أربعة أطراف يتحرك بها ويستخدمها، وعقل يوجهها ويتحكم في حركتها
نعم العقل هو ما يميزنا عن هذه الكائنات التي تتوالد وتتكاثر وتعيش طفيلية بالتلصص والتطفل على البشر.[/mark]

ههههههههههههههههههههه, بصراحه احيي حضرتك على الاسلوب الرائع في الوصف وكل كلمة حضرتك قولتها فعلا صح وده الي حصل بالظبط مع بعض الاختلافات ان الطريق ماكانش ماشي بسرعه قوي يعني على حوالي 60 كده وانا فاديت التكسير بالراحه عشان حافظ مكانها مش كسرت بسرعه ورديت بسرعه. انما غير كده كلام حضرتك صح.

وانا مش مختلف مع الاخوه الي قالوا ادي اشاره. انا بعمل كده فعلا بس لما بيكون عربيه عطلانه في الحاره الشمال او في تصليح وكده.

جزاك الله خير على المشاركه الجميله دي