الموضوع: رش دواخل السيارة ايه العمل؟

الاخوة الاعزاء
اشتريت سيارة فيات اونو وللاسف الشديد الشخص اللى جه معايا طلع مش بيفهم وقالى انها فابريكة دواخل
وبعد ما جبتها كنت برد جزء من الكبوت على البارد اكتشفت ان الابواب الداخلية من تحت واكلها البارومة وانا معرفش قلت للبوهيجى عاوز اعالجها من غير ما ارش الدواخل راح ضاحك وقالى هى مرشوشة اصلا من جوة
بس الرش من جوة حتت صغيرة مش كل الابواب ؟
كلمت واحد صاحبى خبير فى الامور دى قالى بعها بسرعة وللاسف هتخسرلك من 3000 الى 4000 ج لان اى حد هيشتريها هيقولك عاملة حدثة ورشيتها من جوة

دلوقتى انا مش عاوز ابيعها لانى بستخدمها كتير وما صدقت اجيب عربية ومش معايا فلوس اكمل واجيب واحدة غيرها
ايه الحل اعالج الباروما وارش كله وخلاص ولا اسيبها كدة ولا ايه؟

طالما حضرتك اشتريت ومش ناوى تغير يبقى ربنا يباركلك
المهم تهتم باللى المفروض تعملة وخصوصا لو حاجه مهمة
وانا رأيى انك ما خسرتش حاجه بالعكس ده انت لسه هتكسب منها بعد ماتتعرض لموقف ما والعربية تشيلك فى الموقف ده هتحس انك استفدت من ثمن العربية وانت الكسبان وكل ما تحس ان العربية بتشيلك فى اوقات وتفك لك ازمات هتحس انك كسبان عربية بتخدمك المهم ماتهملهاش واديها عشان تديك
ومادام العربية مش زيرو اصلا ولا حتى كسر زيرو يبقى المستعمل مهما كان نضيف بيفضل عايز تظبيط
وفى النهاية انت كسبت عربية وخبره دعواتى بالتوفيق