سباق غريب في شوارع المحروسه

**M.Mosaad** · 05-01-2011 08:23 PM

المشكله انهم بيبقوا شباب العمر كله قدامهم و ظروفهم الماديه كويسة و الحياه حلوة و كله جميل و علشان لحظات الطيش اللي ملهاش لازمه دي ممكن يعمل حادثة يروح فيها او يطلع منها مشلول طول عمره علشان يفتخر انه طلع بقدرات عربيته مش بقدراته هو من عربيه تانيه
ربنا يهدينا جميعا

**mahmoud_anwar** · 05-01-2011 08:26 PM

المشاركة الأصلية كتبت بواسطة beetlemosh

بص عشان تريح نفسك امشى فى الحاره اللى فى النص
فى عربيه ادامك
ادى اشارتك الحلوه و بص فى مرايتك و عدى من الشمال و ارجع تانى باشاره يمين فى الحاره اللى فى النص
و هكذا بقى
سواء ملتزم بالسرعه ولا لا بس ده اريحلك و اريح للى جى مجمع اسرع منك انه يعدى من الشمال مستريح

و الجمد لله انك بخير
و انا عن نفسى قليل اوى لما بمشى هادى
مبعرفش امشى براحه بحس انى مخنوق

ربنا يهدينا

علي فكره كلام مش صحيح نهائي الحاره الي في النصف تعتبر ملطشه الي عايز يدخل شارع بيحدف علي اليمين فا بيطر يحدف علي الي في النص الي بياخد غرزه بيحدف علي الي في النص
الي بيروح من اليمين للشمال بيحدف علي الي في النص
انا معتبر ان النص ده ملطشه ياتمشي يمين ياشمال يمين تبقا تمشي هادي شمال يبقا افتح

**pharonicking** · 05-01-2011 08:35 PM

دول شوية مجانين اهاليهم اشترت ليهم العربيات وسابوهم يلطشوا فى الشارع"

**doctor_eid** · 05-01-2011 08:48 PM

لا مؤاخذة موس... ايه؟؟؟؟؟؟؟؟
ايه الاسماء الغريبة دي
طيب اهم الفليشيا و الشارك دي عربيات محترمة و نعرفها
انما الحاجات التانية دي......... ده حتى اسمها تقيل على اللسان
على فكرة
انا كنت زمان باحب الجري
ايام ال 128 طيب الله ثراها
من بعد كده ما بقيتش اجري الا قليل
و لكن ملحوظة
لما تسوق هادي و تمشي على جنب
في معظم الأحيان تلاقي الناس زي ما تكون بتستهيفك و تلاقي الغرز يمين و شمال من حواليك
لدرجة انك تكون معرض لمشاكل
بعكس لما تسوق بطريقة Aggressive شوية
الناس بتعمل حسابك
انا مش باشجع على كده بس باقول اللي باشوفه
و الموضوع محتاج تحسبها كويس
و في كل الأحوال ربنا يسترها معانا جميعا

**kamalsalem** · 05-01-2011 08:58 PM

انا كل مشكلتي في الطرق في مصر اني بحس بجد انه السرعة اللي متصمم عليها الطريق مكتوبة عشان الواحد ينام وهو سايق... يعني 90 على الدائري دي ببقى هطق من جنابي.. ف بين الرادارات مش اللي هو بجري على قد ما العربية تجيب بس بزود شوية لحد 110... كده بحس انه العربية ماسكة على الطريق وامان.. وانا مش زهقان

**zaza_lanos** · 05-01-2011 10:29 PM

المشاركة الأصلية كتبت بواسطة crazylambada

لما ببص في المرايه ان حد مقرب مني من ورا قبل ما يدي فليشر اكون مدي انتظار اللي بقوله مش حتحرك من مكاني و لو حسيت انه هياخد غرزه انا طرف بيها بيبقى قدامي حلين يا اما بقفلها يا اما بريح البنزين و اخليه ياخودها براحته
و ده امن حاجه في شوارع مصر

