استفسار بخصوص معدات واسعار " كار كير "

السلام عليكم ورحمة الله .....
يا رب تكونوا فى افضل حال

ليا صديق بيفتح مشروع "كار كير" فى اسكندرية وكان عايز يعرف اسعار المعدات ويجبها من فين
واى نصائح ممكن يستفيد بيها من خبرات من تعامل مع الموضوع ده ....

شاكر لردود حضراتكم

أنا كمان منتظر الردود

متابع بإهتمام

معذرة لسه جديد في مجال السيارات
ماعليش ممكن اعرف يعني ايه كار كير
هل هو زى مغسلة للعربيات كدا والا في فرق

اقتباس:

---

المشاركة الأصلية كتبت بواسطة zego

معذرة لسه جديد في مجال السيارات
ماعليش ممكن اعرف يعني ايه كار كير
هل هو زى مغسلة للعربيات كدا والا في فرق

---

هو فعلا كده بس بمفهوم متطور شوية وخدمة اجود

انت فين يا كريم ....... انت اللى ح ترد عليا

مستنى الردود لو فيه

مفيش حد عنده معلومات ؟؟؟

متابع

اللي أعرفه إن المعدات من شارع الجمهورية بس تفاصيل أكتر مش عارف

اقتباس:

---

المشاركة الأصلية كتبت بواسطة أبومريم

اللي أعرفه إن المعدات من شارع الجمهورية بس تفاصيل أكتر مش عارف

---

معلومة مهمة ....شاكر لحضرتك الرد
هو شارع الجمهورية ده اللى موازى لطلعت حرب ؟؟؟
تقريبا اللى فيه الناس بتوع معدات الأمن الصناعى والعدد !!
صح ولا ده حاجة تانية ؟

بص مش انا من القاهرة وانت من اسكندرية؟ تلاقيك تعرف شوارع وسط البلد أكتر مني :)
أنا أعرف شوارع وسط البلد بالشبه ومعرفش أي أسماء تقريبا بس شارع الجمهورية دا اللي في ضهر مسجد الفتح اللي هوا المسجد الكبير في ميدان رمسيس

اقتباس:

---

المشاركة الأصلية كتبت بواسطة أبومريم

بص مش انا من القاهرة وانت من اسكندرية؟ تلاقيك تعرف شوارع وسط البلد أكتر مني :)
أنا أعرف شوارع وسط البلد بالشبه ومعرفش أي أسماء تقريبا بس شارع الجمهورية دا اللي في ضهر مسجد الفتح اللي هوا المسجد الكبير في ميدان رمسيس

---

تمام كده ...يبقى ده اللى قصدى عليه

مستنى رد كريم منير .....

أعتقد يا محمد باشا إن في معرض فورميولا الأهرام كمان كام يوم بيكون فيه عرض لموردين الحاجات دي من معدات كاركير و نيتروجين و ترصيص و زوايا و ميكانيكا و غيره و دي فرصه إنهم بيكونوا متجمعين في مكان واحد.
الكلام ده أنا شفته في فورميولا و أوتوماك من كام سنة بس معرفش لسة موجود ولا لأ.
على كل حال ممكن حد من الإخوة المواظبين على الحضور برضه يأكدلك أو تستنى لما يفتح و توصي حد يبصلك بصه قبل ما تروح.
و أنا برضه عملت بحث عشوائي كدة على جوجل و لقيت شركة بتورد الحاجات دي:
ط±ط§ط¶ظٹ

اقتباس:

---

المشاركة الأصلية كتبت بواسطة ahmedfd

أعتقد يا محمد باشا إن في معرض فورميولا الأهرام كمان كام يوم بيكون فيه عرض لموردين الحاجات دي من معدات كاركير و نيتروجين و ترصيص و زوايا و ميكانيكا و غيره و دي فرصه إنهم بيكونوا متجمعين في مكان واحد.
الكلام ده أنا شفته في فورميولا و أوتوماك من كام سنة بس معرفش لسة موجود ولا لأ.
على كل حال ممكن حد من الإخوة المواظبين على الحضور برضه يأكدلك أو تستنى لما يفتح و توصي حد يبصلك بصه قبل ما تروح.
و أنا برضه عملت بحث عشوائي كدة على جوجل و لقيت شركة بتورد الحاجات دي:
ط±ط§ط¶ظٹ

---

احمد باشا ....
ربنا يخليك وشكرا على الأهتمام
وحلوة برده فكرة معرض الأهرام دية ... اكيد حقوله عليها

يا باشا انت تؤمر
فعلا شارع الجمهورية
ولازم تكون سائل حد فاهم وعارف انت احتياجاتك ايه عشان ماتوسعش منك عالفاضي وتجيب حاجات مالهاش لازمة
واللي يفيدك اكتر مني محمد يسري اللي فاتح المغسلة في السلام
تليفونه اهو

0120833157

قوله بس ان كريم قالك تكلمه عشان تفهم منه
هايدلك المفيد

تحياتي