صوت غريب في فرامل لانسر بومة 2009

السلام عليكم
انا اشتريت امبارح لانسر 2009 خليجي عاملة 21000 كم , هي فراما اي بي اس و 2 اير باج
و سمعت صوت كدة كأنه صوت تروس في مرة وانا بدوس على الفرامل و كلن الصوت عالي و حسيت بردة بحركة التروس دي في الدواسة فلما سألت قالولي ده الايه بي اس ساعات بيعمل كدة بس انا مش متأكد
و كمان الكاسيت لاقيته بيعمل سكان لوحده و بيقلب موجات الراديو لوحدة وبعد كدة بقى كويس

موضوع الفرامل حصل معايا مرتين و الكاسيت ثلاث مرات فلو حد يعرف يفيدني لو في مشكلة معينة او لما اعمل صيانة ال 25000 ابقى اسأل لان صاحبها كان حتطلها زيت 5000

و كمان هل للعربية الخليجي ضمان في مصر و فين اماكن التوكيل الجديد
و جزاكم الله خير

صوت ال abs مبيبنش غير لما تدوس فرامل على الأخر

ممكن التيل عندك عايز يتغير أو فيه تراب على الطنابير....وديها لحد يكشف عليها

والتوكيل بيعمل صيانه للخليجى

شكرا على الرد بس اوديها التوكيل القديم و لا الجديد و لو ياريت العناوين لاني ممعرفش اي مكان لمراكز صيانة ميتسوبيشي

لسه مفيش حاجه أكيده عن التوكيل الجديد بس فيه مركز صيانه فتح فى العبور

وديها التوكيل القديم ( مازال مراكز صيانه ) وبص على الموضوع ده وشوف الأقرب ليك

http://www.nilemotors.net/Nile/98-a.html

ومعلش يا باشا أتأخرت عليك فى الرد

لو أستقريت على مركز الخدمه الرئيسى ( قليوب )

ده موضوع وصف الطريق ليه

http://www.nilemotors.net/Nile/9838-a.html

بالنسبه للفرامل ده عاااااادي جدآ
لما تدوس فرامل جامد بتحس كإن الفرامل هاتتكسر تحت رجلك وكإنك بتدوس علي طوب وزلط وحاجات بتتكسر هههههه بس ده كده معناه إن الabsشغال ف ماتقلقش منه أهم حاجة العربية لما تدوس فرامل تقف
الكاسيت بقي معرفش صراحة

لو حسيت ان الفرامل بترد في رجلك يبقا شغال تمام

شكرا للردود يا جماعة و الحمد لله الفرامل بقالها فترة كبيرة ما عملتش كدة لاني سافرت بيها من دمياط للقاهرة و الحمد لله كانت زي الفل و تقريبا رجلي اتعودت خلاص على العربية و لما اروح الصيانة حسأل ان شاء الله و لو في حاجة حقلكم