كلام جورج وغيره من الاعضاء سواء مسلمين او اقباط بيطمني ويحسسني ان لسه في امل
عرض للطباعة
كلام جورج وغيره من الاعضاء سواء مسلمين او اقباط بيطمني ويحسسني ان لسه في امل
الله ينور عليك يا بشمهندس كلامك موزون جدا
وربنا يكون في عون كل اسره فقدت عزيز عليها
متفق معاك في كل كلمة يا geo.
في ناس متضايقة وبتعامل اللي ملوش ذنب وحش, وفي ناس رأيها إن احنا مش اخوات وإن ماينفعش نعيد على بعض.
في النهاية كله باين.
بعد احر التعازى للاخوه المسيحين
احب احييك عى التحليل الرائع للوضع ومتفق معاك تماما
لازم نشوف مين الى مستفيد من الى بيحصل ده
اكيد لا فى مسلم ولا مسيحى فى مصر هيستفيد من حدوث فتنه طائفيه
الى عمل كده مش مسلم الى عمل كده جزار ومجرم ملوش دين ولا مله وعاوز يوقع الدنيا فى بعضها
الله ينور عليكم جميعا ... أنا كده متأكد ان كلنا فاهمين ومفيش فتنة الحمد لله
بس الغريب ان الفترة اللي فاتت فيه شخص او جهة او كيان بيحاول يسخن اي حد على أي حد
أزمة بين المسلمين والمسيحين
أزمة مخيفة بين الأهلاوية والزملكاوية لدرجة ان فيه ناس اعرفها نزلت من نظري واستهيفتهم
أزمة بين الحكومة والشعب
محاولة الايقاع بين مصر وسوريا ولبنان بقضية جاسوس مصري لاسرائيل ومحاولته تجنيد عملاء من سوريا ولبنان ولو اتكشف يبقى كأننا احنا اللي بنجسس عليهم
انا مش عارف ايه اللي بيحصل ده ... بس لازم نعرف ان معناه ان احنا اكبر بكتير من تخيلنا وأعدائنا شايفنا كبار وخايفين مننا وبيوقعو بينا
ربنا يسترها ويحفظ البلد دي وأهلها
الكنيسة أدامها جامع في قلب شارع متقابلين .. و اللي راحوا ولاد بلدنا مش مسيحيين ومسلمين ..
بيقولوا فتنة و خلاص صابتنا .. بس صوت العقل فين؟ ..
يا ولاد بلدنا دي مصيبتنا و الضحايا من الطرفين ..
زعلان مينا على ولده حنا .. ماهو برده أحمد راحله حسين !!
ربنا يعدي البلد ده من المحنة اللي أحنا فيها
وشكرا جدا ليكوا
دايما بحس اني في وسط أخواتي
ياريت كل الناس بتفكر زيك .. كنا تفادينا الازمه بسهوله جدا وبدانا نفكر فى نفسنا ومصلحتنا
فعلا يا هندسة فى ناس بتنفخ فى النار عشان تولع مش عشان تطفيها
على فكرة انا اللى كنت قولت الموضوع بتاع المساجد و بعد كده اتاكدت ان كانت اشاعة و بعد اذنك لو تسمح انى احط لينك للموضوع هنا عشان اللى مشافهوش يشوفه بعد اذنك
http://www.nilemotors.net/Nile/194009-a.html