الفيس بوك يقدر ثمنه بنفس قيمة شركة بوينج الامريكية للطائرات ليه يعنى!!

**hossam_elwani** · 05-01-2011 12:03 PM

الفيس بوك يقدر ثمنه بنفس قيمة شركة بوينج الامريكية للطائرات بـ 50 مليار دولار ليه يعنى!!

وعايز اعرف ايه سر قيمة مواقع زى جوجل وياهو كمحركات بحث عشان يدفع فيهم كل المليارات دى خلال السنين الى فاتت عايز اعرف اللغز فين ؟؟

**mrwho1982** · 05-01-2011 12:06 PM

انا برضو استغربت جدااا لما قريت الرقم ده

ده كده ياهو رخيص بقي

**aly_hosny** · 05-01-2011 12:31 PM

قيمة اي حاجة بتحددها اصولها و ارباحها
شوف ارباح كل شركة من دول اد ايه و انت تعرف ليه تمنه كدا
انت مثلا بتشتري شقة ب 100 الف جنيه و تاجرها تجبلك 1000 جنيه في الشهر
نفس الكلام دا صاحبه اصغر ملياردير في العالم و دخله السنوي ارقام فلكي
فلازم لو حد هيشتريه يدفع لانه هيدخلك ارباح
وهتلاقي السعر دا سعر الدومين بس

**hossam_elwani** · 05-01-2011 12:40 PM

المشاركة الأصلية كتبت بواسطة aly_hosny

قيمة اي حاجة بتحددها اصولها و ارباحها
شوف ارباح كل شركة من دول اد ايه و انت تعرف ليه تمنه كدا
انت مثلا بتشتري شقة ب 100 الف جنيه و تاجرها تجبلك 1000 جنيه في الشهر
نفس الكلام دا صاحبه اصغر ملياردير في العالم و دخله السنوي ارقام فلكي
فلازم لو حد هيشتريه يدفع لانه هيدخلك ارباح
وهتلاقي السعر دا سعر الدومين بس

وايه السلعه الى بيروجها عشان يجيب ارباح رهيبه تخلى قيمته توصل للرقم ده

**aly_hosny** · 05-01-2011 12:46 PM

المشاركة الأصلية كتبت بواسطة hossam_elwani

وايه السلعه الى بيروجها عشان يجيب ارباح رهيبه تخلى قيمته توصل للرقم ده

مفش سلعة
الفيس بوك عليه 500 مليون مشترك
لو انت حطيت اعلان شوف كام مليون هيشوفو
وهما اعلاناتهم زي جوجل يعني بيحاسبك بالضغطة و الكلام دا
ف لما انت يبقى تحت اديك 500 مليون عميل هتلاقي قيمة الاعلانات مرتفعة و كمان عدد المعلنين كبير

**fepsceasar** · 05-01-2011 12:52 PM

أعتقد أن قيمته فى ان ناس كتير بتدخل عليه وبالتالى لو عملت عليه اى إعلان مدفوع شوف كام واحد هيشوفه، وعشان كده العوائد المستقبلية كبيرة، ولكن التقديرات دى لازم إعادة النظر فيها لأن الشركة ما فيهاش أصول ثابتة، وهى أكثر عرضة للتذبذب. وبالتالى لوحصلت ازمة والاعلانات قلت هتبقى ما تساويش،’ طبعا ده مجرد راى احنا مش عارفين الناس قيموها ازاى وبالمناسبة فى طرق كتير للتقييم يعنى ممكن بطريقة تساوى رقم ضخم وتقيمها بطريقة تانية تطلع قيمتها أقل بفرق كبير.

**hossam_elwani** · 05-01-2011 01:02 PM

المشاركة الأصلية كتبت بواسطة fepsceasar

أعتقد أن قيمته فى ان ناس كتير بتدخل عليه وبالتالى لو عملت عليه اى إعلان مدفوع شوف كام واحد هيشوفه، وعشان كده العوائد المستقبلية كبيرة، ولكن التقديرات دى لازم إعادة النظر فيها لأن الشركة ما فيهاش أصول ثابتة، وهى أكثر عرضة للتذبذب. وبالتالى لوحصلت ازمة والاعلانات قلت هتبقى ما تساويش،’ طبعا ده مجرد راى احنا مش عارفين الناس قيموها ازاى وبالمناسبة فى طرق كتير للتقييم يعنى ممكن بطريقة تساوى رقم ضخم وتقيمها بطريقة تانية تطلع قيمتها أقل بفرق كبير.

