سويفت 95 بتعمل 130 ك فى الصفيحة

**kimoxxxxx** · 05-01-2011 03:44 PM

السلام عليكم ورحمة الله
معاى سويفت 95 لسه شاريها ، حبيت أعرف بتعمل كام كيلو ف الصفيحة ففولتها وكانت عاملة 859 ك وبعد مافولت عملت 185 كعني قلبت بعد الألف وعملت 40 ك كمان (1040 )
ورحت أفول تانى خدت ب 30 جنية بنزين 80 يعني كدا عملت حوالى 130 بس !!!!!!!!
الحل ايه أرجو المساعدة

**kimoxxxxx** · 06-01-2011 11:05 PM

ايه يجماعة الخير مفيش ولا رد حتى اليوم

**ultrasoft** · 07-01-2011 12:13 AM

لا طبعا يا ريس .. الاستهلاك كده عالى جدا .. معايا العربية لسه برضه شاريها .. بتعمل من 290 لحد 325 كم فى الصفيحة حسب المشاوير - ( وعلى فكرة اعتقد الاستهلاك بتاعى عالى شوية برضه ) .. حضرتك تروح عند ميكانيكى .. يبصلك ع الكاربيتير والبيكات ويظبطه على 80 وظبط التكيهات .. ويشوف البوجيهات وفلتر البنزين والهوا .. وربنا معاك

**kimoxxxxx** · 07-01-2011 11:21 PM

أنا رحت لواحدد قالى الكاربيراتير ملعوب فيه وقالى أركب لك واحد بتاع 128 وبيشتغل وبيبقي كويس جدا ومش بيخنق العربية فمش عارف أعمل ايه خايف على العربية
فتنصحونى بأيه
وأيه اسعار الكاربيراتير الجديد السوزوكى

**anwarnono** · 17-01-2011 10:03 PM

متابع

**exact** · 19-01-2011 01:52 PM

المشاركة الأصلية كتبت بواسطة ultrasoft

لا طبعا يا ريس .. الاستهلاك كده عالى جدا .. معايا العربية لسه برضه شاريها .. بتعمل من 290 لحد 325 كم فى الصفيحة حسب المشاوير - ( وعلى فكرة اعتقد الاستهلاك بتاعى عالى شوية برضه ) .. حضرتك تروح عند ميكانيكى .. يبصلك ع الكاربيتير والبيكات ويظبطه على 80 وظبط التكيهات .. ويشوف البوجيهات وفلتر البنزين والهوا .. وربنا معاك

لا طبعا الاستهلاك عندك كده تمام جدا وده الطبيعي...يا راجل يا طيب انت بتتكلم في 6 لتر لل 100 كيلو
ومعاك في تغيير البوجيهات وفلتر الهوا وضيف عليهم ظبط الكربيراتير والكهربا من الاسبيراتير
ومن الحاجات المهمة برضه ضبط ثغرة البوجيه على 0.7 الي 0.8 ملليمتر

والسؤال المهم وممكن يكون برضه عامل مهم هل مجموعة الدبرياج سليمة وللا مفوته

**exact** · 19-01-2011 01:58 PM

المشاركة الأصلية كتبت بواسطة kimoxxxxx

أنا رحت لواحدد قالى الكاربيراتير ملعوب فيه وقالى أركب لك واحد بتاع 128 وبيشتغل وبيبقي كويس جدا ومش بيخنق العربية فمش عارف أعمل ايه خايف على العربية
فتنصحونى بأيه
وأيه اسعار الكاربيراتير الجديد السوزوكى

قول لل............. ده بطل فتاوى..للعلم كربيراتير السوزوكي من شركة هيتاشي اليابانية وده من ادق انواع الكربيراتيرات مع العربيات...هو اللي مبيفهمش غير في ال128 وعايز يلبسك في حيطة...ابسط حاجة لو كان ال....ده بيفهم كان قال لك على طقم الصيانة وده تقريبا بمقام تغيير الكربيراتير وسعره حوالي 70 الى 80 جنيه بس البعيد غبي يا اما عاوز يبيعك....ولو هتغيره غيره بسوزوكي عشان ابسط حاجة ان 128 مش مجهز انه يتعامل مع عربية مكيفة وكمان فيه وصلة مابين الكربيراتير والاسبيراتير عشان تخلي العربية تقدم الكهرباء اوتومايكيا عند اللزوم بينما ال 128 مكانش فيها الكلام ده...يبقى يمشوا مكان بعض ازاي...لو عاوز حد فالمحلة ممكن ادلك