الفرنا والبنزين

**Angel_wolf** · 05-01-2011 01:47 PM

انا الحمد لله جبت موديل 2006
1500 سى سى بعد الاكسيل حبيبيتى الى بردوا لسة مبعهاش
المهم استهلاك البنزين عندى عالى اوى انا عندى نص التنك بيعمل اقل 200 كيلو ودة غير طبيبعى لان الاكسيل عندى رغم انها كربراتير كانت بيعمل 10 لتر لكل 100 كيلو هل السبب ممكن يكون ان الرشاشات متوسخة او كدة مع العلم انت العربية كانت مركونة 4 شهور قبل ما اشتريها بس متغير لها بوجيهات فممكن يبقى ايه السبب وجزاكم الله كل خير لان انا بعمل بالعربية مسافات طويلة وكدة خراب بيوت كتير اوى

**Ashraf_Ibrahim** · 05-01-2011 07:36 PM

اقل من 200 كم في نص التنك على سرعة كام؟!
وطريق ايه؟!
لو طريق سريع وسرعة اكتر من 120 يبقا طبيعي وعادي جدا
لو طريق سريع وسرعة اقل من 100 يبقا اعلى من الطبيعي شوية
لأن ال 2010 بتعمل بنص التنك تقريبا 230 كم بسرعة 100 كم تقريبا

**mohamed_mohsen** · 06-01-2011 02:20 AM

الفرق بين استهلاك ال1500 و ال1600 لا يذكر
كنت عايز اسألك
اخبار سواقة حضرتك ايه بتدوس جامد و تشد و إلا هادي
غير فلتر البنزين و الهوا
نصيحه كمان غير البنزينه اللي بتتعامل معاها مره كده و شوف الاستهلاك اخباره إيه؟

تعديل: الاستهلاك عندي 200-220 كم في الصفيحه موتور 1500

**khaled_amer** · 06-01-2011 10:25 AM

شوف بنزينه تانيه

متوسط الاستهلاك الطبيعي عندي لل1600مانيوال 12كم/لتر في البلد

**Angel_wolf** · 06-01-2011 10:52 PM

انا نمط سواقتى معتدل عادى يعنى بما انى مفيش غير مرواح الجامعة حتى نقلاتى كلها على المستريح اوى بقول سبها يومين نعيش من غير قرص وحرق وشد
0الاول
20 - التانى
40 التالت
60-80 الرابع
واصلا من يوم ما جبتها مجبتش ال 120 غير النهاردة لمسة كدة على صلاح سالم وهديت علشان الطريق قفل عليا
البنزينة الى بفول منها هى بنزينة موبيل fji لانها جنب الجامعة عندى وهى من انظف البنزينات موبيل المفروض يعنى
النهاردة حتى شفت نص التانك بالظبط عامل معايا 160 كيلو على عداد الرحلات كنت مصفرة اول لما فولت لحد ما البنزين نزل من التانك وغرق الارض والنهاردة نص التانك فضى على 160 كيلو
فهل دة طبيعى

انا معايا اكسيل بردوا مبتعملش كدا واهى من انتاج 12 سنة

**M.Osman** · 07-01-2011 01:08 AM

اولاً الف مبروك العربية
ثانياً المؤشر في النص مش مقياس

جرب تفول و تصفر عداد الرحلات و تمشي كام يوم ... و لما تيجي تفول تاني شوف في البنزينة اخدت كام لتر و اقسم المسافة على عدد اللترات عشان نشوف الرقم المتوسط كام كم لكل لتر
انا بعمل من 13-11 كم للتر و انا 1600

**Angel_wolf** · 07-01-2011 04:17 PM

ولاً الف مبروك العربية
ثانياً المؤشر في النص مش مقياس

جرب تفول و تصفر عداد الرحلات و تمشي كام يوم ... و لما تيجي تفول تاني شوف في البنزينة اخدت كام لتر و اقسم المسافة على عدد اللترات عشان نشوف الرقم المتوسط كام كم لكل لتر
انا بعمل من 13-11 كم للتر و انا 1600

الله يبارك فيك
ان النهاردة رحت البنزينة وغيرت كل الفلاتر
زيت و بنزين وهواء
وغيرت زيت الى كان موجود الى كان موبيل بموبيل الجديد ال 10000 فيروا حتى شكل العلبة وبقى ب250 جينية بدل 235 وربنا يكرم هشوف كدة تانى هو لحد دلوقتى 160 كيلو خدوا نص التنك لما افول تانى هحسب تانى وربنا يكرم

ومتشكر لكل الناس