فرحان جدا لحبيبى الاخ الكبير كريم منير, وزعلان من انتشار الظاهرة دى فى قسمنا

الف مليون مبروك يا كيمو ... وطبعا كان ليه الشرف انى كلمتك وباركلتك
الواحد مش عارف يوفى حق الراجل ده علينا ازاى بامانة

ادخلوا اقرؤا الموضوع ده وانتم تعرفوا ... ليه الواحد بيحب النايل موتورز... وبيحب كريم منير
مبروك لكريم افتتاح

النايل موتورز ليه حقوق عندنا كتيرة

وفى ناس كتير اوى بتتعب عشانا وبتجتهد عشانا
واحنا بنتفرج وبنكتفى بالمشاهدة فى الموضوعات !!!

الواحد الحمد لله فى عز الطحن اللى هو فيه من شغل وظروف حياة وضغوطها...
ومع ذلك مش بيقرأ الموضوعات فقط ...لا بيدخل يطمن على اخوانه وبيشارك ولو بكلمة.

طالما بندخل وفتحنا الصفحة ... ياريت نشارك بحب ولو دقيقة
عشان نقدر نوفى حق المكان ده ... ونزرع حب اكتر فيه ... ويدخل وسطينا اعضاء جدد محترمين مثلكم.

والحكاية مش محتاجة دعوة
الحكاية كلها تقدير وود وحب لينا كلنا
عشان الطاقة تزيد ... ولما حتزيد حتزيد ليكم انتم ولمصلحتنا جميعا

الف مليون مبروك يا كيمو

وانت تستاهل كل خير

وربنا يجزيك عنا خيرا باللى بتعمله معانا

وبتمنى زوال الظاهرة السيئة دى من قسمنا

تحياتى

والله يا استاذ احمد انت راجل محترم و خدوم جدا و بتحب تساعد كل الناس
بالنسبة لموضوع المشاهدة ساعات الواحد بيلاقى رده مش حيمثل اضافة للموضوع فبيكتفى بالمشاهدة فقط
انا رديت المرة دى علشان حسيت انك موجه لى الكلام لان انا لازم كل يوم ادخل على نايل موتورز اكتر من مرة :E_braces[1]:

و مبروك لكريم منير على المشروع و بالنجاح ان شاء الله

اعذروني يا اخوانا ف موضوع الردود , لعدة اسباب :
اولا و ده في احيان كثيره بسبب قلة خبرتي بالموضوع مش بحب اكتب حاجه انا اعرفها خوفا من انها تكون غلط و هتضر غيري ف بكتفي بانتظار الردود .
ثانيا سعات بتكون الردود مجرد مجاملات و مدح و تملق و ده انا مبعرفش اقول غير شكرا او رائع فبحسها قصيرة و مش قد المقام فبقعد ساكت احسن .
ثالثا و ده السبب الرئيسي اني بتابعكم من الموبايل مش جهاز كمبيوتر ,و بصراحه الكتابه و التنسيق ع الموبايل مش سهله بصراحه . يعني انا واخد ربع ساعه عشان اكتب السطرين دول .

بس انا بعتذر عن اللي فات و اوعدكم اني هرد حتي لو بكلمه - طبعا في حدود معرفتي - ان شاء الله

-انا بتكلم فى نقطة تانية بعيدة عن عمل موضوعات او ردود ميكانيكية او مشاركة بشكرا
مستعد يا جماعة اطلع حوالى اكثر من 10 موضوعات فى القسم مش محتاجة لرد ميكانيكى بحت , كلها محتاجة مشاركات بسيطة


- ولو فى موضوع الاعضاء دخلوا وردوا فيه وقالوا رايهم بدخل واقول رائى حتى لو كان مؤيد ليهم .. لسبب

عشان صاحب الموضوع يقتنع لما يلاقى كذا راى سواء مؤيد او معارض


- وبعدين بردودنا بنطمن على بعض وبيدخل اعضاء جدد لما بيلاقوا حالة الود والتعاون بينا , زى ما دخل اعضاء جدد كتير وسطينا وبنكسبهم فالواحد بيتكلم فى حالة الحب والود بينا
لان رد المهندس محمد بيطمنا عليه , ورد ايمن بيطمن عليه ورد دكتور احمد بيطمنا عليه , ورد بيشوى بيطمنا عليه ورد حسين بيطمنا عليه , ورد دكتور محمد بيطمنا عليه ,


- واعتقد يا جماعة حالة الحب والتعاون والود عمرها ما تكون مجاملة ابدا , وحتى حالة المدح لعضو تعب عشان ينزل ويلف ويحصل على المعلومات لينا , ده تقدير ليه على تعبه فمش عيب
وايضا فى اعضاء دايما متواجدين وسطينا بيردوا على الناس بحب , زى بيشو او حسين او ايمن او دكتور احمد السعيد وناس كتير مش عاوز انسى اسماء حد فلازم نقدرهم
فلازم تكون الحكاية ابسط من كدا


انا بعتبر نايل موتورز باعضائه مش مجرد صفحة نت , بعتبر حالة من الحب , وسط اعضاء بعتبرهم اخوانى

اقتباس:

