طبعا كل الناس حا تتسائل أية أهمية الموضوع دة دى مجرد جلدة مساحة حا تتغير ؟
السبب أن معظم الناس الى معاها تمبرا عارفة أن المساحات بتاعت التمبرا الموجود ب 95 جنية للمساحتين و ليست الاصلية و المساحتين الاصلين ثمنهم 250 جنية و لو اشتريتهم أستيراد بيكون ثمنهم من 90 الى 120 للجوز
نبدا الموضوع
الاول لو جلد المساحات فقط هوة الى بايظ هناك جلد مساحات أصلى ثمنة 40 أو 50 جنية للجوز لو الذراع عندك سليم حا تجيب الجلد و تغيرة و لكن لو هناك كسر فى الفبر الى ماسك الكاوتش حا نعمل أية
أنا فضلت أدور على مساحات تكون نفس طول جلد المساحات الاصلية و هى 20 بوصة يعنى 50 سنتى بالظبط و كنت عاوز شكل معين بالذات لسبب أننى حا أستفيد بالجلد بتاع المساحات و جزء من الذراع حا اشرحة بالتفصيل
الاول هو دة شكل المساحات العادية جدا الى أشتريتة
بعد كدة حا نفك جلد المساحات من الذراع الحديد و فية كلبسات بلاستيك دى عندى علشان بقفل بيها على جلدة المساحة علشان الخوصتين السلك ما يتفكوش من الجلد بتاع المساحة
بعد كدة بنركب الجلد بتاع المساحات فى الذراع الاصلى بتاع العربية و بيكون من أسفل الى أعلى بالشكل دة كدة
بكدة الجلد حا يكون ركب و القصة خلصت و مفيش مشكلة بس لو أنت عندك أطراف فى المساحة الاصلية بايظ و مكسور يبقى المساحة بتترمى و مالهاش لازمة و لكن لو الجزء الى تحت عندك هو الى فية الكسر الى بيمسك الجلد بتاع المساحة ممكن تغيرة و حا يكون كمان حديد مش بلاستيك زى بتاع المساحة الاصلية علشان كدة انا كنت بدور على مساحة الذراع الى فية الخوصة يكون بطول معين حا نشرحة بالصور
فى الصورة دى واضح أن المقاسات أنطبقت أد بعض بفرق بسيط جدا جدا
و حتى لو كان الذراع الداخلى أطول مليى مترات ما تقلقش حا يبات فى جسم المساحة الحديد باشكل دة كدة
المفضلات