الموضوع: العيب في مين؟؟؟؟

السلام عليكم و رحمة الله و بركاته

أنا بستأذنك أنى أحط اللينك بتاع الموضوع ده كمشاركة فى موضوع ( أصحاب الجنسيات التانية...............)

شكرا و جزاكم الله كل خير .

ربنا يرحمنا و يخرجنا منها على خير ,

بس لازم يكون فيه حل للفساد ده ...............

المشاركة الأصلية كتبت بواسطة mikho83

والله يا جماعة مش عارف العيب في مين. فينا ولا في الأمن ولا مين بالظبط؟؟؟؟
النهاردة الصبح وأنا رايح الشغل أمين شرطة وقف سواق ميكروباص مش عارف ليه فواحد من الناس اللي واقفة بيقول بصوت واطي يا أخي حرام عليك أمين الشرطة سمعه، وعينك ما تشوف إلا النور، نزل فيه ضرب وشتيمة من اللي مشهورة عن أمناء الشرطة، مش كده وبس راح جاي كمان اتنين أمناء شرطة مش عارف من أي مصيبة ونزلوا في الراجل ضرب، تخيلوا يا جماعة في الوقف ده الواحد لو معاه سلاح أي كان نوعه هايستخدمه ولا لأ؟
سألت نفسي هو العيب في مين؟؟؟ هي البلد بقت عاملة كده ليه؟؟؟ ليه كل واحد معاه سلطة بيستخدمها في الإيذاء مش النفع؟؟؟؟؟
بجد أنا متضايق جدا ومخنوق وعايز أسيب البلد دي أنا وزوجتي وأولادي... بحس وأنا ماشي إني ممكن يتعدى عليا أي بلطجي أو يحصل موقف مع أمين شرطة مثلا وأتهور فيه وفي الآخر أنا الغلطان علشان مش معايا سلطة.... أنا تعباااااااااااااااان نفسيا جدا..

يا باشا لا تسيب البلد ولا حاجة
انت بس تعال عندنا في سيناء شمالها او جنوبها وخلي امين شرطة ولا حتى ظابط يقل ادبه وشوف ايه اللي يحصل له
كله هنا بالادب والاصول والقانون
قلة الادب ممنوعة بتاتاً
متقلقش مصر لسة بخير

المشاركة الأصلية كتبت بواسطة SkyBird

يا باشا لا تسيب البلد ولا حاجة
انت بس تعال عندنا في سيناء شمالها او جنوبها وخلي امين شرطة ولا حتى ظابط يقل ادبه وشوف ايه اللي يحصل له
كله هنا بالادب والاصول والقانون
قلة الادب ممنوعة بتاتاً
متقلقش مصر لسة بخير

يعني الواحد عشان يعيش باحترامه لازم يروح سيناء ؟؟!!
ما ينفعش أعيش محترم في المكان إللي أنا عايزه !!
و لا عشان السياح كتير في سيناء تبقى قلة الأدب ممنوعة هناك !!
يعني الغريب ياخد احترامه كامل لأن وراه سفارة تحميه، أما ابن البلد ياخد على دماغة حتى من أمين الشرطة

ماهي البلد دة مش بتيجي الا علي الغلبااان