حرام عليك واحد بياخد غرزة مش فرقة معاه ياخدك معاها
امشى فى الحارة الوسط حقك ومحدش هيزعل منك
انا بقابل قافلى الغرز على الكوبرى وبيحصلهم كوارث وخصوصا المستجدين فى السواقة

**crazylambada** · 05-01-2011 10:45 PM

المشاركة الأصلية كتبت بواسطة zaza_lanos

حرام عليك واحد بياخد غرزة مش فرقة معاه ياخدك معاها

امشى فى الحارة الوسط حقك ومحدش هيزعل منك

انا بقابل قافلى الغرز على الكوبرى وبيحصلهم كوارث وخصوصا المستجدين فى السواقة

لا مش غشيم اوي زي ما حضرتك متخيل
الغرزه بقفلها من الجنب قبل ما يوصل لاكصطدام العربيه اللي جنبي و مع الانتظار يعرف انه استحاله يعدي من جنبي الحاره اللي في النص بمشي فيها عادي بس لو سرعتي بطيئه لكن طريق 100 واحد بيحب يجري مفيش مشاكل بس متاذنيش
خصوصا ان فيه ناس اكتشفتها بتعمل الغرز و خلاص مع ان الاكصطدامات ممكن تخبط في بعض
فانا معرضش نفسي للخطر و ان حد يعمل غرزه فيا الله اعلم ان كان هيعملها مظبوط و لا لأ
امنعها من الاول و اريح دماغي

**beetleMOSH** · 05-01-2011 11:04 PM

طيب ما انا مممكن اشوف واحد جى بسرعه ممكن ازود و اوسعله ( لو هياخد الغرزه من وراك )
او تهدى و تفتحله غرزته و تسيبه يعدى ( لو هايخدها من قدامك )

و ريح نفسك من وجع الدماغ ده يعنى

**eldell** · 06-01-2011 01:43 AM

المشاركة الأصلية كتبت بواسطة beetlemosh

طيب ما انا مممكن اشوف واحد جى بسرعه ممكن ازود و اوسعله ( لو هياخد الغرزه من وراك )
او تهدى و تفتحله غرزته و تسيبه يعدى ( لو هايخدها من قدامك )

و ريح نفسك من وجع الدماغ ده يعنى

الى بتقوله ده والله كلام زى الفل طيب تعمل ايه لما واحد تبقى ماشى وراه وهتاخد غرزه من وراه وفجاه يدوس فرامل

**beetleMOSH** · 06-01-2011 02:13 AM

ههههههههههههههههههههه
يا تفرمل انت كمان يا هاتبوسه بقى

انا حصل معايا الموضوع ده فى نفق الثوره
نازل اخد غرزه
راح اللى قدامى مفرمل و اللى جمبى كبس
ههههههههههههههههههههه
و طبعا انا ولا abs wala dds
و ورينى احلى لعب بقى فى النفق
بس الحمدلله مكنش فى حد ورايا
و رحت سبتلهم مليون مله D:
كانوا هايضيعونا فشوش ولاد التيييييييييييت
على فكره الكلام ده مكنش على سرعه عاليه
بالكتير اوى 90 - 100

الموضوع: سباق غريب في شوارع المحروسه

LinkBack

أدوات الموضوع

عرض

-

-

-

-

-

-

-

-

المواضيع المتشابهه

جولف 2 في سباق داخل شوارع القاهرة (فيلم)

اودي R8 في شوارع المحروسه!!!!

مغامرات فى شوارع المحروسه

فيديو: سباق بين أسرع سيارتان في العالم في شوارع أبوظبي

ايه الرقم القياسي لسيارة جديده بدون خدوش في شوارع المحروسه؟

الكلمات الدلالية لهذا الموضوع

المفضلات

المفضلات

ضوابط المشاركة