الموضوع: رابطة مالكي البيجو 305

المشاركة الأصلية كتبت بواسطة medo84eg

بصراح يا ابو عمر انت نورت الرابطه و الرابطه بجد بقت قويه بفضل الله اولا ثم بمشاركاتك الفعاله ثم بمشاركات الاعضاء
اخواني الاعزاء
ارجو من اي حد هنا في الرابطه جزاء و تكريما لابوعمر و مجهوده انه يدعيله دعوتين
ربنا يكرمه و يرزقه و يعلي قدره و يبارك له في ولده و لا يريه مكروه في عزيز ابدا
ممكن تدعو له بده
و لكم مثله ان شاء الله

ربنا يكرمه ويسلم طريقه
اللهم امين

المشاركة الأصلية كتبت بواسطة aboomar22

لا يا باشا اى خدمة بالنسبه لقطع الغيار انا الجديد بشتريه من واحد اسمه فاروق عيد محطة نصر الدين الهرم عندك بقى البيجو كله فى شارع مجلس الامة فى لا ظوغلى واشهرهم بيت البيجو وده عنده جديد واستيراد اما تركيب المساعديم والكبالن دول اى ميكانيكى هيعملهم انت محتاج ميكانيكى بيجو لو فيه شغل فى الموتور انما العفشة اى عفشجى واى كهربائى هيعملك الدراع ده بس الدراع افضل يكون استيراد لان الجديد هتلاقى الصينى بلاش منه ولو لقيت الاصلى هيبقى غالى عموما انا ساكن فى اول فيصل وبتعامل مع ميكانيكى وكهربائى كويسين لو عايزنى انزل معاك تجيب اى حاجة مفيش مشكلة احنا هنا كلنا بنساعد بعض ولو حابب تروح للميكانيكى بتاعى لحد ماتتعرف على حد كويس جنبك تحت امرك اما احمد عمارة انا متعملتش معاه بس المفروض انه مكان كبير بيشتغل فى البيجو الحديث وعنده ورشه جانبه للقديم عنده جميع قطع الغيار ميكانيكةوكهربه والصنايعية بتوعه فاهمين كويس ودى بتساوى كتير اولا مش هتتعب روح هات دى لا مش هى روح غيرها ثانيا وبعدين مش هيكون غالى ولا حاجة دى الها عربية قديمة يعنى لا فيها شغل كمبيوتر ولا حساسات ولا حاجة عموما شوف واللى انت عايزة . وبعدين عندنا فى القسم اخونا ميدو 84 او المهندس محمد هو مشغول شوية اليومين دول لما يفضى بقى ده حافظ العربية يعنى هيظبطنا فى كل الاسئله

الف شكر لحضرتك
كلك ذوق والله

المشاركة الأصلية كتبت بواسطة medorohoma

السلام عليكم
انا احمد من دمنهور
انا كنت ناوي اشتري عربيه وطبعا زيي زي كتير مفكر ان العربيات الرخيصه يعني مفيش غير 128 و 127 و 124 و 131 و 132 و 1500 و 1200 وكده يعني
وده طبعا بيظلم عربيات تانيه احسن زي ال 305 بس بصراحه كده احسن خلينا نعرفو نشترو


بس انا كان ليا طلب عند الاعضاء المحترمين اللى لقيتهم موجدين هنا بصراحه كلهم ناس الحمدلله كويسه وبتحاول تقدم اي مساعده مش بيتاخرو


كنت عاوز اعرف اكتر عن 305 بالتفصيل زي مثلا


اول موديلاتها كام واخر موديلاتها كام وايه اول موديلات الطياره ؟؟؟؟؟

وايه الفرق بين العاديه والطياره هل الفرق فى حجم الحوض وبعض الشكل الخارجي ولا فى حاجات تانيه وقطع غيار العاديه والطياره مختلفين ؟؟؟

وموديلات الطياره مختلفه ولا واحده كلها ؟؟؟

وهل فرق الموديلات ده بيختلف مع المواتير يعني هو كل العاديه 1300 و الطياره 1500 ولا مش شرط وكده ؟؟؟؟


وياريت اللى يعرف محلات قطع الغيار يقول بالذات لو فى اسكندريه وياسلام لو فى حد مشارك معانا فى دمنهور ؟؟؟


وطبعا احسن الصنايعيه اللى اصحاب العربيات اشتغلو معاهم ولاقوهم تمام زي الكهربائي وعفشجي وميكانيكي وسمكره وكده علشان انا سمعت مش اي حد بيشتغل فيها ؟؟؟؟؟


وطبعا اسعارها العاديه متوسطها كام والطياره لو فى حاله كويسه ؟؟؟


وايه النصائح عند الشراء زي مثلا ناخد بالنا من ايه ايه الموديلات اللى نبعد عنها ؟؟؟؟ والنصائح اللى بعد الشرا فى الاستخدام ؟؟؟



وياريت لو نسيت حاجه انتو بقا متتوصوش ههههههههههههههههه


يعني من الاخر كده تقرير مفصل شامل عن ال الاسد القديم 305






انا عارف اني هتعبكم معايا بس بجد معلومات مهمه لواحد زيي معلوماته قليله ولازم لما اشتري عربيه اكون على درايه بكل مافيها



وشكرا مقدما لمعاليكم

اولا ممنوع الكتابة باللون الاحمر ده مخصص لادارة المنتدى فقط
موديلا ال 305 ده رابط فيه كل الموديلات Peugeot 305

الفرق بين العادى والطيارة الطيارة بداية من سنة 81 اظن كده وبتفرق فى شكل الطابلوه والشبكة الامامية واتساع الحوض والموتور بحيث يمكن ان يركب فيها موتور 405 وكمان العجل 4 مسمار بيكون اسهل فى تركيب جنوط اسبور طبعا موديل الطيارة احسن
اسعار بتكون من حوالى 9 الاف الى 14 - 15 للعادية والطيارة من 11 /17 -18 حسب الحالة
فيه موديلات مكيفة انما نادرة جدا
اهم حاجة عند الشراء الشاسية والدواخل فابريقة والموتور حالته كويسة والعافشة والكبالن والتابلوه يكون شغال وسليم وطبعا قبل كل ده ورق العربية يكون سليم
وبعد الشراء تروح لميكانيكى يغير السيور والفلاتر وطقم الكهرباء ويكشف على كاوتشات المانفول وييرات الدبرياج والاكسراتير وينظف الكاربراتير وكهربائى يشيك على الكهرباء واللاسلاك وتنظف الريداتير وكده كله تمام
وانا مش معى مقولة انا محدش بيشتغل فيها الا ميكانيكى معين ليه يعنى هو جاجوار الموتور بس علشان مزنوق محدش بيحب يشتغل فيه بس كده اخيرا هى عربية ممتازة بالنسبة لسعرها
واى خددمة ياباشا

اولا يا استاذ ابو عمرو حضرتك راجل محترم فوق الوصف وانا شاكر جدا لحضرتك وياريت تقبل اعتزاري بخصوص لون الخط لاني معرفش دي اول مره يعجبني موضوع واحب اشترك فيه


وانا حبيت استفيد من حضرتكم وفعلا مقصرتوش

يا اهلا و سهلا بيك يا اكتيف

ايه ياميدو انت لسه فاكر الرابطة هههههههههه تقريبا معدش فاضل منها غيرى انا وانت هههههههههههه

وانا كمان معاك يا معلم
عايزين اسعار قطع الغيار واماكن بيعها وموضوع متبت لـ 305