---

المشاركة الأصلية كتبت بواسطة ahmed.tv

-انا بتكلم فى نقطة تانية بعيدة عن عمل موضوعات او ردود ميكانيكية او مشاركة بشكرا
مستعد يا جماعة اطلع حوالى اكثر من 10 موضوعات فى القسم مش محتاجة لرد ميكانيكى بحت , كلها محتاجة مشاركات بسيطة


- ولو فى موضوع الاعضاء دخلوا وردوا فيه وقالوا رايهم بدخل واقول رائى حتى لو كان مؤيد ليهم .. لسبب

عشان صاحب الموضوع يقتنع لما يلاقى كذا راى سواء مؤيد او معارض


- وبعدين بردودنا بنطمن على بعض وبيدخل اعضاء جدد لما بيلاقوا حالة الود والتعاون بينا , زى ما دخل اعضاء جدد كتير وسطينا وبنكسبهم فالواحد بيتكلم فى حالة الحب والود بينا
لان رد المهندس محمد بيطمنا عليه , ورد ايمن بيطمن عليه ورد دكتور احمد بيطمنا عليه , ورد بيشوى بيطمنا عليه ورد حسين بيطمنا عليه , ورد دكتور محمد بيطمنا عليه ,


- واعتقد يا جماعة حالة الحب والتعاون والود عمرها ما تكون مجاملة ابدا , وحتى حالة المدح لعضو تعب عشان ينزل ويلف ويحصل على المعلومات لينا , ده تقدير ليه على تعبه فمش عيب
وايضا فى اعضاء دايما متواجدين وسطينا بيردوا على الناس بحب , زى بيشو او حسين او ايمن او دكتور احمد السعيد وناس كتير مش عاوز انسى اسماء حد فلازم نقدرهم
فلازم تكون الحكاية ابسط من كدا


انا بعتبر نايل موتورز باعضائه مش مجرد صفحة نت , بعتبر حالة من الحب , وسط اعضاء بعتبرهم اخوانى

---

مفيش كلام يتقال بعد الكلام الجميل ده يا عمدة ........... والف سلامة ياجميل وربنا يطمنا عليك :b4_007::b4_007:

شوفت ياعمدة اديك نسيتي ارد علي الراجل المحترم اللي الموضوع علشانه ........... ههههه
الي ا/ كريم منير ... اللي سمعت عنه كتيير بكل خير والله ولم يتسني لي مقابلته
الف الف مبارك عليك المشروع وربنا يرزقك بيه الحلال ويسدد خطاك ويجعله ابتغاء وجه الكريم
وربنا يجعل معرفتك ومعرفة الناس الطيبة والمساعدات اللي استفدت بيها وكتييير اوي استفادوا بيها في ميزان حسناتك ..... والف شكر علي سعيك ومجهودك الكبير انك تخلي الموقع ده قايم علي رجله ...... وان شاء الله اي حاجة نقدر نقوم بيها احنا تحت امرك انا والاعضاء اللي مهما وصفتهم مش هاوفيهم حقهم ....... وجزاك الله كل خير

الف الف مبروك المشروع وربنا يوفقك ان شاء الله
وشكرا استاذ احمد علي التنبيه الذي في محله وان شاء الله نتواصل اكثر

ربنا يجعاة فتحة خير عليك امين يارب

يا جماعة أنا لسه عضو جديد بس بجد حسيت ان قسم نيسان مميز بين باقى الأقسام و عن تجربة أستاذ أحمد بالذات ما كنش بيفوت أى سؤال لى الا و لاقى الرد الجميل منه و حسيت فعلا ان فى تواصل جميل بين الجميع فى القسم و ان فيه كام زميل عزيز فى القسم هما اللى بصراحة مخليين للقسم روح حلوة و فيه رابطة بين أعضائه.

ربنا يكرمكم جميعا و يعينكم على فعل الخير فى زحمة الدنيا الطاحنة

ألف شكر للجميع و يا ريت نجل النية و احنا بنرد ان ده من باب التحية على الأقل

أولا ألف مبروك للأستاذ/ كريم وربنا يوفقه في مشروعه ويكون فاتحة خير عليه (مع دعواتي لجميع الأعضاء انهم ميكنوش زباين مستديمين يعني خفيف خفيف)
ثانيا والله يا بوحميد وبدون مجاملة انت اللي عامل روح جامدة في المنتدى وكان معاك أساسي بيشوي وانضم ليكم دلوقتي حسين ربنا يبارك فيكم جميعا وفي جميع الأعضاء المميزين (وبدون ذكر أسماء علشان مننساش حد) ويديم روح المودة بيننا جميعا
ثالثا ياريت دعوة منكم لأخوكم بظهر الغيب ربنا يرزقنا جميعا من خيري الدنيا والأخرة

و الله يا استاذ احمد الناس مستنين انك تدخل بال user name بتاعهم ترد مكانهم !!!

ربنا يكرمك على شعورك و حرصك على مصلحة المنتدى


و الف مبروك لكريم و ربنا يوفق

مشروع جميل وكفاية انك هتعمل حاجتك فى حتة مضمونة

ربنا يكرمك ياكريم

الف مليون مبروك يا استاذ كريم وربنا يكرمك باذن الله

الف الف مبروك يا كريم و ربنا يزيدك كمان و كمان

الف مبروك لكريم منير على مشروعه وربنا يكرمه
وربنا يجزيك خير يا ا احمد ويجعله في ميزان حسناتك