اشكرك يا باشا و انا ساكن في جسر السويس
عرض للطباعة
اشكرك يا باشا و انا ساكن في جسر السويس
وانا معاكم
اخيرا جبت الوحش
الف مبروك بص بقى عاوزك تشيك على سلك الدبرياج وسلك البنزين (الويرات ) انها سليمة علشان ممكن تتقطع وانت ماشى ثانيا سير المروحة اللى هو من الموتور للمروحة دا مهم قوى تبص علبيه انه سليم لانه لو اتقطع ده بيشغل المروحة وطلمبة الميه ودايما معاك سير احتياطى فى العربية الكورى ب 10 جنيه والاتحاد الاوربى ب 18 وهو مقاسه 1225 وفى بعض العربيات 1200 كمان شيك على الكاوتشات المانفول اللى هما من المواسير اللى راكب عليهم الكاربراتير وواصلين للموتور اللى هما بينقلوا الخليط ان مفيش فيهم تنفيس لو لقيت تنفيس غيرهم هو الطقم ب 30 جنيه حاجة مهمة تانية اتاكد ان الخوصة اللى شايلة المانفول مربوطة كويس لانها لو مش مربوطة كويس ممكن يريح على المارش يعمل قافلة انا احتياطى حاطط سفنجة فوق كابلات المارش واى حاجة احنا فى الخدمة
سلام عليكم
انا لسه شايف عربيه 305 وصاحبها عاوز يبدل معايا
انا معايا 127 توب
ارجو الأفادة
خصوصا هو قالي اعفشة مش حلوة واره
لو على المساعدين اللى ورا بسيطة جوز المساعدين جداد ب 450 جنيه ولو استيراد ب 250 /300 جنيه العربية دى فيها ميزة لو عفشتها منتهيه برضه بتبقى ثابتة بس هناك فرق بين ال127 فى الوسع والجرى والنعومة المهم شاسيه ودواخل موتور كويس كبالن كويسه والعافشه قدام الصالون عاملين ايه لو كله تمام توكل على الله بس للعلم هى تقيله فى بيعها غير كده كويسه قوى بالنسه لسعرها
استاذ ابو عمر
والله مش عارف اقول لحضرتك ايه
انا فرحتى بردك ده نفس فرحتى لما جبت العربية اخيرا حسيت انى مش لوحدى
اشكرك جدا
بس انا بصراحة خام فى موضوع العربيات يعنى اول تجربة وحاسس ان نصايح حضرتك مهمة جدا بس حتعبك معايا لو سمحت
اجيب الحاجات دى منين واتباع صيانة العربية مع مين
انا مقيم فى المعادى
وشغلى فى جريدة الجمهورية "المشرف على الصفحة الادبية فى الجمهورية" فى رمسيس
يعنى لو ممكن اشتريها من التوفيقية اروح لمين والاسعار ايه
حتعبك معايا انا اسف
ولكنه العشم
الله يبارك فى حضرتك
بس فين المنيكانيكى الشاطر فى المعادى او حتى قريب منها واطلب منه يعمل ايه
فيه ناس نصحتنى اروح لاحمد عمارة مباشرة وناس تانية خوفتنى منه جدا وقالت اسعاره نار
انا العربية الحمد لله تمام موديل 81 موتورها 82 % فبريكة دواخل التكييف تمام والفرش تمام
محتاجة تغيير ذراع الاشارات لانه بيعلق وتشحيم الكبالن لانها بتطقطق خفيف فى الملفات الصعبة
لا يا باشا اى خدمة بالنسبه لقطع الغيار انا الجديد بشتريه من واحد اسمه فاروق عيد محطة نصر الدين الهرم عندك بقى البيجو كله فى شارع مجلس الامة فى لا ظوغلى واشهرهم بيت البيجو وده عنده جديد واستيراد اما تركيب المساعديم والكبالن دول اى ميكانيكى هيعملهم انت محتاج ميكانيكى بيجو لو فيه شغل فى الموتور انما العفشة اى عفشجى واى كهربائى هيعملك الدراع ده بس الدراع افضل يكون استيراد لان الجديد هتلاقى الصينى بلاش منه ولو لقيت الاصلى هيبقى غالى عموما انا ساكن فى اول فيصل وبتعامل مع ميكانيكى وكهربائى كويسين لو عايزنى انزل معاك تجيب اى حاجة مفيش مشكلة احنا هنا كلنا بنساعد بعض ولو حابب تروح للميكانيكى بتاعى لحد ماتتعرف على حد كويس جنبك تحت امرك اما احمد عمارة انا متعملتش معاه بس المفروض انه مكان كبير بيشتغل فى البيجو الحديث وعنده ورشه جانبه للقديم عنده جميع قطع الغيار ميكانيكةوكهربه والصنايعية بتوعه فاهمين كويس ودى بتساوى كتير اولا مش هتتعب روح هات دى لا مش هى روح غيرها ثانيا وبعدين مش هيكون غالى ولا حاجة دى الها عربية قديمة يعنى لا فيها شغل كمبيوتر ولا حساسات ولا حاجة عموما شوف واللى انت عايزة . وبعدين عندنا فى القسم اخونا ميدو 84 او المهندس محمد هو مشغول شوية اليومين دول لما يفضى بقى ده حافظ العربية يعنى هيظبطنا فى كل الاسئله
بصراح يا ابو عمر انت نورت الرابطه و الرابطه بجد بقت قويه بفضل الله اولا ثم بمشاركاتك الفعاله ثم بمشاركات الاعضاء
اخواني الاعزاء
ارجو من اي حد هنا في الرابطه جزاء و تكريما لابوعمر و مجهوده انه يدعيله دعوتين
ربنا يكرمه و يرزقه و يعلي قدره و يبارك له في ولده و لا يريه مكروه في عزيز ابدا
ممكن تدعو له بده
و لكم مثله ان شاء الله