طيب خلينا واقعيين مين فينا بيشترى من اعلانات على مواقع زى دى يعنى بمعنى اخر مش مهم الاعلان وبس لا المهم حجم الصفقات والمبيعات الى بتم من خلال الاعلان على هذه المواقع

كمان سؤال هل الشركات المعلنه بتدفع فلوس للمواقع دى زى الجرايد والتفزيونات مثلا؟؟

**mbluethunder** · 05-01-2011 01:07 PM

البشر هي اللي بتحدد قيمة أي موقع على الإنترنت
لو الموقع - الناس اللي بتدخل عليه كتير
يبقى الموقع تمنه بيزيد أكتر وأكتر
لأنك وقتها هاتقدر تعمل إعلانات وهاتقدم خدمات وممكن تقدر تبيع من على الموقع ده
ومن هنا بيدخل الربح بتاع الموقع
مواقع زي ياهوو وجوجل وغيرها بتعتبر مواقع بحث - أي بني آدم على وجهه الأرض أول ما هايفكر يعمل بحث هايدخل علطول على جوجل وياهو
والفيس بوك نفس النظام - عدد الأعضاء اللي فيه كبير جدا وهما اللي عاملين تمن للموقع ده

بكرة لما نايل موتورز عدد أعضائه تزيد جدا جدا - قيمة المادية بتزيد معاه وبتكبر يوم ورا يوم

علشان كده أهم حاجه على الإطلاق لصاحب أي موقع على الإنترنت هو إن عدد زواره يبقى كتير ويبقى الترافك عالي على الموقع بتاعه - ساعتها هايقدر يحقق المكسب المرجو من الموقع بتاعه

ما لو شركة بوينج شركة فاشلة عمر ما كان الناس هاتحجز فيها - نفس النظام مع الفيس بوك - لو كان نظامه وحش أو مافيهوش تجديد مستمر أو أو أو - عمر ما الناس هاتفكر تدخل وتتفاعل معاه بشكل يومي وقوي

وأي حاجه في الدنيا كده - عرض وطلب - كل ما كان الطلب زياده قيمة الحاجه بتزيد وكل ما كان العرض زياده قيمة الحاجه بتقل

ده برتوكول حياه بشريه كامله واللي حط البروتوكول ده هم اللي بيستخدموه ذات نفسهم دلوقت واللي هما طبعا ( البشر )

**hossam_elwani** · 05-01-2011 01:25 PM

المشاركة الأصلية كتبت بواسطة mbluethunder

البشر هي اللي بتحدد قيمة أي موقع على الإنترنت
لو الموقع - الناس اللي بتدخل عليه كتير
يبقى الموقع تمنه بيزيد أكتر وأكتر
لأنك وقتها هاتقدر تعمل إعلانات وهاتقدم خدمات وممكن تقدر تبيع من على الموقع ده
ومن هنا بيدخل الربح بتاع الموقع
مواقع زي ياهوو وجوجل وغيرها بتعتبر مواقع بحث - أي بني آدم على وجهه الأرض أول ما هايفكر يعمل بحث هايدخل علطول على جوجل وياهو
والفيس بوك نفس النظام - عدد الأعضاء اللي فيه كبير جدا وهما اللي عاملين تمن للموقع ده

بكرة لما نايل موتورز عدد أعضائه تزيد جدا جدا - قيمة المادية بتزيد معاه وبتكبر يوم ورا يوم

علشان كده أهم حاجه على الإطلاق لصاحب أي موقع على الإنترنت هو إن عدد زواره يبقى كتير ويبقى الترافك عالي على الموقع بتاعه - ساعتها هايقدر يحقق المكسب المرجو من الموقع بتاعه

ما لو شركة بوينج شركة فاشلة عمر ما كان الناس هاتحجز فيها - نفس النظام مع الفيس بوك - لو كان نظامه وحش أو مافيهوش تجديد مستمر أو أو أو - عمر ما الناس هاتفكر تدخل وتتفاعل معاه بشكل يومي وقوي

وأي حاجه في الدنيا كده - عرض وطلب - كل ما كان الطلب زياده قيمة الحاجه بتزيد وكل ما كان العرض زياده قيمة الحاجه بتقل

ده برتوكول حياه بشريه كامله واللي حط البروتوكول ده هم اللي بيستخدموه ذات نفسهم دلوقت واللي هما طبعا ( البشر )

كلام منطقى بس مع الفارق بين المقارتة بين موقع على الشبكة وبين شركة عملاقه مثل بوينج بنت نفسها على مر السنين وبها عقول جبارة وايدى عاملة ماهرة واصول لاحد لها

له فى خلقه شؤون سبحان الله

**hazemhany** · 05-01-2011 03:27 PM

المشاركة الأصلية كتبت بواسطة hossam_elwani

كلام منطقى بس مع الفارق بين المقارتة بين موقع على الشبكة وبين شركة عملاقه مثل بوينج بنت نفسها على مر السنين وبها عقول جبارة وايدى عاملة ماهرة واصول لاحد لها

له فى خلقه شؤون سبحان الله

والله موضوع محير فعلا ..بس هوا ده الحال فعلا الفكرة بتاعت الاخ زوكربرج فعلا تساوي اصول بوينج وقيمتها السوقية ...تخيلوا يا جماعة فكرة تساوي 50 مليار دولار !!!!..بس اعتقد ان قيمته برضه تتعدي انه مجرد موقع اجتماعي اكيد الموقع ده ليه قيمة استخباراتية عالية اوي اعتقد ده اللي مغلي قيمته اوي كده ..