مشاكل سواقين الميكروباص لا تنتهى

**Amrrr** · 06-01-2011 11:35 AM

المشاركة الأصلية كتبت بواسطة mahmoud_afifi

السلام عليكم

لو كان حصلك كده كنت هتعمل ايه ؟!

كنت هاعمل زي مانت عملت ----- التعامل مع سواقين الميكروباص ملغي تماما من حياتي
والقرار دا من قبل ماجيب عربية ولما كنت باركب ميكروباص لاني شفت السواقين من قريب واتعاملت معاهم وعرفت ان دماغهم دي مش دماغ اصلا ومليانين كمية حقد وغل تجاه ( الملاكي)

والركاب كمان الا فيما ندر

**moh.aboelkheir** · 06-01-2011 12:05 PM

يا جماعه استاذ محمود ... ذي ما فهمت ... ماشي في حارته لقى حفره تخطاها بدون مايسيب حارته بس عمل بتاع ربع متر كده فراغ سواق الميكروباص طبعا ده بالنسباله فضى ... فراح رخم عليه و زنق بوزه
صح كده يا باشا ؟؟

**mahmoud_afifi** · 06-01-2011 04:19 PM

المشاركة الأصلية كتبت بواسطة Amrrr

كنت هاعمل زي مانت عملت ----- التعامل مع سواقين الميكروباص ملغي تماما من حياتي
والقرار دا من قبل ماجيب عربية ولما كنت باركب ميكروباص لاني شفت السواقين من قريب واتعاملت معاهم وعرفت ان دماغهم دي مش دماغ اصلا ومليانين كمية حقد وغل تجاه ( الملاكي)

والركاب كمان الا فيما ندر

ههههههههههه, انا مره ركبت مع سواق ميكروباص مبرشم بحق وحقيقي وكان عاوز يديني انا و اخويا من الي بياخده على اساس بيعمل واجب اننا قاعدين قدام جنبه... فيه الخير

**mahmoud_afifi** · 06-01-2011 04:26 PM

المشاركة الأصلية كتبت بواسطة moh.aboelkheir

يا جماعه استاذ محمود ... ذي ما فهمت ... ماشي في حارته لقى حفره تخطاها بدون مايسيب حارته بس عمل بتاع ربع متر كده فراغ سواق الميكروباص طبعا ده بالنسباله فضى ... فراح رخم عليه و زنق بوزه
صح كده يا باشا ؟؟

الله يفتح عليك , هو ده

اصل اكيد مش هبقى غلطان واعمل موضوع واتبلى على الراجل والناس هنا تيجي تقولي انا الي غلطان

كلنا عارفين سواقين الميكروباصات عاملين ازاي. و مره كنت في الحاره اليمين واتزنقت وكنت هخبط في عربيه نقل ومدي اشاره شمال والطريق شمال سالك, بتاع ميكروباص (ربنا ياخده) كبس بنزين عشان ماعديش ونفس الحركه المتخلفه بتاعت الزماره وكان هيلبسني في النقل, و ورا الميكروباص عربيه بيجو 7 راكب عمل نفس الحركه عشان كان لازق في بتاع الميكروباص التيييييت. بس ساعتها بقى اتصرفت معاهم تصرف تاني وجريت وراهم طلعت تييييييييت اهلهم :)

المهم يعني ياريت الاخوه الكرام الي طلعوني غلطان ماتستعجلش في الحكم وشكرا يا استاذ محمد على ردك الجميل

**mahmoud_afifi** · 09-01-2011 04:23 PM

المشاركة الأصلية كتبت بواسطة meemo the beast

الله ينور عليك ...كلام سليم و عاقل و على جانب اخر 99.9% من سائقي المكروياص عايزين الحرق

معاك حق هو كلامه صح بس مش في الحاله بتاعتي, وانا كنت اقصد بمكاني يعني حارتي وفي حاجه اسمها حارتي ومش من حق اي حد يدخل حارتي ويزنق عليا الا لما انا اسيبها

وبما انك مقتنع ان 99.9% من سواقين الميكروباص عاوزين الحرق يبقى الموقف الي حصلي كنت انا صح مع ان معظم الاخوان مافهموش الموقف صح.

**mahmoud_afifi** · 09-01-2011 04:25 PM

المشاركة الأصلية كتبت بواسطة toptraction

انا مرة كنت مسافر علي طريق السخنة وكنت مهدي قبليها بفترة عشان المزلقان وكان قدامي ترلا ولقيت ميكروباص اخدت عرزة قدامي وكان هشلي الفانوس والكصدام والله فضات مستلمو بنور العالي المعتبر بتاع 15 كليو لغايت موقف علي جنب كنت انا وصلت

هو ده الكلام الصح يا باشا. لو كل واحد عمل فيهم كده هيتربوا ويحترموا نفسهم